أعتقد هنشوف فلوانس خليجى قريب جدا....!!!!

**Hany Saad** · 26-04-2010 02:30 PM

يا جماعة أنا عندى فكرة حابب أشارككم بها النهارده...

نتيجة للحوجوزات الغير طبيعية للفلوانس و خصوصا الفئة اللى ب 135000 و الناس كمان معندهاش مانع تزود 3000 و تستلم على طول...

أكاد أكون متأكد أن أكيد فيه تاجر أو أكثر زمانهم هيستغلوا فرصة تعطيش السوق و يبتدوا يضربوا التوكيل و يدخلوا الفلوانس من أى بلد قريبة (خليجى مثلا) و خد عندك كماليات زيادة أد كده و سعر أقل من التوكيل....و يستغلوا كل تعب التوكيل و الدعاية اللى عملها و الطلب الشديد اللى عليها و يضربوا ضربة الموسم.....

**amrelsaqqa** · 26-04-2010 04:50 PM

صعب اصلا يلاقوا العربيات الاوروبى دى في الخليج عشان يستوردوها

**Hany Saad** · 26-04-2010 05:04 PM

المشاركة الأصلية كتبت بواسطة amrelsaqqa

صعب اصلا يلاقوا العربيات الاوروبى دى في الخليج عشان يستوردوها

ليه طيب مالجيتا و المرسيدس ال c180 و الفانتازيا مغرقيين السوق خليجى و من جميع دول الخليج إشى كويتى و إشى سعودى و....و كمان موديلات مختلفة على حسب الكماليات...

الفكرة فى رأى الشخصى و قد يحتمل الغلط إن طالما فيه طلب عالى و الوكيل مش قادر يغطى الطلب ده...ساعتها على طول بيظهر الإستيراد الموازى.

نفس الشىء فى التقليد أو قطع الغيار...كلما زاد الطلب و قل العرض كلما شجع التقليد و الإستيراد الموازى.

يعنى التجار مش هتستورد قطع غيار لعربية متباع منها 100 عربية لكن هيستوردوا من كل الدنيا و بجميع المواصفات لعربية متباع منها ألاف لأنهم بكده ضمنوا فلوسهم.

**amrelsaqqa** · 26-04-2010 05:15 PM

المشاركة الأصلية كتبت بواسطة meggieboy

ليه طيب مالجيتا و المرسيدس ال c180 و الفانتازيا مغرقيين السوق خليجى و من جميع دول الخليج إشى كويتى و إشى سعودى و....و كمان موديلات مختلفة على حسب الكماليات...

الفكرة فى رأى الشخصى و قد يحتمل الغلط إن طالما فيه طلب عالى و الوكيل مش قادر يغطى الطلب ده...ساعتها على طول بيظهر الإستيراد الموازى.

نفس الشىء فى التقليد أو قطع الغيار...كلما زاد الطلب و قل العرض كلما شجع التقليد و الإستيراد الموازى.

يعنى التجار مش هتستورد قطع غيار لعربية متباع منها 100 عربية لكن هيستوردوا من كل الدنيا و بجميع المواصفات لعربية متباع منها ألاف لأنهم بكده ضمنوا فلوسهم.

مش عارف بقى بصراحة
بس هو عامة البيجو والرينو بالذات مالهمش سوق هناك

**Hany Saad** · 26-04-2010 05:22 PM

المشاركة الأصلية كتبت بواسطة Migo123

مع رينو بالذات ميتفعش مغامرات
يعني متقدرش تشتري رينو من غير ضمان حقيقي معتمد في مصر
معتقدش ان التجار ممكن يجازفو باستيرادها ... خصوصا ان الثقافه المنتشرة بين التجار وتجار الخليجي بالذات ... بتقول بلاش عربيات فرنساوي

حضرتك التاجر أخر همه فى الحياة ضمان السيارة....أو بمعنى أصح أنا و من بعدى الطوفان...هو المهم يجيب اللوط المحترم و الناس مموته نفسها على الإستلام اللى شكله مطول لغاية شهر 9 و على أتم إستعداد إنهم يدفعوا أزيد علشان يستلموا بدرى و الصيف داخل و الفسح عايزه عربية جديدة و فيه اللى باع عربيته و مستنى الفرج.........

و هنا يظهر الحل السحرى..فلوانس خليجى كماليات أزيد سعر أقل إستلام فورى.... و سلملى على الضمان.

حضرتك عندك الفانتازيا نزلت إعلان من مدة إن إصلاح الفانتازيا بيكون online و لازم يكون اللوط اللى الوكيل مستورده وإلا لن يجدوا إصلاح فى مراكز خدمة أرتوك أتو...و مع ذلك لم تختفى الفانتازيا الخليجى على العكس فى إزدياد.

الجيتا الخليجى الناس مش عارفين يصلحوها فين ناهيك عن الضمان لأن الوكيل كان الأول بيصلح بس بتكلفه أعلى و دلوقت رفض أصلا التصليح تحت أى ظروف و تقدر تتابع منتدى الفولكس.

طبعا الc180 دى موضوع تانى خالص يعنى حضرتك بتجازف ب350000 جنيه و أكيد لا يمكن تصلح c180 كمبروسيور أسفل الكوبرى مش فلوانس ب135000

يبقى إزاى التاجر خايف يجازف مع الفرنساوى و الضمان الحقيقى.

أصل التجارة هى المجازفة و القلب الميت.

و طالما الطلب العالى موجود يبقى المكسب معاه موجود لكن لو العربية معلهاش طلب و مش هتدور فلوسه بسرعة يبقى لما تكون إيه مش هستوردها.

طبعا ده رأى الشخصى...يحتمل الصواب أو الخطأ

**gebreel** · 26-04-2010 06:57 PM

الرينو اصلا في دول الخليج ملهاش سوق نهائي و معلش لو نزلت خليجي و انا بشتري انا مش هجازف بفلوسي اللي تعبان فيها علشان كام الف ارخص و تسليم اسرع و كماليات عالية شوية

كفاية اني لما اروح بالعربية التوكيل علشان عيب صناعة يتغير و انا واقف و اطلع بعربيتي زي الباشا بدون ولا مليم و وقت مالتوكيل يخسع معايا mail محترم لرينو و كل حاجة تتظبط اما لو خليجي هيقلك انا مش مسؤول عنها