اسباب عدم نجاح الشارك
1- استمرار البومة
2- سياسة التوكيل التسعيرية و التسويقية الفاشلة
3- الفتي المصري الشهير و نقل الكلام بالسمع بدون تجارب
4- حرمان الفئة العادية من مواصفات اختها الكبري ال gt
عرض للطباعة
اسباب عدم نجاح الشارك
1- استمرار البومة
2- سياسة التوكيل التسعيرية و التسويقية الفاشلة
3- الفتي المصري الشهير و نقل الكلام بالسمع بدون تجارب
4- حرمان الفئة العادية من مواصفات اختها الكبري ال gt
انا بتفق تماما مع حضرتك ومع جميع الاراء الي بتقول ان ده خطاء من التوكيل انه ما اعطى للعربيه حقها في التسويق والشهره كما اعطاها للانسر البومه بالاضافه الى السعر المبالغ فيه الي كانت نازله بيه من الاول , طبعا دلوقتي هما خفضوا سعرها عن الاول وبقيت الاسعار مستصاغه , وطبعا المكان ليس محل للمقارنه بين العربيه والعربيات الاخرى لكن انا عن نفسي بفضلها عن انواع كتير من العربيات ولو بامكاني اني اجيب الكامله منها كنت جيبتها بصرف النظر اذا كانت في رينج عربيات تانيه لانها تستاهل
حضرتك تقول 100 مرة أو 1000 مرة ان الشارك لم تفشل
بس في أرقام مبيعات ...انتشار ...سعر اعادة بيع و هم دول اللي بيقولوا (من مرة واحدة) العربية فشلت ولا لأ .
أما الحديث عن البومة فهو غير ذي صلة لأنه لا ولن يشفع للشارك بل ...سيوضح و يبرز فشلها لأنك حاتحطه جنب عربية من علامات السوق لمدة عشر سنوات كما ذكرت
معلش أنا فهمي على قدي شويتين ...اقتباس:
وقلنا مينفعش ان شركة تصنع جيلين من موديل وااااحد ( افهموا بقى ) عمركم شفتوا جيلين من الكرولا بيتصنعوا مع بعض فى وقت واحد ؟؟؟؟؟؟؟ اذا كانت الشارك من وجهه نظركم فاشلة حاليا ده بسبب طمع وسوءتخطيط من ميتسوبيشى نفسها
هو حضرتك شايف ان لما موديل (قديم) من عربية يسحب البساط من الموديل (الجديد كليا) يبقى ده عذر للجديد انه ما يبعش !!!!!
انت بتتكلم بجد !!!!
يعني لما عربية مثلا تنزل بموتور و شاسيه و شكل جديد تماما ...و تفضل الناس تشتري القديم ...أنت شايف ان ده مش معناه ان الجديدة ما قدرتش تتغلب عن سلفها (بتاعها هي) ...يعني مش فاشلة !!!
دي المفروض نازلة تنافس الصناع المنافسيين بتكنولوجي و أشكال جديدة ..تقوم اختها الكبيرة العجوزة القديمة تبورها و توقف سوقها ...وتقول ما فشلتش ...دي نقطة
أما انك تعلق السبب على شماعة ان الشركة سياستها وحشة فده (قد) يكون سبب
أمال العربية بتفشل ليه ....ماهو من غلطة اللي عملها يا في الصنع يا في اختيار السوق يا في التسعير يا في توقيت النزول ...
بعد أربع سنوات من توقف البومة هاتكون الشارك اتغيرت و علينا و عليك خيراقتباس:
وبعد 4 سنوات على الأقل من توقف انتاج البومة نقدر نحكم هل الشارك فاشلة ولا لأ
وهي الشركة بتنتجها ليه !!!
علشان هي الي بتبيع
ولا هما قصدهم يوقفوا حال عربيتهم الجديدة
اقتباس:
.................. أما بالنسبة للمحرك الcc1500 احب اقوللكم ان المحرك ده من نوع اسمه مايفك
فعلا !!! حضرتك كلنا عارفين كده مش جديدة قوي
اقتباس:
ودى تكنولوجيا تانية خالص فى المحركات
تانية خالص ايه بس حضرتك !!!:ma:
مايف يعني Mitsubishi Innovative Valve timing Electronic Control system
يعني ده ببساطة تحكم في توقيت الصبابات زيه زي الCVVT اللي في نص عربيات البلد
ممكن تقرا دي علشان تعرف انه مش بدعة يعني
MIVEC (Mitsubishi Innovative Valve timing Electronic Control system)[1] is the brand name of a variable valve timing (VVT) engine technology developed by Mitsubishi Motors. MIVEC, as with other similar systems, varies the timing, lift and duration of the valves by using two different camshaft profiles
بشويش علينا شوية بقى
اقتباس:
والمحرك ده بيطلع 109 حصان يعنى نفس عزم الكرولا 1600cc
هو حضرتك عارف الفرق بين الحصان و العزم ولا لأ
لأن القياس بالحصان في سكة و القياس بالتورك في سكة تانية
عموما
الكورولا 1600 عاملة بتاع 123 حصان مش 109
وحتى لو التورك بتاعه (بعيدا عن الأحصنة) عالي فده مش معناه انه بيدي تسارع كويس أبدا
بالعكس ...
