المشاركة الأصلية كتبت بواسطة ghazy12
لأ يا باشا مايأثرش... لكن أنا عايز اقولك حاجه بسيطه جداا
الموضوع مش سيستيماتيك قوي كده, يعني مش عند 90 لازم ينقل من ثالث لـرابع
لأ.... لأن الموضوع في الاخر راجع لأسلوب القياده, و مدى حساسية رجلك على البنزين
و عليه بيتم الانتقال من غيار لاخر...
يعني لو بتسوق مثلا بشكل هادي, هتلاقي النقلات على سرعات منخفضه
لو بتسوق بشكل رياضي شويه (بدون كيك داون) هتلاقي النقلات على سرعات اعلى
و بالتابعيه على عدد لفات للموتور rpm أعلى...
و كل اللي بيفرق لما تفتح الموتور ان سرعة الاستجابه بقت اعلى, و سحب العربيه
بقى اسرع و افضل, و مش بتحس بالنقلات, و العربيه تقدر تجيب سرعه قصوى اعلى
لكن مافيش حاجه هتأثر بالسلب على الفتيس خالص في الكلام ده كله...
اللي يأثر بالسلب على الموتور و الفتيس فعلا هو...
- كيك داون كتييير عمال على بطال (على المدى الطويل)...
- الانتقال من سرعه قليله لسرعه عاليه (فجأه) او العكس كتييييير (على المدى الطويل)
- نقل الفتيس من n لــd, و انت دايس بنزين...
- تركن العربيه على مطلع او منزل و انت جايب p... غلط جداا على الترس
- تنقل من d لــr او العكس و هي العربيه ماشيه في الاتجاه المعاكس لحركة الغيار
كل ده هو اللي يضر أي فتيس اوتوماتيك...