الموضوع: بناء عقار

طب الفرد ممكن يدفع كام
ولا حسب مساحة الارض و ايه وياريت لو مثال يعني مثلا قطعه 150 متر مثلا هاتكلف كام على كل واحد

هي طبعا فكره ممتازه وسعر المتر في التجمع عمارات حوالي 3000 ج والمساحات هناك غالبا 600 متر يعني الارض في حدود 1800000 المبني علي مساحة 60 % والباقي مساحات خضراء يعني المباني علي مساحة 360 متر يعني الدور شقتين يبقي الشقه 180 هيتبني ارضي وتلاته علوي يعني 8 شقق وهيبقي شوية حاجات زي البدروم والروف تكلفة المباني حوالي 1200000 جنيه يعني الشقه 180 متر في التجمع في حدود 375000 ممكن الروف يتباع هيعملو في حدود 200000 جنيه دي دراسة جدوي تقريبيه

المشاركة الأصلية كتبت بواسطة wahba87

كويس ان حضرتك عندك فكرة عن الاسعار , بس انا حاسس انها بردو غالية , هل ممكن نعمل الدور 4 شقق بدل 2 , بكده التكلفة ممكن تكون مناسبة ؟
و تقريبا قانونا ممنوع ان يتعمل دور ارضى فى التجمع الخامس (سمعت كده)
هل ممكن نزود الادوار شوية ؟ و ايه اخبار المرافق و تكلفة ادخالها
هل ممكن نشوف اماكن تانية غير التجمع الخامس تكون الاراضى ارخص

التجمع ليه قوانين معينه بالنسبه لمساحة الغرف والوحدات بس كام بالظبط ممكن اشوف الورق اللي عندي ,
بالنسبه للدور الارضي متاح عادي وبيبقي دور فوق البدروم ويكون سكني ,
بالنسبه لزيادة الادوار ممكن يتم دفع مبلغ بنسبة 25% من سعر الارض في الجهاز ويسمح باضافة دور كمان ( مش متاكد من كده 100% )
بالنسبه للمرافق مفيش فيها مشكله وهي محسوبه من ضمن تكاليف المباني
بالنسبه لاماكن تانيه ممكن الشروق وممكن العبور وممكن 6 اكتوبر وكل دول ارخص من التجمع طبعا
(بالنسبه للحسابات دي تقريبيه ممكن تقل او تزيد)

المشاركة الأصلية كتبت بواسطة hugan

التجمع ارضي ودورين فوق الارضي مفيش تلاته يعني 6 شقق والار ضي مساحه الشقتين اصغر بعد خصم المد خل في الار ضي من المساحه وتعوض في الدورين العلويين

حضرتك تقصد الفيلات احنا نقصد العمارات
بالنسبه للمداخل والمنور ده بيتحسب من مساحة 40 % اللي خرجت من المباني
بس هي ليها حسبه غريبه شويه