أنا معايا نيو سيراتو 2010 خليجي وعاوز أعرف كيفية التعامل مع الفتيس هل التحويل ع المانيوا كتير مش محبب?
وأمتي أحول?
واسف ع الأطاله
عرض للطباعة
أنا معايا نيو سيراتو 2010 خليجي وعاوز أعرف كيفية التعامل مع الفتيس هل التحويل ع المانيوا كتير مش محبب?
وأمتي أحول?
واسف ع الأطاله
اعتقد ان افضل استخدام ليه فى المطالع (كبارى مثلا ) او لما تيجى تخطى عربية امامك بدل الكيك دااون 0
اللى اعرفه انه عادى جدا ان شا الله تستخدمه على طول
بس انت كده كده حتزهق بعد وقت بسيط من استخدامه و ترجع للأوتوماتيك
لا عادي جدا مفيش اي مشكله
الف مبروك على العربية و أهلآ بيك معانا
عادى جدآ إنك تحول من اوتوماتيك لمانيوال فى اى وقت تحب
سواء كنت ماشى هادى او بتشد بالعربية
انا أحيانآ بسوق مسافات طويلة على وضع المانيوال كنوع من التغيير فى السواقة و حب التحكم فى نقلات العربية
و كمان هو ليه فوائد تانية زى مثلآ لو طالع مطلع و عايز تثبت العربية على نقلة معينة سواء الأول او التانى او التالت عشان تحتفظ بعزم النقلة و متخليش العربية تجيب نقلة أعلى
أو لو عايز تقرص على العربية من غير ما تعمل كيك داون .. ممكن تسقط نقلة و تدوس براحتك
و كمان بيديلك حاجة مهمة و الفرملة عن طريق حمل الموتور Engine brake و دى انا عملتها على سبيل التجربة
جريت على 90 و دست فرامل بالراحة و سقط نقلة لقيت العربية لمت نفسها كويس و سقط نقلة كمان لقيت لمت نفسها أكتر
و ده بيزود قوة الفرامل لو حبيت تدوس فرامل على سرعة
انت حاول تتعامل معاه و هتفهمه و هتحس إنه بجد حاجة ظريفة جدآ
انا بستعمله و خصوصا فى اى مطلع او منزل بيلم العربيه كويس 95 % اكنها منيول و كمان لما احب اشد لاى ظروف
انا لما اشتريت العربية سالت صاحب المعرض اية الى يبوظ الستيبترونيك عشان دى حاجة جديدة عليا
قالى اعمل الى انتا عايزوا فيه معادا حاجة واحدة انك تحول من اتوماتيك لمنويال وانتا ماشى بسرعة عشان انتا لما تحول لمانويل وانتا ماشى الستيبترونك بيبدء من النقلى الاولى فا قالى ما تبقاش ماشى مثلا 90 100 وتروح جايب على المانويل ف تبقى العربية ماشية على 100 على اول ناقلة
لو حد عندو راى وخبرة فى الموضوع دة ياريت يفدنا