الموضوع: ينفع اجيب الموتور دة ولا لا

انت هتركب متور ضعيف جدا شوف الكلمة انت تحس انة بيجرى عشان العربية المتسوبيشى خفيفة لكن مع الالمانى مش هياكل بجنية خالص هيخرب لانة مش متعود على حمولة العربية المتور هيدرب
ومش هينفع ترخص العربية ممنوع قانونا

هات المكنة التيربو انا شايف فيديو واحد مقفل العداد فى و وقف فى 47 ثانية

انا مش فاهم ايه حكايه بيجيب 120 على التالت دى و ليه الاخ بيعيدها كتير هو سيادتك مفيش رابع و خامس فى الفتيس عندك؟؟؟؟؟؟؟
و طالما سيادتك عايز طياره عندك مواتير 2000 و تربوهات الدنيا و الاخره بصراحه انا مستغرب يعنى ايه اللى هو عايزه و توصل كمان لتبديل موتور بموتور و دفع 5000 جنيه ليه هتشترى موتور ترماى على العموم ربنا يوفقك و نشوفك فى فورميلا 1 بالموتور الجديد .و انت ماشى 120 على التالت و لا تزعل نفسك يا سيدى و تقبل تحياتى اخوك عاطف .

يا جماعة الراجل مغلطش علشان بياخد رأي الناس اللي فاهمة في المنتدي هنا و يستاهل انو ياخد التريقة الجميلة دية منك يا اخ عاطف بصراحة انا ملاحظ طريقتك التهكمية علي اي حد بيتكلم في اي موضوع يا ريت حضرتك تحط في دماغك ان ممكن ناس تضايق من طريقة الكلام دية
و اسف علي التدخل بس بصراحة الرد بتاعك نرفزني ياعني الراجل مغلطش انو عاوز باور اكتر و بيفكر في التغير و كل واحد بيتكلم علي حسب دماغو و لولا اختلاف الاذواق لبارت السلع ولا اية ؟
تقبلو مروري

المشاركة الأصلية كتبت بواسطة opelvectra

يا جماعة الراجل مغلطش علشان بياخد رأي الناس اللي فاهمة في المنتدي هنا و يستاهل انو ياخد التريقة الجميلة دية منك يا اخ عاطف بصراحة انا ملاحظ طريقتك التهكمية علي اي حد بيتكلم في اي موضوع يا ريت حضرتك تحط في دماغك ان ممكن ناس تضايق من طريقة الكلام دية
و اسف علي التدخل بس بصراحة الرد بتاعك نرفزني ياعني الراجل مغلطش انو عاوز باور اكتر و بيفكر في التغير و كل واحد بيتكلم علي حسب دماغو و لولا اختلاف الاذواق لبارت السلع ولا اية ؟
تقبلو مروري

+111111111111

المشاركة الأصلية كتبت بواسطة opelvectra

يا جماعة الراجل مغلطش علشان بياخد رأي الناس اللي فاهمة في المنتدي هنا و يستاهل انو ياخد التريقة الجميلة دية منك يا اخ عاطف بصراحة انا ملاحظ طريقتك التهكمية علي اي حد بيتكلم في اي موضوع يا ريت حضرتك تحط في دماغك ان ممكن ناس تضايق من طريقة الكلام دية
و اسف علي التدخل بس بصراحة الرد بتاعك نرفزني ياعني الراجل مغلطش انو عاوز باور اكتر و بيفكر في التغير و كل واحد بيتكلم علي حسب دماغو و لولا اختلاف الاذواق لبارت السلع ولا اية ؟
تقبلو مروري

تهكم ايه اللى سيادتك ملاحظه على اى حد بيتكلم فى اى موضوع يا ريت نقول المواضيع من فضلك لأن انا ماعرفش هنا اكتر من 3 او 4 افراد هما اللى باتكلم معاهم فياريت تجيب المواضيع اللى انا باتهكم فيها على اى حد علشان استفيد من ملاحظه سيادتك الا لو سيادتك كتخيل انى لما باكلمك بذوق فده من باب التهكم و الله يا استاذى الفاضل انا اسلوبى كده فى الكلام حتى اسأل تامر هو الوحيد اللى قابلنى من الناس المحترمه اللى هنا و على العموم انا رديت على الاخ المحترم اللى بيسأل و قلت ان فى مواتير اعلى من اللى هو عايزه و اتمنيت انى اشوفه فى فورميلا يعنى متهيألى ده مش عيب و لا تهكم بدليل الراجل نفسه مازعلش عموماً مش مشكله و حقك عليا و فى انتظار كل المواضيع اللى حضرتك ذكرتها علشان ارجع و اعتذر لأصحابها و تقبل تحيات اخوك الصغير عاطف .

على فكره انا رجعت للرد بتاعى و مش لاقى فيه تريقه على الاخ صاحب الموضوع انا نصحته بالمواتير التربو و قلت ان فى منها كتير و استغربت انه عايز يبدل موتور بموتور و يدفع 5000 جنيه فرق يمكن كلمه موتور ترماى هى اللى نرفزت سيادتك على العموم انا باسحبها و نخليها موتور قوى جداً او موتور اى حاجه و باكرر اسفى لسيادتك من النرفزه اللى اسلوبى سببها و هاحاول اراعى الموضوع ده فى الكتابات القادمه و ده وعد منى لحضرتك و السلام عليكم و رحمه الله و بركاته

بص يا باشا انا مش هتناقش معاك و انقضك علشان انت حر تكتب اللي تحبو و المواضيع اللي قولت عليها اقصد مشاركات زي مشاركاتك عن العربيات الكوري و الياباني عموما انا مليش اني اعدل عليك او علي اي حد علشان دا ميخصنيش و انا اسف مرة تانية
و عليكم السلام و رحمة الله و بركاتة