أنا طنشت صيانة الـ 15000

**gado** · 27-04-2010 11:18 PM

طيب والحل ؟
هذه كانت ظروف قهرية لي؟ مافي أي أمل؟

أنا خايف يصتادوا في المية العكرة ويجلسوا يطلعوا لي قطط فاطسة علشان ادفع بدون ضمان

**abotasneem** · 27-04-2010 11:59 PM

متابع ,,,,

**menocomp** · 28-04-2010 12:07 AM

المشاركة الأصلية كتبت بواسطة cementman

هناك اعلان فى التوكيل يقول" ان عدم الحضور فى الصيانات المجانية(5000و15000و25000و الخ يخرج العربية من الضمان)
ياريت اللى ما يعرفش ما يفتيش

هو الموضوع مفيهوش "فتى" ولا حاجة زى محضرتك بتقول.
الموضوع أن الراجل كان مسافر برا القاهرة يعنى حيعمل اية يعنى حيرجع مخصوص؟؟؟
ممكن تعمل صيانة ال 20000 ولو فية مشكلة وضحلهم موقفك ببساطة.

**Egyzizo** · 28-04-2010 02:14 AM

يا جادو ما تقلقش ، الخروج من الضمان مش بالسهولة دى ، لازم تفوت صيانات كتير علشان يفكروا يخرجوك من الضمان ..

التالى اقتباس من زميل لينا هنا فوت صيانات مجانية ومدفوعة وشوف المهندس رد عليه ازاى وهتلاقى ان الموضوع مش قطع رقبة:

وبعدين لاقيته جاى بورق فى ايده
وقالى انت مبتعملش صيانات
قولتله لا مش بعمل صيانات انا
قالى اومال مين بيعملك صيانه وبتغير زيت فين
قولتله انا بغير زيت بره بس
قالى طب عشان العربيه متخرجش من الضمان اعملها صيانات هنا
قولتله ان شاء الله ربنا يسهل

**bishoy02010** · 28-04-2010 02:51 AM

المشاركة الأصلية كتبت بواسطة egyzizo

كلك ذوق يا أسمنت ..

+1111

**gado** · 28-04-2010 03:31 AM

ياسلام والله فرحتني كثير يا Egyzizo

فعلا كلامك منطقي

أنا لما بروح الصيانة الجاية في خلال الأسبوع الجاي بكتب موضوع بما تم في زيارتي لهم

**cementman** · 28-04-2010 01:13 PM

المشاركة الأصلية كتبت بواسطة menocomp

هو الموضوع مفيهوش "فتى" ولا حاجة زى محضرتك بتقول.
الموضوع أن الراجل كان مسافر برا القاهرة يعنى حيعمل اية يعنى حيرجع مخصوص؟؟؟
ممكن تعمل صيانة ال 20000 ولو فية مشكلة وضحلهم موقفك ببساطة.

مش هى دى نقطة الخلاف
الموضوع ان ناس قالت لا أظن و اللى قال ما يتهيأليش و اللى قال لا أعتقد و محدش عنده معلومة مؤكدة يرد بيها على الراجل بالظبط زى ما تسأل على عنوان فى الشارع و لا واحد يقولك ما عرفش الكل لازم يدلك قصدى يتوهك

**amr123** · 28-04-2010 01:29 PM

المشاركة الأصلية كتبت بواسطة cementman

هناك اعلان فى التوكيل يقول" ان عدم الحضور فى الصيانات المجانية(5000و15000و25000و الخ يخرج العربية من الضمان)

ما يكتبوا الى هما عيزينوا...
و النعمة انا لو عملو معايا كده ده انا اصورلوهم قتيل فى التوكيل

...دى اسمها تلكيكه ...هو انا راكب S 500 لما معملش الصيانة هتوقف ؟؟؟
الضمان معمول فى الدنيا ضد عيوب الصناعة مش ضد عدم عمل الصيانة
بس الواحد بيقول يصون عربيته و يحفظ فلوسه عشان نفسه و سلامته لكن مش بامر التوكيل !!!

روح يا راجل اعمل صيانة ال 20 الف و الى يكلمك شوطه

**menocomp** · 28-04-2010 07:48 PM

المشاركة الأصلية كتبت بواسطة amr123

الضمان معمول فى الدنيا ضد عيوب الصناعة مش ضد عدم عمل الصيانة
بس الواحد بيقول يصون عربيته و يحفظ فلوسه عشان نفسه و سلامته لكن مش بامر التوكيل !!!

+11111111111
:b4_388: :b4_388:

**Ahmed Selim** · 29-04-2010 06:58 AM

المشاركة الأصلية كتبت بواسطة amr123

ما يكتبوا الى هما عيزينوا...
و النعمة انا لو عملو معايا كده ده انا اصورلوهم قتيل فى التوكيل

...دى اسمها تلكيكه ...هو انا راكب s 500 لما معملش الصيانة هتوقف ؟؟؟
الضمان معمول فى الدنيا ضد عيوب الصناعة مش ضد عدم عمل الصيانة
بس الواحد بيقول يصون عربيته و يحفظ فلوسه عشان نفسه و سلامته لكن مش بامر التوكيل !!!

روح يا راجل اعمل صيانة ال 20 الف و الى يكلمك شوطه

أختلف معاك......أى نوع عربية لو معملتش الصيانة بتاعته تخرج من الضمان خصوصاً أن التوكيل بيحسب الصيانات دى من ضمن الأرباح المتوقعة ليه بعد بيع العربية....و كمان عشان فى بعض أجزاء ممكن تكون بايظة و لو أكتشفوها بدرى بيمنعو أنها تؤدى الى تلف أجزاء تانية

يعنى فرضاً كده فى تسريب ما فى مياه التبريد.....لو أكتشفو العيب بدرى نتيجة المتابعة اللى بتحصل فى الصيانة هيصلحو العيب و كان الله بالسر عليم.....لكن لو أنت مش بتعمل صيانة و مش بتتابع المياه و العربية سخنت و انت مخدتش بالك العربية ممكن تجيب وش سلندر لا قدر الله......ساعتها لو روحت التوكيل ( و أنت أصلاً مش بتعمل صيانة ) ملكش حاجة عندهم.

الأحتفاظ بالضمان له شروطه.

بس فى موضوع رينو و الصيانات الدورية المجانية هما مش بيدققو عليها قوى.....يعنى مش عشان مرة معملتهاش يخرجك من الضمان.....

الموضوع: أنا طنشت صيانة الـ 15000

LinkBack

أدوات الموضوع

عرض

-

-

-

-

-

-

-

-

المواضيع المتشابهه

لو طنشت صيانة الخمسة تخرج من الضمان

في مشكلة لو طنشت صيانة وروحت الصيانة اللي بعدها؟؟؟؟

يا جماعة خد يفدنى صيانة ال 15000 للكروز و فووت صيانة ال 10000

صيانة الـ 15000 وتحية تقدير لدينامو صيانة كيا م/خالد فاروق

صيانة 15000 كم

الكلمات الدلالية لهذا الموضوع

المفضلات

المفضلات

ضوابط المشاركة