زملائي الأعضاء في ظل الأزمه الراهنه الحاليه التي تواجهه شركة الرواس بشأن سحب التوكيل
منه وأعطائه لوكيل أخر هل تؤيد ذلك أم لا وهل توافق ان تكون اللانسر تقفيل مصري أم لا
عرض للطباعة
زملائي الأعضاء في ظل الأزمه الراهنه الحاليه التي تواجهه شركة الرواس بشأن سحب التوكيل
منه وأعطائه لوكيل أخر هل تؤيد ذلك أم لا وهل توافق ان تكون اللانسر تقفيل مصري أم لا
امبارح كنت مع واحد صاحبي بيعمل صيانه في توكيل هوندا و شوفت الفرق الرهيب في النضافه و التعامل و السرعه و كل حاجه و طبعا انتو عارفين مراكز الرواس عامله ازاي لانها باختصار عباره عن "ورش" ده غير المعامله الغريبه جواها و غير بتوع الامن اللي عايزين تيبس علي اي معلومه يقولهالك حاجه بجد تقرف ده غير الاستراحات اللي عامله زي القهاوي البلدي اكيد احنا كملاك ميتسوبيشي مانستحقش كده عشات كده بتمني التوكيل يتسحب من الرواس و اتمني كمان انه يتنقل للحبتور
أنا مش موافق خالص على تجميع ميتسوبيشي في مصر
لو حصل هتلاقي البومة زيرو سنة 2020
ده اسمه نصب زي ما نيسان و شاهين و لانوس
بلاش تجميع في في مصر و نستورد ما دام احنا مش قد صناعة أكبر من سوقنا و مش عارفين نسوقها في الدول المجاورة لينا
اكيد اوافق على الانتقال لان التوكيل الحالي توقف عند سنة 83
لكن التقفيل لااااااا وألف لاااا مش ممكن اتخيل اللانسر بكاوتش النسر وازاز دكتور جريش وفرش موبيكا !!!
اخواننا اللى رافضين انتقال التوكيل , نرجو توضيح اسبابكم
ادونى ميزه فى التوكيل الحالى عشانها يستحق التوكيل يكمل معاه
اقتباس:
المشاركة الأصلية كتبت بواسطة ahmed0nouh
هقول لحضرتك ليه ياأستاذ أحمد بس عن نفسي فقط
أولا التوكيل الحالي بقاله 28 سنه بيتعامل مع شركة متسوبيشي فبالتالي عنده درايه كافيه بمجريات الأمور مع الشركه الأم
ثانيا عنده مهندسين أكفاء تلقوا دورات تدريبيه علي أعلي مستوي من الشركه الأم
ثالثا الوكيل الجديد سيضطر اللي فتح أفرع لتوكيله في أكثر من مكان وهذا سيستغرق وقت غير نظيره
الحالي اللي الأماكن موجوده ومفتوحه بالفعل وبالتالي فالوكيل الجديد سيستغرق وقت ليس بقصير
لتجهيز أماكن الصيانه وقطع الغيار ومعارض البيع طيب في الوقت ده لو سيارتنا محتاجه صيانه
ضروريه و فوريه ولازمه مين اللي هيعملهنا هنجازف ونوديها لأي ميكانيكي غير مؤهل ويستحيل
الوكيل الجديد هيعمل كوبي وبست لجميع العامليين والمهندسين للوكيل الأول
دية كانت وجهة نظري في رفض أنتقال الوكاله لوكيل آخر ومتهيألي لو الرواس صحح أوضاعه
مع الشركه الأم فهيبقي موضوع سحب الوكاله زي قرصة ودن وهنلاقي أختلاف شاسع في
الفتره الجايه من حيث الأسعار وجودة حالة مراكز الصيانه والمبيعات وأضافة تكنولوجيا جديده
وأوبشن زياده علي جميع السيارات
انا اتفق معاك في جزئية ان التوكيل الحالي بقاله 28 سنه بيتعامل مع شركة متسوبيشي فبالتالي عنده درايه كافيه بمجريات الأمور مع الشركه الأم وعنده مهندسين أكفاء تلقوا دورات تدريبيه علي أعلي مستوي من الشركه الأم . انا افضل اذا تغير الوكيل انه يكون من خارج مصر يعني واحد زي الحبتور هيبقى كويس ومش معقول انه هيكون خاربها يعني في الامارات والناس هناك سايباه , اعتقد في كل الاحوال اذا التوكيل اتغير هتتغير سياسيته سواء في اسعار السيارات او صيانة السيارات وقطع غيارها والكلام ده لكن هتظل اماكن مراكز الصيانه المعتمده والمنتشرة في معظم انحاء مصر كما هي وان لزم الامر سوف يكون التغيير في بعض العمال والمهندسيناقتباس:
