حاجة فى اللانوس مش عارف لها تفسير

**AHMADALY1999** · 27-04-2010 10:10 PM

المشاركة الأصلية كتبت بواسطة moh_zaher

كان فيه موضوع مشابه في الورشه و المهندس سبعاوي رد عليه رد جميل اوي بس للاسف مش عارف اجيب الموضوع تاني
المجمل منه انه عادي يعني تقريبا اللى بيحصل ده

شكرا انا كده اطمنت ان مش انا بس الى بحس بالموضوع ده

**AHMADALY1999** · 27-04-2010 10:13 PM

المشاركة الأصلية كتبت بواسطة tlrsiap

رد المهندس سبعاوي كانت خلاصته ان البنزين هو السبب فيما اذكر

انا برده شاكك بس انا من غير ما ممون بحس بالموضوع ده
بس ممكن يكون زى ما بتقول ان البنزين بيعمل كده من تدويره لتدويرة ( مش تموينة لتموينة )

**AHMADALY1999** · 27-04-2010 10:45 PM

المشاركة الأصلية كتبت بواسطة samirayad

نعم
كده ضاعت تحويشة الأكواد

وأنتظر بأه تحويشه تانيه لاقدر الله

بس هل لو فيه اكواد حتتحوش تانى مش على الاقل مع كل كود لمبة ال check حتنور حتى لو حترجع تطفى تانى ؟
لان لو الاجابة نعم يبقى انا مكنش عندى اكواد متحوشة لان اللمبة عمرها ما نورت

**samirayad** · 27-04-2010 10:52 PM

المشاركة الأصلية كتبت بواسطة AHMADALY1999

شكرا يا استاذ سمير
سؤال
هل ممكن تكون ال ecu مخزنة اكواد اعطال و لمبة ال check متنورش؟

المشاركة الأصلية كتبت بواسطة samirayad

نعم

**AHMADALY1999** · 27-04-2010 10:56 PM

عالعموم انا فيه حاجة بعملها مع اول تدويره تقريبا بتخلى اداء العربية تقريبا ممتاز
قبل ما دور ببقى دايس بنزين على الاخر ( ده بيخلى ال ecu تقفل الرشاشات ) و بعدين ادور و انا لسة دايس و بعد ثانيتين او تلاتة برفع رجلى بسرعه فتقوم تدور
او ساعات لو الاداء برضه مش هوه ( بس ارجع و اقول عادى مقبول هو بس مش واو ) بروح مشغل التكييف و ارجع اقفله بعد شوية ( ساعات بتجيب نتيجة مبهرة )
كل ده تفسيره ايه.... الله اعلم
هل ممكن ان الى بيحصل تقديم او تاخير عمل الرشاشات و البوجيهات اجزاء من الثانية بيخلى الاداء يفرق ؟ الله اعلم
بس انا ناوى مرة اضحى بجيبى و احط 95 + بوستر و اركز و اشوف هل الموضوع ده حيحصل برضه
المشكلة انى اتفتن بال 95 و اشحت زى المدمنين علشان اجيبه

**MMamdouh** · 28-04-2010 12:03 AM

المشاركة الأصلية كتبت بواسطة AHMADALY1999

قبل ما دور ببقى دايس بنزين على الاخر ( ده بيخلى ال ecu تقفل الرشاشات ) و بعدين ادور و انا لسة دايس و بعد ثانيتين او تلاتة برفع رجلى بسرعه فتقوم تدور

مفيش حاجة كدة... لو دة بيحصل بالفعل يبقى رشاشاتك بتسيل

MMamdouh

**AHMADALY1999** · 28-04-2010 01:39 AM

على فكرة انا مش عارف اشكركم ازاى انا لسة مطلع على المواضيع الى فى المنتدى الى اتكلمت بخصوص الحكاية دى و خلصت بالاتى وكتبته زى ما هوه فى المواضيع الى انا شفتها :

اولا الحمد لله انا اطمنت على نفسى و على عربيتى لانى بحس الموضوع ده من زمان و اتاكدت انه ملوش علاقة بالبنزين
انا اتاكدت انه ليه علاقة بتوقف العربية و اعدة تدويرها تانى
مش عارف ليه انا ابتديت احس ان الموضوع احتمال يكون ليه علاقة بعلبة الفحم charcoal canister ( الى موجودة فى بعض العربيات بجانب التانك ) و دى مسئولة عن امتصاص بخار البنزين اثناء عمل السيارة و المفروض صمامها بيفتح ( معرفش امتى ) و بيغزى مخلوط الهواء الى داخل للسيلندر ببخار البنزين ده فاحتمال و الله اعلم ان الكومبيوتر بتاع العربية متبرمج ان ميفتحش صمام العلبة الا بعد ما تمشى المشوار الاولانى و تبطل و ترجع تدور تانى
و الله اعلم
انا بس حبيت اشكر المنتدى الرائع لانى فعلا كان بقالى سنة مقتنع ان عندى حاجة غلط فى العربية بس انتوا طمنتونى ان العندى طبيعى