حد ركب ستائر للوجان ؟

**I.S.L.A.M** · 27-04-2010 12:33 AM

الصراحة يا وحوش انا ما شوفتش حد مركب اى ستائر للوجان قبل كده ازا كانت كبس او اوكرديون او حتى قماش فياريت لو اى وحش ركب ستائر وطلعت كويسة فى شكلها يقول ويدلنا على المكان الى عمل فيه كده لانى كنت ناوى افيم والكل قلى بلاش كل ما هتمشى هتكع فى فلوس فقلت الستائر ارحم على الاقل لو الواحد اضر يخلعها مش هيبوظ شكل الزجاج ومعلش طولت عليكم

**mohamed1979** · 27-04-2010 08:09 AM

ليه يا باشا انا مركب ستائر من ساعه مجبت العربيه
على الزجاج الخلفى و الزجاج الأبواب الخلفيه
وجبتهم من مصر الجديده الزجاج الخلفى كانت ب 70 جنيه و الزجاج الجانبى ب 70 جنيه للأتنين

**I.S.L.A.M** · 27-04-2010 02:41 PM

طب حضرتك ركبت انهى نوع من الستائر ومعلش كنت عايز اعرف هى مش بتخلى الى واقف بره العربية شايف اى حاجة جوة ولا بتبقى مبينة وياريت لو تقولى على المكان الى ركبتهم فية

**M.Radwan** · 27-04-2010 02:48 PM

أنا جيبت ستارة سوداء للزجاج الخلفي بـ 45 جنيه

**Super_Star_h** · 27-04-2010 02:59 PM

جيب الستاره الكبس اللى فى الزجاج الخلفى
شكلها شيك فى العربيه هى بتعمل 55 جنيه انا جبتها
ولو عايز طقم كامل بالزجاج الجانبى كله على بعضه عامل 120 جنيه
بس انا مرضتش اجيبه عشان عارف انا المرور وغلاسته
نصيحه متجبش الستاره ام دراعين دى شكلها غبى اصلآ فى اللوجان بالذات

**I.S.L.A.M** · 27-04-2010 03:06 PM

لا انا مش عايز الستائر ام دراعين فعلا شكلها مش شيك خالص انا عايز الكبس طب اجيب منين الطقم الكامل ده انا نزلت التوفيقية مالقيتش خالص لقيت لكذا نوع جاهز بس اللوجان لا ياريت لو تقولى على المكان واه اخبار الخامات

**Super_Star_h** · 27-04-2010 03:12 PM

المشاركة الأصلية كتبت بواسطة islamislam

لا انا مش عايز الستائر ام دراعين فعلا شكلها مش شيك خالص انا عايز الكبس طب اجيب منين الطقم الكامل ده انا نزلت التوفيقية مالقيتش خالص لقيت لكذا نوع جاهز بس اللوجان لا

ياريت لو تقولى على المكان واه اخبار الخامات

والله انا فى اسكندريه
لفيت كتير اوى على الستاره دى
وكله قالى دى بتتعمل بالطلب تسيب عربون وتيجى تانى يوم تلاقيها
المهم روحت لواحد كده كانت عنده الستاره بالصدفه كده قومت واخدها وقتى
الستاره دى بتتعمل بالطلب شغل ورش

**I.S.L.A.M** · 27-04-2010 03:15 PM

ربنا يباركلك فى الساير والعربية بس للاسف انا من الهرم وحاولت اتفق مع كذا واحد يعمل بس مكنش بيحصل نصيب مره مشكلة فى الخامات ومرة المواعيد وعلى عموم شكرا لردك