المشاركة الأصلية كتبت بواسطة ahmed-moga
اقتباس:
المشاركة الأصلية كتبت بواسطة kemoelord
كيمو باشا أذي معاليك بقالي كتير ماتشرفتش بمشاركتك لموضعاتي
أنا مع حضرتك في رأيك بس فيه نقطه صغيره لو واحد معاه عربيه لسه في الضمان من 2008 أو
2009 او 2010 اللي نزلوا في سعرها دلوقتي علشان يخلصوا المخزون بتاعها هيكون ايه العمل
هتضطر تستني ولا هاتتصرف بمعرفتك وهيكون الوضع ايه مع الوكيل الجديد لو أتصرفت بمعرفتك
أو رحت للوكيل القديم هل الضمان هيسقط في تلك الحاله ام سيستمر
انا اؤيد تماما سحب التوكيل من الرواس زى ما الاخوه الافاضل قالوا .. بالرغم من انه حائز على التوكيل من 83 الا انه لم يطور نفسه ولم يهتم بتطوير مراكز الخدمه الخاصه به او نظام العمل فيها ولم يهتم بعمل حملات اعلانيه وتسويقيه للموديلات التى يعرضها واعتمد فى المقام الاول على سمعه وتاريخ الماركه التى يحمل توكيلها (بالمعنى الدارج استسهل وقال اوفر لنفسى فلوس الدعايه و الاعلان ) .. ده بالاضافه الى النقطه الاساسيه التى (قصمت ظهر البعير ) وهى الصراع الداخلى بين الشركاء على التوكيل .. يعنى بدل مايتفرغوا لتطوير مراكز الخدمه وعرض موديلات جديده اهتموا بالدخول فى صراعات وقضايا بينهم على التوكيل وفى الاخر التوكيل طار منهم وهايخبطوا راسهم فى اجدع حيطه هما الاتنين ..
بالنسبه للشق الثانى طبعا ارفض رفضا قاطعا اى تجميع محلى لمتسوبيشى فى مصر ومازلت مقتنع بفكره انه مستحيل متسوبيشى اليابان توافق على تجميع موديلاتها داخل مصر ايا كان الوكيل الجديد .
ازي حضرتك يا استاذ احمد , والحقيقه دائما بنتشرف بدخول مواضيعك المميزة , بالنسبه للموضوع احنا بس الاول مش عاوزين نستعجل على ان هل الرواس هيمشي ولا هيكمل ؟ واذا هيمشي اكيد هيبقى فيه اتفاق مسبق على الناس الي لسه شاريه عربيات وهم لسه في الضمان حتى لا تضيع حقوق الناس
يا جماعه الضمان ملهوش دعوه بالتوكيل الضمان ده من شركة ميتسوبيشي وهي الملزمه (ممثلة في التوكيل ) بتصليح اي عيوب صناعه والتوكيل مش هيتسحب بين يوم وليله وبعد كده يدورو على حد تاني
الطبيعي زي ما بيحصل في كل العالم وزي النيل واوماترا بتوع فيات ،ان الشركه اخطرتهم انهم هيسحبو التوكيل بعد 6 شهور وخلال هذه الفتره بيكونو تعاقدو مع الوكيل الجديد وجهز نفسه لاستقبال العربيات وجهز الفروع الرئيسيه للمبيعات وبعد كده بيتنقله التوكيل رسمياً ويبقى الوكيل القديم كموزع ومركز صيانه معتمد من التوكيل الجديد
وموضوع الخبره مش حوار وانتو فاكرين ان الناس شغاله في التوكيل من 28 سنه يعني ؟؟؟؟
وبعدين الصيانه والحاجات دي بيتاخد فيها كورسات من الشركه الام وبيبقى في تدريب دايماً وعربيات ميتسوبيشي مش معقده ومش حاجه جديده على العربيات
وعن التعامل مع الشركه الام دا تعامل مع شركه بقانون دولي مش تعامل مع ورشه يعني اي توكيل حتى لو جديد في عالم السيارات هيعرف يتعامل ويا سلام لو الحبتور اخد التوكيل هيبقى تعامل وخبره ومعاه التوكيل في الامارات يعني هيقرب الاسعار للخليجي عشان منافسينه في الخليج ميستفيدوش على قفاه وبعدين دا معاه توكيل بنتلي واستون مارتن بجانب ميتسوبيشي تتوقعو معاملته ازاي يعني ؟؟؟
ويعني عاجبكم السرقه العلني في الاسعار وبتقولو اللي نعرفه!!!
