والله يا جماعة انا واحد من الناس اشتريت شيفورليه لانوس بسبب تجارب سابقة لي حيث كنت في مشروع تبع الشركة وكانت الشركة مدياني عربية لانوس 99 لمدة 4 سنوات وبصراحة العربية استحملت إلي ما فيش عربية تستحمله
لأن الشركة لا كانت بتصينها ولا كانت بتصرف عليها وبرغم كده سترت معايا واستحملت طوال الفترة دي كفاية اقول ان لما حبت تغير الكاوتشات راحت اشترت كاوتش نسر وما ادراك ما النسر وإلي بيعمله في العفشة
والعربية كنت بأسافر بيها دهب وارجع
وكل يوم الموقع وكانت مستحملة
وعلشان كده لما فكرت اشتري عربية لنفسي اشتريت لانوس