أنا طنشت صيانة الـ 15000

**tamer61** · 10-05-2010 01:37 PM

المشاركة الأصلية كتبت بواسطة ahmed a.maksoud

أختلف معاك......أى نوع عربية لو معملتش الصيانة بتاعته تخرج من الضمان خصوصاً أن التوكيل بيحسب الصيانات دى من ضمن الأرباح المتوقعة ليه بعد بيع العربية....و كمان عشان فى بعض أجزاء ممكن تكون بايظة و لو أكتشفوها بدرى بيمنعو أنها تؤدى الى تلف أجزاء تانية

يعنى فرضاً كده فى تسريب ما فى مياه التبريد.....لو أكتشفو العيب بدرى نتيجة المتابعة اللى بتحصل فى الصيانة هيصلحو العيب و كان الله بالسر عليم.....لكن لو أنت مش بتعمل صيانة و مش بتتابع المياه و العربية سخنت و انت مخدتش بالك العربية ممكن تجيب وش سلندر لا قدر الله......ساعتها لو روحت التوكيل ( و أنت أصلاً مش بتعمل صيانة ) ملكش حاجة عندهم.

الأحتفاظ بالضمان له شروطه.

بس فى موضوع رينو و الصيانات الدورية المجانية هما مش بيدققو عليها قوى.....يعنى مش عشان مرة معملتهاش يخرجك من الضمان.....

يا سلام ....و الله كلام موزون و زي الفل ...تسلم الأيادي.

**ahmadmidop** · 14-05-2010 05:41 PM

مفيش مشاااكل

**gado** · 15-05-2010 07:50 PM

شكرا لجميع مشاراكاتكم ,

أنا رايح بكرا الصيانة (( يارب مدخلش في مشاكل ))

**barakot** · 18-05-2010 06:34 PM

طيب يا جماعه انا ماروحتش الخمس الاف ولما اتصلت بالتوكيل قالي مش مشكلة مدام العربية كويسه تعالي على العشرة الاف بس الحقيقه انا النهاردة بشوف الزيت لقيت مفيهوش لزوجه تقريبا و قياس الزيت نصفه فقط وانا عامل ستة الاف أيه رأيكم أستني للعشرة ولا اعمل أيه و أزاي أعرف ان الزيت الى في العربية ما بقاش ينفع.

**bishoy02010** · 18-05-2010 11:19 PM

المشاركة الأصلية كتبت بواسطة barakot

طيب يا جماعه انا ماروحتش الخمس الاف ولما اتصلت بالتوكيل قالي مش مشكلة مدام العربية كويسه تعالي على العشرة الاف بس الحقيقه انا النهاردة بشوف الزيت لقيت مفيهوش لزوجه تقريبا و قياس الزيت نصفه فقط وانا عامل ستة الاف أيه رأيكم أستني للعشرة ولا اعمل أيه و أزاي أعرف ان الزيت الى في العربية ما بقاش ينفع.

متقلقش من موضوع الزيت هوه بيجى فى العربية عامل كده مش على الماكسيميم فى النص بالتقريب بس ناحية الماكسيميم ينى فوق النص بشوية واللزوجة ديه مينفعش تقيسها اصلا فى زيت 10000 كيلو تخليقى فمتقلش من حاجة كله طبيعى بس انته من حقك تروح تعمل ال5000 وتربط العفشة ويشيكوا على الحاجات ديه مجانا يعنى فلو فاضى روح ...

**barakot** · 19-05-2010 12:35 PM

المشاركة الأصلية كتبت بواسطة bishoy02010

متقلقش من موضوع الزيت هوه بيجى فى العربية عامل كده مش على الماكسيميم فى النص بالتقريب بس ناحية الماكسيميم ينى فوق النص بشوية واللزوجة ديه مينفعش تقيسها اصلا فى زيت 10000 كيلو تخليقى فمتقلش من حاجة كله طبيعى بس انته من حقك تروح تعمل ال5000 وتربط العفشة ويشيكوا على الحاجات ديه مجانا يعنى فلو فاضى روح ...

ربنا يخليك ده انا كنت قلقان جدا من موضوع الزيت ده بس معلش أصل انا كنت اسمع انه لازم يكون فيه لزوجه في الزيت وده الى قلقني وشكرا مره كمان طمنتني

**bishoy02010** · 19-05-2010 04:37 PM

المشاركة الأصلية كتبت بواسطة barakot

ربنا يخليك ده انا كنت قلقان جدا من موضوع الزيت ده بس معلش أصل انا كنت اسمع انه لازم يكون فيه لزوجه في الزيت وده الى قلقني وشكرا مره كمان طمنتني

العفو وياريت تعدى على التوكيل تشيك على العربية كده كده مجانا واهوه تطمن أكتر وتحت أمرك فى أى أستفسار

**drahmd** · 20-05-2010 02:16 AM

معلش ولو انو متأخر شويه وانا مبدخلش كتير،أول امبارح كنت بعمل صيانة ال10 آلاف وزبطت عضة المارشدير عشان كانت واضحه اوي حط brake وسلمني العربيه 4 العصر لأنه حل الفتيس علما بأني جيت 9 ونص صباحا كان في فرع العبور.صراحه معامله محترمه جدا وأنا ماشي سألت المهندس بقوله هيحصل ايه يعني لو ماجتش عملت الصيانه عندكم او عملت صيانه وفوتت عشره ايه اللي هيجرى يعني قاللي بالحرف الواحد صيانات الخمسه ماتطلعش بره الضمان لكن صيانات العشره لو فوتت واحده تطلع بره الضمان قلتله طيب لو فوتت صيانة عشره اطلع قاللي آه بس اعتقد انهم مش متعسفين كده يعني حتى لو فوتت ياراجل اعتقد ممكن تتلحق مش هيبقى فيه مشاكل يعني ده مجرد احساس شخصي لكن الكلام الأكيد هو اللي اتقاللي ده.