اقتباس:
المشاركة الأصلية كتبت بواسطة ralliart
أزاي يافندم بس الضمان ملهوش دعوه بالتوكيل طيب لو عربيه الضمان ساري وحصل فيها
عيب صناعه مين اللي هيصلحها التوكيل زي ماحضرتك وضحت (ممثله في التوكيل )ولا الشركه الأم في اليابان أكيد الوكيل
بعدين ياريت الشركه الأم كانت ادت فرصه للوكيل القديم انما المهله اللي فاضله اقل من 3 شهور
والشركه الأم لسه ماحددتش مين اللي هاياخد التوكيل علشان يبدأ في الأستعداد وتجهيز المعدات ومنافذ
البيع ومراكز الصيانه والأهم الأستعانه بالمهندسين والعماله مش اي حد والسلام نتيجه لقله الوقت
انا من رآي الشخصي انهم يخلوا فيه وكليين في مصر وكيل مؤقت(القديم) ووكيل دائم (الجديد) بحيث
انهم يدوله فرصه لحد آخر سنة 2011 لحد ماأخر فترة الضمان للسيارات تنتهي وبعد كده يبقي مركز صيانه معتمد
وفي ذالك الوقت لايسمح له بأدخال سيارات جديده وكذلك لأتاحة الفرصه للوكيل الجديد بتجهيز وكالته علي أكمل وجه
وطبعا انا متفق في الرآي مع حضرتك في حتة غلو الأسعار المبالغ فيه واللي ظهره علي
حقيقته تخفيض اسعار اللانسر البومه والشارك بحوالي 15 الف جنيه
خلينا نرد على كل نقطه لوحدهااقتباس:
المشاركة الأصلية كتبت بواسطة ahmed-moga
1 - الفتره اللى التوكيل كان معاه الماركه فيها لا تشفع له اطلاقا فى قتله لأسم ميتسوبيشى فى الفتره الاخيره , العربيه عماله تتباع من غير دعايا ولا اى حاجه وموديل قديم هو الحصان الرابح فى السوق والشركه اللى عنده اكتر من 5 عربيات تناسب السوق مش شايفين منها ولا عربيه جديده وعايشين على القديم
تقدر تقولى عمرك شوفت اعلان محترم يشد للشارك ؟ , عمرك سمعت عن ايفنت لميتسوبيشى ؟ , مؤتمر صحفى ؟ , حمله خصم على قطع الغيار وصيانه مجانى ؟ ( الوحيده اللى شوفتها كان فى مركز مهجور وعايزين يشغلوه ) , يا راجل ده مدخل الفرع الرئيسى بتاعهم مش هاين عليهم يسفلتوه ده غير المركز نفسه من جوا اللى المبنى بتاعه ولا كأنك داخل بلوك فى الحرفيين والورش شكلها يقرف والباب هنبوس رجلهم علشان يفتحوه
وحط على كل ده لسه مسمعوش عن موضوع انك تحجز قبل ما تروح ده , انا سألت كذا مره عن الحجز وقالولى مفيش حجز تبقى تيجى بدرى , اللى يلحق يعنى
حضرتك لو روحت الصيانه كدا فى يوم عادى من غير ما تعدى على البشمهندس طارق ربنا يبارك فى صحته ويجعله فى ميزان حسناته لوقفته مع اعضاء المنتدى فى الصيانه والمجهود الكبير اللى بيعمله كنت هتشوف معامله فى التوكيل صدقنى زباله زباله لأبعد الحدود
انا قبل ما اتعرف على البشمهندس طارق عملت صيانه الاربعين فى التوكيل ومش عايز اقولك اتعمل معاى ايه يومها
يعنى احنا بنتكلم فى توكيل فاشل دعايا , فاشل تسويق , فاشل خدمه عملاء , فاشل حتى فى تحسين صوره الشركه الام يبقى ايه تانى يشفع له ؟
التعامل مع الشركه الام مش صعب علشان بيتكلمو يابانى :) , هو زى اى بيزنس اى حد بيتعامل مع اى حد مش محتاجه سابق معرفه ولا خبره
