القول الفصل فى استهلاك اللوجان

**bishoy02010** · 09-05-2010 12:10 PM

المشاركة الأصلية كتبت بواسطة shadyshehata

السلام عليكم و رحمة الله ...
يا جماعة و الله انا شايف ان التكييف برئ تماما من موضوع الاستهلاك ده لانه بيشتغل بالكهرباء مش بالبنزين.... يعني هو بياخد من الدينمو مش من الموتور بدليل حاجتين:
الاولى ان rpm لا يتغير بتشغيل التكييف او اطفائه
الثانية: انك ممكن تشغل التكييف و انت طافي العربية يعني على البطارية (بس طبعا ده للتجربه فقط و الا هاتلاقي البطارية فاضية في نص ساعة

)
بس بالنسبة لمعدل الاستهلاك اعتقد انها حوالي 6-7 ليتر على الطرق الطويلة و 8- 9 ليتر جوه البلد

للأسف كلام حضرتك غلط

**shadyshehata** · 10-05-2010 11:07 AM

المشاركة الأصلية كتبت بواسطة bishoy02010

للأسف كلام حضرتك غلط

طيب ليه غلط؟ يا ريت التوضيح لافادة الجميع

**bishoy02010** · 11-05-2010 12:53 AM

المشاركة الأصلية كتبت بواسطة shadyshehata

طيب ليه غلط؟ يا ريت التوضيح لافادة الجميع

تحت امرك انا هوضح النقط اللى انا واثق منها

السلام عليكم و رحمة الله ...
يا جماعة و الله انا شايف ان التكييف برئ تماما من موضوع الاستهلاك ده لانه بيشتغل بالكهرباء مش بالبنزين.... يعني هو بياخد من الدينمو مش من الموتور بدليل حاجتين:

مبدئيا التكيف فكرة تشغيلة انه واصل بسير (الكمبرسور ) بالموتور واول متشغل التكيف الكمبرسور بيشتغل عن طريق الحركة اللى وصلاله من الموتور وابسط دليل على كده لو ماشى على سرعة عالية يعنى عدد لفات موتور عالى التكيف بيكون ساقع جدا عن لو واقف فى زحمة

الاولى ان rpm لا يتغير بتشغيل التكييف او اطفائه

لأ بيتغير وبيقل طبعا اول مبتسمع صوت تك ان الكمبروسور اشتغل الأر بى ام بيقل ويروح اوتوماتيك ال ECU بتعادل الموضوع ده والأر بى ام بيرجع لطبيعته يا زيادة عن طبيعته بيقرب للواحد ار بى ام اكنك مزود بنزين

لثانية: انك ممكن تشغل التكييف و انت طافي العربية يعني على البطارية (بس طبعا ده للتجربه فقط و الا هاتلاقي البطارية فاضية في نص ساعة )
مستحيل
اللى ممكن يشتغل معاك هيا المروحة وديه اللى بتدفع الهوا لجوة العربية سواء والتكيف شغال او مش شغال وموضوع اللمبة اللى بتكون منورة بتاعت ال AC فديه وهمية وهدفها ان الكمبرسور واصل وكهربه اللى بتيديله امر انه يشتغل تمام وجرب تشغل التكيف هتلاقى هوا خارج بدرجة حرارة الجو مفيش تكيف

بالنسبة لتأثير استهلاك التكيف لو ماشى على طريق سريع الإستهلاك بيكون كلام فاضى مش ملحوظ اساسا يعنى شبه مبيأثرش على الإستهلاك

بس بالنسبة لمعدل الاستهلاك اعتقد انها حوالي 6-7 ليتر على الطرق الطويلة و 8- 9 ليتر جوه البلد

تمام او ققل من كده حاجات بسيطه
ياريت ققدر اكون قدرت اوضحلك الموضوع وتقبل تحياتى

**hobby10** · 11-05-2010 05:46 PM

المشاركة الأصلية كتبت بواسطة abotasneem

السلام عليكم ورحمة الله
و الله يا شباب انا مستغرب جداً للأرقام دى ، مفيش حد قال 10 و لا 11لتر|100كم داخل المدينة ، ده معظم استهلاكى داخل المدينة لا يقل عن القيم دى أنا متأكد ان فيه حاجة عندى غلط.

