الحمد لله كثيرا
عرض للطباعة
انا رأيي ان المشاكل اللي عندك يا روميو عشان العربيه مستعمله واكيد الميكانيكي كمان اي كلام لانه مش قادر يظبط العيوب كلها .. لو مكانك هنزل لحد ميكانيكي فعلا زي ما الشباب هنا بينصحو بمحمد مثلا ... واخليه يظبطها مره واحده من كله ومهما تتكلف اهي مره .. انا ا لحمد لله معايا لانوس من 4 سنين ومبعملش فيها اي حاجه غير زيت وفلاتر ... مصاريف التشغيل يعني بس فاعتقد ان المشكله في عربيتك لوحدها نتيجه لسوء استعمال المالك الاول لها .. ربنا يعينك ويعمل لك الخير كله يا رب
دايو لانوس = اعتمادية عالية
الحمد لله انها مستحملانه بالاسعار دى
لو سمحتولي اريد أن اعقب على السيد الفاضل الذي يقول إن الكوري لا يقارن بالياباني بص يا سيدي انا معايا نوبيرا 2008 زيروا ولسه رافع لانسر 2008 زيرو وكنت بخرج بايهما صباحا والثانية مساءا وكنت بفرح جدا لما اركب النوبيرا وبرتاح فيها جدااااا
الحاجة الوحيدة اللي عجبتني في اللانسر هي الكيك دون هايل لانها كانت اتوماتك
والنوبيرا مانيوال بس على فكرة زوج اختي معاه لانسر 2008 سبورت وفي يوم قالي ان واحد معاه نوبيرا كان بيجري بيها جامد (( على فكرة هو بيحب الجري جداااا))
وبعدين بص لسعر قطع الغيار بين النوبيرا واللانسر مثلا فلتر البنزين وتيل الفرامل الأمامي
ونرجع للنوبيرا ثبات وهدوء عالي جدااااااا
الخلاصة ومع اختلاف الأذواق طبعا انا بحب النوبيرا جدااا حتى في قعدتها اريح كتير من اللانسر.
نسيت أقول للاستاذ الفاضل يا ريت يدخل على ميتسوبيشي ويشوف العيوب هناك والشكاوى
بالعكس عربية جميلة ....قليلة الاعطال ...قطع رخيصة ....بتستحمل البهدلة ....وبصراحة فيها كل امكانيات العربية الحديثة وفي الصيانة سهلة زي العربيات القديمة
والله يا روميو يا حبيبي على حسب معاملة الشخص اللي اشتريت منه العربية للعربية نفسها فبل كده , لو كان مهتم بيها وبيحافظ عليها حتريحك بعد كده ومش حتسبب ليك اي مشكلة , ولو كان مهمل في صيانتها .... انت عارف الباقي بقى !!