2 - ايه الكفاءه فى مهندسين الرواس ؟؟ , زيهم زى اى مهندسين فى اى مركز وغيرهم الالاف على قائمه الانتظار للعمل , ونرجع ونقول الوكيل الجديد 90% بياخد طقم العمل للوكيل القديم كما هو ويغير منه ما يلزم يعنى الموضوع مش صعب ده بجانب ان العربيات الميتسوبيشى مش معقده ولا صعبه والدورات بتاعت التدريب مش بتاخد سنين
3 - قبل ما الشركه تتخلى عن وكيلها بيبقى فى دراسات كبيره والموضوع مش سهل , يعنى مش فى يوم وليله بيقول هسيب الوكيل ويدور على حد جديد
الشركه عارفه طبيعه الدنيا هنا وشكل الاستثمارات والوكيل الجديد هيجهز فى قد ايه وفتره نقل الوكاله هتاخد ايه بحيث ميبقاش فى يوم واقع بين الوكيل ده وده واللى هيمضى عقد الوكاله هو الاسرع فى التجهيز
احنا محتاجين وكيل جديد , زى ما بندفع دم قلبنا فى الصيانه نلاقى مكان نضيف وخدمه محترمه وعاملين كويسين مش مهندسين بيتكلمو معانا بقرف والعربيه تخلص وتترمى كلها شحم وتراب فى الشمس وادور انا على حد يقولى ايه اللى حصل ملاقيش واجرى يمين وشمال علشان ادفع واخرجها , محتاجين حد يحسسنا ان الشركه موجوده كدا بدعايا وعروض ويعيشنا مجتمع ميتسوبيشى دى , محتاجين حد يورينا بقا حاجه غير البومه , محتاجين حد يرجع ميتسوبيشى فى الرف الاولانى بدل ما الشركه فى مصر اتشالت فى وسط الكراكيب اللى جنب الدولاب
يا باشا نظام عمل الضمان كالاتى , الوكيل بيغير لك القطعه ويحاسب عليها الشركه الام فبالتالى هو مش خسران ولا جنيه , بالعكس ده هيكسبك انت كعميل هتقول ده انا مش جايبها منه وهو عملى صيانتهااقتباس:
المشاركة الأصلية كتبت بواسطة ahmed-moga
ده كله يا باشا كسب ثقه العميل والشركه الام يتفرض الشرط ده على الوكيل الجديد فى العقد وهو بيرحب بيه جدا , امال مين هينفعه بالصيانه لو هو خسر كل العملاء القدام ؟
صدقنى الوكيل الجديد بكل رضا هيفتح ابوابه للعربيات اللى مش من عنده لأن انت لو عجبك الشغل بتاعه هتجيله تانى , وفى حاله الرواس اى مركز خدمه جديد ان شاء الله حتى لو سيراميك الامير اكيد هتحس فيه بفرق
اولا لا تتخيل ان الشركه الام سحبت الوكاله فى يوم وليله وبدون تحذير , الله اعلم ايه اللى حصل فى الكواليس بس علاقه عمل 28 سنه مبتخلصش بالسهوله دى وتقلب ميتسوبيشى الطرابيزه وتقف فى محاكم علشان فكره جت فى دماغهماقتباس:
المشاركة الأصلية كتبت بواسطة ahmed-moga
السبب قوى وواضح
توكيلين فى وقت واحد يبقى الشركه بتموت نفسها وحرق اسعار وضرب فى بعض والدنيا هتتبهدل ومش هتبقى نهايه سعيده ابدا , ولو تم مد العقد الموضوع مش هيخلص علشان هو مش هيبطل بيع عربيات ويبقى كدا خلص العقد وكله مخلص الضمان ولو حصل يبقى ميتسوبيشى هتغيب عن السوق سنتين وده ملوش اى فايده وكل خساير
تخفيض الاسعار دلوقتى من الرواس هو ليه سبب كتير ممكنه , يمكن بيخلص مخزونه للظروف او تحسبا لما سيكون او بيحاول يرفع شويه المبيعات وحال السوق ويراضى الشركه او بيلم سيوله لهدف معين او او او ,,, الله اعلم
اقتباس:
المشاركة الأصلية كتبت بواسطة ahmed0nouh