اولا ده كان خبر ما فيش دليل عليه ...لكن لو جبت الدليل هاصدق لأني سمعت الكلام ده قبل بس ما قريتوش .اقتباس:
يارتكم تعرفوا يعنى ايه محرك مايفك الى شركة مرسيدس بتستخدمه فى احدث انتاجها ..
بس خليــــــــــــــــــــــ ــــــه حقيقة
هو لما مرسيدس تستعمل التقنية ده معناه ان الشارك نجحت يعني ولا ايه !!!
حضرتك بتجيب كلمة من كل قصة
وسايب الحقيقة اللي على الأرض
الشارك فين من البوما أختها
الشارك فين من الالنترا
الشارك فين السيفيك
الشارك فين من السيراتو
الشارك فين من الكورولا
اقتباس:
.. بلاش نفتى بدون على :khd:
فعلا
بلاش:satelite:
مين على ده !
في استطلاع للرأي عمله الأستاذ أحمد موجه بعنوان (لو انت مشتري جديد وحبيت تشتري لانسر هتشتري ايه) وبالطبع كانت الشارك سبورت هي اعلى الاختيارات باكتساح
http://www.nilemotors.net/Nile/113321-a.html
يبقى نطلع من الكلام ده بأول استنتاج ان الناس كلها مش مختلفة على ان الشارك افضل من البومة في كل حاجة تقريبا انما سعرها اغلى وسعر اعادة البيع اقل ودول نقطتين في غاية الأهمية وبيخلوا معظم الناس تشتري البومة وماتشتريش الشارك
البومة مستمرة في بعض الأسواق العالمية فقط زي الشرق الأوسط والخليج وبعض الدول الأسيوية والأفريقية انما لو دخلت موقع ميتسوبيشي اليابان اللي فيه خريطة للعالم تدخل منها على مواقع الوكلاء في كل دول العالم
www.mitsubishi-motors.com
هتلاقي ان البومة ليس لها وجود في امريكا وكندا وامريكا الجنوبية واوروبا واستراليا والموجود بدالها هي الشارك والشارك سبورت باك (الهاتشباك)
الله ينور عليك يا دوك سامي - الكلام كلام دكتور فعلا :)
عموما للتوضيح فقط
الشارك لم تفشل - الشارك لم تنجح النجاح المتوقع لها فقط
يعني نجحت بس مش قوي
هيا فشلت لان الناس قارنتها بالبومة ودى 1600 ودى 1500.....بس هيا تتقارن بالكورولا والسيفيك والاوكتافيا
I had chance to drive the car the only draw back is the [OVERLINE]ENGINE[/OVERLINE]
هو حضرتك متحامل على الشارك كدا ليه يل دكتور احمد !!!
انا قريت ردك كلو مرتين ومشفتش برضه حضرتك طلعت عيب فى العربية:majd(4):...فتيس معيوب مثلا..او كهربا العربية بتفصل او عفشة ناشفة..كلو كلام عام ومركز على فشلها فى السوق بتاعنا بس !!!..اللى اساسا مالوش مقاييس!!!
طب كويس انك حضرتك قارنتها بالعربيات دى...حضرتك عارف اكييد انها لما نزلت نزلت فى الشريحة السعرية بتاعت الكورولا والسيفيك..وبعدت عن شريحة ال 100 ل 120 الف اللى البومة فضلت تبيع فيها كويس.اقتباس:
الشارك فين من البوما أختها
الشارك فين من الالنترا
الشارك فين السيفيك
الشارك فين من السيراتو
الشارك فين من الكورولا
طب ما السيفيك مش بنمشى نتكعبل فيها زى البومة وزى السيراتو..هل معنى كدا ان السيفيك عربيه فاشلة...
والدليل ان الشارك عربية "مش فاشلة "انها لما سعرها نزل ودخلت فى شريحة سعرية وسط بين السيراتو والسيفيك.. الناس كلها تهافتت عليها (وانا واحد منهم)..وفضلتها عن السيراتو مع انها موديل 2010 وارخص !
