جولف 4

**Bayoumi** · 25-04-2010 06:12 AM

ممكن لو حد من الاعضاء عنده جولف 4 للبيع أو قدامه واحدة يتفضل مشكورا بابلاغي ويفضل انت تكون 1600 او 1800 اوريجينال او متسقط بنضافة وتكون فابريكة جوة
وشكرا مقدما

**M_Nabil** · 26-04-2010 04:58 AM

أنت أخرك كام في المبلغ؟ في واحدة 1800cc تيربو 220 حصان وفيها شغل نظيف جداً ومتظبطة بس السعر عالى شوية

**iso_loma** · 29-04-2010 04:43 PM

لو معايا 60 اركب جولف حاله نظيفه ولا ميجيبوش

**ahmad--ezzat** · 29-04-2010 04:46 PM

المشاركة الأصلية كتبت بواسطة M_Nabil

أنت أخرك كام في المبلغ؟ في واحدة 1800cc تيربو 220 حصان وفيها شغل نظيف جداً ومتظبطة بس السعر عالى شوية

ياترا السعر كام؟

**Bayoumi** · 14-05-2010 03:00 PM

انا اخري 65 او اكتر شوية بس لو العربية تستاهل ممكن افكر فقولي سعرها وايه اللي فيها وربنا يسهل

**TOOLA** · 14-05-2010 05:05 PM

متابع باهتمام

**M_Nabil** · 15-05-2010 11:19 AM

المشاركة الأصلية كتبت بواسطة bayoumi

انا اخري 65 او اكتر شوية بس لو العربية تستاهل ممكن افكر فقولي سعرها وايه اللي فيها وربنا يسهل

موديل 99 لون نبيتى صاحبها طالب 95 ألف وممكن السعر ينزل شوية في حدود المعقول فيها بالإضافة للماتور التربو عفشه كاملة رياضية وجنط وفوانيس وزينون أصلى وكراسى ريكارو وكيت فرامل بيريمبو أصلى ومش فاكر ايه ثاني لو السعر مناسب ليك ياريت تبلغنى

**Bayoumi** · 21-05-2010 05:49 AM

ياباشا هيا حلوة ماختلفناش بس هيا غالية شوية وانت بتقولي تنزل في حدود المعقول يعني مثلا هتوصل ل 90 برده متهيالي كتير لان انا قدامي واحدة متسقطلها موتور audi TT 225hp ومطلوب فيها 75 والراجل ممكن ينزل برده بس عامة ياباشا الف شكر ليك ولتعبك معايا معلش هاتقل عليك تاني لو قدامك حاجة تانية او لو عرفت ان سعر دي نزل شوية ياريت تقولي والف شكر ياباشا على اهتمامك

**snakeson2** · 21-05-2010 06:24 AM

الجولف رخصت جدا!!
بتبدأ من 50 واخرها 65
نصيحة هات حاجة تكون ستوك ماتلعبش فيها عشان تحس بطعمها !
المتسقط لة مواتير مشاكلة اكتر من العادي وقطع غيار نادرة وغالية وتعب ولف عالفاضي !
مفيش احلي من الحاجة الي الالمان عملوها فابريقة وسيبك من الملعوب فية

**M_Nabil** · 22-05-2010 02:51 PM

المشاركة الأصلية كتبت بواسطة bayoumi

ياباشا هيا حلوة ماختلفناش بس هيا غالية شوية وانت بتقولي تنزل في حدود المعقول يعني مثلا هتوصل ل 90 برده متهيالي كتير لان انا قدامي واحدة متسقطلها موتور audi tt 225hp ومطلوب فيها 75 والراجل ممكن ينزل برده بس عامة ياباشا الف شكر ليك ولتعبك معايا معلش هاتقل عليك تاني لو قدامك حاجة تانية او لو عرفت ان سعر دي نزل شوية ياريت تقولي والف شكر ياباشا على اهتمامك

ياباشا تحت أمرك ولو في حاجه ثانية قدامى هابلاغك ان شاء الله المهم أنت ماتستعجلش عشان تجيب حالة تمام عن نفسى بحب اجيب حاجه استوك واظبطها أنا على مزاجى واحدة واحدة وربنا يوفقك