السلام عليكم

واحد صاحبى لسه خاطب و بيدور على شقة فى مدينة نصر او التجمع الخامس , اثناء ما هو بيدور لقى شركة (مش فاكر اسمها) , الشركة دى بتعمل ايه بقى

بتقولك جمع 9 من صحابك و تشترى ارض فى التجمع الخامس (و تسجل الارض باسم ال 10 افراد فى الشهر العقارى) و بتبدأ الشركة فى البناء عمارة خمس ادوار الدور على شقتين و الميزة فى الموضوع ده ان السكان كلهم هيكونوا اصحاب اصلا و بتسدد الثمن بالتقسيط على سنتين للشركة و فى الاخر بتقف عليك الشقة بحوالى 60% من ثمن الشقق فى المنطقة


ايه رأيكوا يا شباب لو نجمع 10 و نعمل الموضوع ده بنفسنا , الشقة هتقف علينا ارخص بعد ما نشيل ربح الشركة طبعا

بس هنحتاج حد عنده خبرة فى شراء الاراضى و البناء و التعامل مع المقاول و ادخال المرافق

انا اول المشتركين و مش فارق معايا المنطقة (القاهرة الجديدة - 6 اكتوبر - الشروق - اى حاجة) بس ده هيعتبر استثمار رائع

ايه رأيكم