بص حضرتك متقلقش علشان انا برضه بيحصل عندى كده عادى بالرغم انى على السريع الحمد لله بتوصل ل 5 لتر لل 100 كيلو وده طبعا ممتاز وانا مكملتش ال 10000 حتى لو حتفرق يعنى ........ وعموما انا برضه كنت قلقانة وسألت مهندس حسام قالى لحد 12 لتر جوه البلد شغال اللى زيادة بقى هو ال 14 و15 ده كده كتيييير .. ارجو اكون افادتك

**shadyshehata** · 11-05-2010 09:09 PM

المشاركة الأصلية كتبت بواسطة bishoy02010

تمام او ققل من كده حاجات بسيطه
ياريت ققدر اكون قدرت اوضحلك الموضوع وتقبل تحياتى

جزاك الله خيرا ... لكن انا لسه مجرب و شغلت التكييف و العربية مطفيه وفعلا اشتغل التكييف و اعطى هوا بارد و ايضا جربت عداد rpm و لا حصل تغيير فيه نهائي لا زيادة بتشغيل التكييف و لا نقص لما طفيته.... بس بصراجة ما جربتش موضوع الفرق بين تشغيل التكييف و العربية واقفة او ماشية بسرعة عالية....
عموما انا متشكر لذوق حضرتك و اعتقد ان جزء كبير من كلامك صحيح لان انا بصراحة ما عنديش فكرة قوية عن الموضوع...

**bishoy02010** · 11-05-2010 10:55 PM

المشاركة الأصلية كتبت بواسطة shadyshehata

جزاك الله خيرا ... لكن انا لسه مجرب و شغلت التكييف و العربية مطفيه وفعلا اشتغل التكييف و اعطى هوا بارد و ايضا جربت عداد rpm و لا حصل تغيير فيه نهائي لا زيادة بتشغيل التكييف و لا نقص لما طفيته.... بس بصراجة ما جربتش موضوع الفرق بين تشغيل التكييف و العربية واقفة او ماشية بسرعة عالية....
عموما انا متشكر لذوق حضرتك و اعتقد ان جزء كبير من كلامك صحيح لان انا بصراحة ما عنديش فكرة قوية عن الموضوع...

مستحيل صدقنى الهوا اللى طالع ده هوا المروحه وهتحس بفرق رهيب لو شغلت العربية وانته فاتح التكيف هتلاقى فرق رهيب جرب تانى والعفو انا معملتش حاجة وياريت ققدر اكون وصلتلك وجهة تظرى والأر بى ام ركز معاه اول متسمع صوت التكه بتاعت الكمبروسر هتلاقيه ابتدى ينزل سنه واوتوماتيك ال ecu بتاعت العربية عادلت الفرق ورجعته طبيعى ولو معلى المروحة زود بنزين سنه وسيب هتلاقيه بقى قريب من ال 1 واى استفسار انا تحت امرك احنا هنا كلنا بنساعد بعض

**hobby10** · 12-05-2010 12:27 AM

فعلا لما تشغل التكيف والعربية واقفة الهوا بيبقى سخن مش هوا ساقع خالص

**abotasneem** · 17-05-2010 01:15 PM

بص حضرتك متقلقش علشان انا برضه بيحصل عندى كده عادى بالرغم انى على السريع الحمد لله بتوصل ل 5 لتر لل 100 كيلو وده طبعا ممتاز وانا مكملتش ال 10000 حتى لو حتفرق يعنى ........ وعموما انا برضه كنت قلقانة وسألت مهندس حسام قالى لحد 12 لتر جوه البلد شغال اللى زيادة بقى هو ال 14 و15 ده كده كتيييير .. ارجو اكون افادتك

اولا جزاكى الله خيراً على الاهتمام و الرد ، الفكرة اننى لقيت الاستهلاك عندى اعلى من باقى الاخوة و القيم التى ذكروها ، عموماً لحد كبير حضرتك طمنتينى.

**hobby10** · 17-05-2010 06:28 PM

المشاركة الأصلية كتبت بواسطة abotasneem

اولا جزاكى الله خيراً على الاهتمام و الرد ، الفكرة اننى لقيت الاستهلاك عندى اعلى من باقى الاخوة و القيم التى ذكروها ، عموماً لحد كبير حضرتك طمنتينى.

العفو يافندم تحت امرك

**gemelbana** · 17-05-2010 10:17 PM

[حضرتك هتلاقى موضوعات كتير فى المنتدى اتكلمت فى الموضوع ده و بتفاصيل كتير و طبيعى انك تسمع ارقام كتير عشان ظروف القيادة بتختلف و اسلوب السائق كمان
عموما و بشكل تقريبى
على طرق السفر من 5.5 لتر / 100 كم الى 6.5 لتر / 100 ك
داخل المدينة من 6 لتر / 100 كم الى 7.8 لتر / 100 كم

أقرب للحقيقة وأستهلاك سيارتى بعد 13000 كم تقريبا أقرب مايكون لذلك

الموضوع: القول الفصل فى استهلاك اللوجان

LinkBack

أدوات الموضوع

عرض

-

-

-

-

المواضيع المتشابهه

يا ريت القول الفصل فى الفيات ال 126

ما هو القول الفصل فى اسعار قطع غيار اللوجان

ما هو القول الفصل فى بيجو 206

القول الفصل فى استهلاك byd

القول الفصل في البروتون اوتماتيك

الكلمات الدلالية لهذا الموضوع

المفضلات

المفضلات

ضوابط المشاركة