ايه الزباين اللقطه دي صباح الفل يا عاطف باشا:C_laugh[1]:
ياباشا اركب فوق دماغه و كل مايفك حاجة قوله ده ايه ده ايه لحد مايزهق منك و يقولك امشي من هنا و ماتعديش من هنا تاني
عرض للطباعة
الحمد لله عربيتى من السهل عمل حاجات كتيرة فيها و عمرى ما باسيبها لحد نهائى و لا حتى يسوقها و عندى الجراج فى البيت الحمد لله فباشتغل براحتى حتى لما جيت رشيتها و عملتلها سمكرة ما سبتهاش يوم رحت للسمكرى و جبت الواد بتاع الدوكو عندى فى البيت جهز العربية و فكيت كل حاجة فيها بايدى و بعدها طلعنا على الكابينة خميس جمعة سبت خلص الموضوع
و الصيانات باعملها بنفسى باغير الزيت و الفلتر و فلتر الهوا و البوجيهات و فلتر البنزين كله تقليدى و سهل
حتى زيت الفرامل و الدبرياج باسحبهم بحقنة دوريا و بازودهم و الردياتير بافك خراطيمه و انزل ميته و اضرب فيه الخرطوم فى البيت بردك و البطارية جافة فمابازورش بتوع البطاريات
حتى الكوتش جبت منفاخ و عداد ضغط و باراجع عليه بنفسى
بس باروح للميكانيكى فى شغل العفشة لانه محتاج تعتيل و بابقا جايب كرسى و مرابط جمب العربية و اشوف ايه اللى بيحصل و باكون جايب القطع كاملة و جاهزة عشان ما اسيبهاش و اروح و ارجع
و بردك لما غيرت طقم الدبرياج و كوتش الكوبلن كنت لازق جمبه
و اى حاجة شاكك فيها اقوم داخل قسم الطوارىء بتاع المنتدى اخد الروشتة اروح اصرفها من بتوع قطع الغيار و اطلع على الجراح (الميكانيكى) طبعا بعد توجيهات الاستشارى الكبير البشمهندس سمير ربنا يباركلنا فيه
ربنا يستر الحاجة الوحيدة اللى هاتضطرنى اسيبها لو حصل حاجة فى الموتور و ده هايبقا النجوم فى عز الضهر كأن واحد سايب مراته فى مكان غريب و مع ناس غريبه فى نص الليل شوفوا انتوا بقا هايبقا ظروفه ايه
انت تنور يا عاطف فى اى وقت
مستحيييل اسيب عربيتي للصنايعي
مستحيييييييييييل بأي حال من الاحوال اني اسيب العربية لأي ميكانيكي ايا كان
و بفضل على دماغو لحد ما يخلص لدرجة انو في مرة من المرات الاولى اللي كنت بروحلو فيها قالي يا بيه ارحمني مش عارف اشتغل مبحبش حد يكون واقف على ايدي قلتلوا اشتغل بس انا بحب اتفرج و اتعلم كمل شغلك اكني مش موجود
ربنا يخليك
يا أستاذ : أحمد
أسلوبك عسل بجد فى سرد الأحداث
ولا كأن القرموطى
الذى يتحدث معنا من خلال البوق
http://www.nilemotors.net/Nile/custo...atar8654_2.gif
:C_laugh[1]:
والله يا بشمهندس كمشكله فنيه الحمد لله لا أعاني من سوء فهم مشكلات العربيه...
لان الميكانيكي اللي انا بتعامل معاه هو مهندس مكيانيكا خريج المنصوره ويعشق السيارات.
كأعطال فنيه...لا يمكن أو تقريبا نادرا ما يقع فيها...
أما مشكلة الحل والتركيب...
فهو غالبا بردو اللي بيركب..أو انه بيخلي الصبى هو اللي يحل...
انا عن نفسي...
بحب هذه النوع من العمل اليدوي..اللي يخلينى أتشحم و أوسخ هدومي..
انما مش كل الناس طبعا تحبذ كده..
انا مثلا والدي..بيرمى العربيه عنده وأفاجىء انه بيقولي روح ده عند الميكانيكي..
..
أقول لحضرتك يا بشمهندس..
كمشله ..هى مشكلة قله ضمير..
واللي خلى الميكانيكى أو العفشجى ينسي يربط مسمار فى العفشه مما كاد يتسبب في إنقلابي..
بديله الطبيب بينسي مقص جوه بطن المريض..
والمقاول اللي من قلة ضميره بينجز فى الصبه وبيوفر فى الأسمنت..
المشكله مشكله إجتماعيه.