وان كان الموتور بتاعها مضايق الناس اووى كدا..فانا شخصيا مريحنى جدااا...ومحققلى كل متطلباتى فى عربية سيدان..(احنا مش بنمشى نتسابق فى تراكات يعنى)
وشكرا لحضرتك على وجهة نظرك..
شكرا يا باشمهندس طارق على مدخلتك :)..فعلا الشارك والعربيات الجيدة مش هتنجح عندنا الا لما نبقى زى اوروبا والدول المتقدمة:w6266dاقتباس:
هتلاقي ان البومة ليس لها وجود في امريكا وكندا وامريكا الجنوبية واوروبا واستراليا والموجود بدالها هي الشارك والشارك سبورت باك (الهاتشباك)
طبعا احييك على ردك ,لكن واضح من كلام حضرتك كله انك بتتكلم عن فشل العربيه كتسويق او اسعارها المبالغ فيها او جهل بالعربيه او علشان الناس بتشتري اي حاجة في البلد على اساس كلام واراء ناس تانيه الي هما اساسا يكونوا سمعوا من ناس تالته , البومة انتشرت علشان شكلها الاكثر شيوعا وانتشارا والحقيقه هي عربيه ممتازة ومفش حد يقدر يقول عليها حاجة لكن سبب انتشارها الرئيسي علشان الناس شيافاها في الشوارع كتييييير ونجحت وقطع غيارها في كل مكان وكمان اماكن صيانتها متوفره في كل مكان بره التوكيل بالظبط الموضوع عامل زي عربيات كتير منتشره لمجرد الانتشار وان معظم الناس راكباها زي الالنترا والفيرنا واللانوس يعني العربيات دي كلها احسن من الشارك مثلا ,ا انتشرت علشان كل يفكر يشتري عربيه يقولك دي منتشره والناس كلها راكباها وزي الفل والكلام الي بنسمعه كل يوووووووووم وقطع غيارها في كل حته وسعر اعاده البيع هايل .
ثانيا : هو حضرتك مثلا ركبت العربيه او ركبتها مع حد ومش عجبالك يبقى ده كلام تاني واذا ده حصل فده يعتبر وجهة نظر حضرتك الخااااااااااااااااصه ويجب انها تحترم لكن انها تعبر راي شخص واحد وليس شعب بحاله
ثالثا : مليييييييييييون موضوع اتكلموا في ان عربيات كتير في مصر مظلومه ياما
1- بسبب سعرها المبالغ فيه
2- سياسيه الفاشله للتوكيل في تسويق العربيه وعدم نزول دعايا كافيه ليها
بسبب اسعار قطع الغيار المبالغ فيها
4- عدم توفر وكيل للسيارة نفسها
5- بسبب ضعف الوكيل
وطبعا هناك امثله للعربيات زي المازدا , الاوكتافيا (فانتازيا), رينو فلوانس انا اساسا بعتبر العربيه رهييييييبه بس نعمل ايه في قطع غيارها , شيفورليه كابتيفا , فيات لينيا , دايهاتسو 7 راكب , نيسان الصوبر صالون , اوبل فيكترا الجديدة , البيجو 308 , الستروين , الهوندا سيتي الي انا كنت هجيبها لولا قطع غيارها الناااااااار وكتيييييييير بقى وطبعا اخرها الشارك بالرغم انها بدات تنتشر
رابعا : محرك الشارك الي انا حاسس انه مش عاجب حضرتك اعتقد ومعظم الناس متفقه معايا انه افضل من محرك البومه ال 1600 سواء في التكنولوجيا او فرق الاحصنه البسيط,اي نعم البومه اعلى في العزم لكن محرك الشارك نازل 1500 2 كامه واظن فيه مواضيع اتعملت توضح الفرق وعلى ماذكر الاخ الكريم twincam الي وضحلنا الفرق والي بيكون لصالح محرك الشارك
خامسا :الشارك لا تقارن بالالنترا لان مفش مقارنه والفرق وااضح واعتقد ما ينفع تقارن مع الكورولا او مع السيفك لان معرووووووف ان تويوتا من افضل الشركات اليابانيه تليها الهوندا
واعتقد كمان ان حتى لو مصر كلها راكبه بومه مش هتبقى احسن من الكورولا او السيفك لان مساله ركوووووووب العربيات تاني ونقولها للمره 100000000000 مساله اذواق بمعنى
الناس الي بتركب bmw 740 مش كان افضلها تركب مرسيدس سواء بقى e-class او s-class بس دي اذواق الناس بتجيب البومه لان شكلها وركز على كلمة شكلها احسن من الشارك
واخيرا انا بقول راي في منتهى الحياده والكلام ده يعبر عن وجهة نظري مش اكتر بس انا بصراحه اتخنقت من كل شوي مواضيع تتطلع تهلل للبومه وتقتل الشارك وده ظلم فاااااااادح