انا والله زهقت من البطارية ومن الدينامو

من الاول
البطارية باظط قلت عادي
ولمبتها في التبلو نورت
بس مشيت بيها حوالي شهر ونص علي حالها
المهم جت في يوم وقامت دقة النقصة صح
بمعني اني حتي اجي انور النور السهاري الاقي العدادات بتترعش و العربية عايزه تبطل
قمت رحت وغيرتها ببطارية (شيتا كوري 55) ودفعت 265 + البطارية القديمة "اية رايكو في البطارية والسعر ؟ "
المهم
لسة اللمبة منوره في التبلوة
رحت لكهربائي قالي "الدنمو بيشحن حلو تعايش مع الموضوع "
امت طالع علي واحد تاني قالي "الدنمو بايظ هنرمي دة ونركب واحد جديد والمشكلة هتتحل "
وناس كتير قالولي دي مشكلة سير الدينامو
.................................................. .......
اعمل اية

اقتباس:

---

المشاركة الأصلية كتبت بواسطة samirayad

حتحاول تراجع على قوة شد سير الدينامو فقد يكون به أرتخاء قليلا

وبالتالى خرجه غير محسوس الى حدما على الأفوميتر

وبالمره تجرى تنظيف شامل لقواطيش البطاريه من الداخل بصنفره خفيفه ونفس الوضع لأصابع البطاريه

مع الغسيل بماء ساخن لكل من القواطيش وأصابع البطاريه ثم التجفيف بعد ذلك بقطعة قماش

ستعيد الرباط على القواطيش بعد تركيبها على الأصابع بأحكام وبوضع جيد

حط حتة فازلين طبى خفيفه على كل قطاش بعد تجميع القواطيش مع الأصابع

حدور وتعملك مشوار محترم على ال high way

وليكن الدائرى

وكده أنت رفعت كفاءة عملية الشحن وجودة التوصيل للبطاريه

وستجد خيرا إن شاء الله فيما بعد

_________________________________________

مع ملاحظة أن البطاريات الحمضيه الى حد ما عمرها أقصر من البطاريات الجافه وتستهلك بمعدل أكبر

لأن صعب الى حد ما وجود خلل بالدينامو بصوره مبكره هكذا
لطراز سياره حديثه وماركه عريقه مثل التويوتا

______________________

وطبعا أنا كلى سعاده للأشتراك فى هذا الموضوع

الخاص بأفضل الرجال التى عرفتها من خلال نايل موتورز

وحمدا لله على سلامتك ......وموفق بإذن الله

---

اقتباس:

---

المشاركة الأصلية كتبت بواسطة samirayad

معلومه تانيه ياكريم باشا

خللى الكهربائى يراجع برضه على رباط كابل الشحن اللى خارج من الدينامو ورايح للبطاريه

وكذلك توصيلات الكتاوت الكهربيه من جسم الدينامو من بره

يعنى حاصر كل المنطقه بتأكيد جودة الأتصال الكهربى للكابلات اللى موجوده على الدينامو نفسه

---

وده لينك للموضوع:

http://www.nilemotors.net/Nile/144582-a.html

عزيزي أذا كنت سوف تغير البطارية بعد عمل النصائح الفنية السابقة يفضل بطارية جافة بدون سائل مثل hankook بتكنولوجيا الكالسيوم الجديدة (+c) - وذلك عن تجربة مريرة سابقة لي مع السكودا فورمان 1994 - وحدث لي نفس الظروف التي مررت حضرتك بها كلها - كذلك جربت النوع ده من البطاريات مع التريوس 2007 - والسعر 260 جنية مصري وبدون أخذ البطارية القديمة (32أمبير ساعة) - والسعر 300 جنية مصري وبدون أخذ البطارية القديمة (44أمبير ساعة)