الموضوع: أعتقد هنشوف فلوانس خليجى قريب جدا....!!!!

المشاركة الأصلية كتبت بواسطة amrelsaqqa

يا باشا العربيات هناك فعلا كله يابانى وامريكى

اليابانى تويوتا ليكزس و كامرى وكورولا وهايلكس ، وهوندا اكورد وسيفيك ، ونيسان طبعا ماكسيما والتيما والنص نقل
والامريكى طبعا هناك كله بانواعه ، الفورد والشفرولية الكابرس والجمس .. الخ ..

الاوروبى بقى
البي ام والمرسيدس والحاجات الفخمة اوى او الرياضية زي فرارى مثلا
وبس على كدة
انما مش بيجيبوا منه الفئات العادية بتاعت الاستخدام اليومى

جيتا وفانتازيا عادى ممكن العربيات دى داخلة دماغهم عادى بس مهما يكن استحالة تبقى زي اليابانى والامريكى

الكورى بقى ، ده بتاع العيال الصغيرة او التاكسى او سواق الحريم
وفيه ناس برضه غاوية الكورى وفيه ناس على قدها هناك برضه

طالما الكورى و السكودا و الجيتا و الجولف و و....مش مشهورين قوى فى الخليج و مع ذلك التجار قدروا يغرقوا بيهم السوق و ينافسوا التوكيل...ده كفاية إنهم باعوا سيراتو هاى لاين أكتر من التوكيل لدرجة إن التوكيل إبتدى يكلم الناس علشان يستلموا قبل ميعادهم من كتر ما لبس العربيات اللى إستوردها.

و لا الجيتا الهاى لاين اللى مقطعة الدنيا خليجى و كماليات و لا فى الخيال و مره كاسيت تاتش و مره 10 إير باج و حرقوا الوكيل حرق و اللى يحرق الدم إن توكيل فولكس رافض يصلحهم أصلا مش حتى يضمنهم و لا حتى بمصنعية أعلى من الطبيعى و أعلى ما فخيلك إركبو و سلملى على حماية المستهلك و مع ذلك البيع على ودنه و كأنها فراخ فى الجمعية.

أكيد فى توكيل رينو فى كل بلد خليجى صحيح مش بيبيع غير قليل جدا لكنه موجود.....يبقى سفرية بسيطة و زياره ليه و الإتفاق على كمية ظريفة بسعر لطيف و إشحن يا معلم و بيع يا وديع.....

المسألة مش مسألة إنتشار فى الخليج المسألة ينفع و لا لأ؟؟؟

يعنى هو كمية الفانتازيا و لا الجيتا ولا السيراتو اللى متباعه فى مصر أد أى بلد خليجى....منتو لسه قايليين إن العربيات دى مش مسمعه و مش محبوبه و بتاعت الفقراء....