+111111111111111111111 بصراحه ياأستاذ أحمد تغطيتك للموضوع رائعه
وتناولت جميع النقط والجوانب بأسلوب رائع جعلني أعيد النظر مره آخري في قراري
وخصوصا نسبة المؤيديين لأنتقال الوكاله في الأستطلاع نسبه كبيره حتي الأن
وفعلا يمكن انا محستش بموضوع سلبيات مراكز الصيانه لوجود الأستاذ طارق
والبشمهندس أحمد عناني والأستاذ محمد عبد العال جزاهم الله خيراً عنا وجعله في ميزان حسناتهم
وزي ماأستاذ كيمو قال منستعجلش ونشوف بكره هيحصل فيه ايه نتعشم في الله خيرا ان شاء الله
ويمكن زي ماقلت قبل كده ممكن تكون قرصة ودن من الشركه الأم لتظبيط أوضاعه في جميع النواحي
وانا تشرفت بيك جدا ياأستاذ أحمد بوجودك في موضوعي فتقبل مني خالص الشكر والأحترام
اهو احمد باشا قال كل اللي كنت عايز اقوله وزياده
وكمان اللي يأكد كلامي ان التوكيل ده زباله ،اني النهارده كنت بغير زيت وفلاتر ولمبة تابلوه وتيش دركسيون ،العربيه قعدت عندهم 7 ساعات والدنيا مكانتش زحمه ولا حاجه ! ولما اتأخرت والعربيه كانو راكنينها في الورشه لمدة 3 ساعات دخلت سألت على المهندس اللي ماسك العربيه لقيته قاعد قدام الكمبيوتر وبقوله عربيتي مركونه ليه قام قالي فين دي انا خلصت عربياتي ،ولما وريتهاله قالي آه نسيت ادخلها الزوايا !!
تخيل 7 ساعات و1900 جنيه في شوية شغل اهبل ويقولك نسيتها
ولا البني آدم البارد بتاع الاستقبال نفسي اعرف هما ازاي عملوله انتر فيو وخلوه يشتغل في الاستقبال؟؟ ده أكيد جاي بواسطه !! قمة اللامبالاه ويحسسك انه مشحتك العربيه
هو حضرتك روحت اي فرع علشان بعد كده الواحد يتجنبه ؟اقتباس:
المشاركة الأصلية كتبت بواسطة ralliart
الفرع الرئيسي بتاع قليوب وللاسف البشمهندس طارق طلعتله المكتب مرتين وملقيتش حد امضي معاه وقت الفراااااااغ اللي عملهولي في التوكيلاقتباس:
المشاركة الأصلية كتبت بواسطة kemoelord
دوام الحال من المحال ,,, يمكن التوكيل الجديد يضيف جديد لمتسوبيشي .
العفو يا فندم انا اللى اتشرفت بسماع وجهه نظرك علشان نتناقش ونقول افكار قد تكون مش واضحه للناساقتباس:
المشاركة الأصلية كتبت بواسطة ahmed-moga
وشكرا لموضوعك المفيد
ده العادى على فكره , انا عربيتى خلصت واترمت برا وانا قاعد جوا محدش نده عليااقتباس:
المشاركة الأصلية كتبت بواسطة ralliart
وبعدين خرجت سألت قالولى دى واقفه من بدرى !!! , ولقيت العربيه ملطخه شحم من برا ومن جوا وكلها تراب وقعدت الف وادور على حد يقولى ايه اللى حصل ولا حياه لمن تنادى
وبعدين بسأل عامل من اللى فى المغسله اذا كانت واقفه هتتغسل قالى لا الغسيل حساب لوحده , يعنى حتى مش هنقول يغسلوها انما الشحم اللى منهم مكان الشغل على العربيه من برا محدش كلف نفسه يمسحه
اخدت امر الشغل ودخلت دفعت ومشيت ولا لقيت حد يقف معاى ولا يفيدنى زى ما يكون اللى استلمها منى روح بيتهم , والغريبه ان كل ده والساعه لسه 1 ونص الظهر يعنى فى عز الشغل , ولقيت بعد كدا كلللللللل الملاحظات اللى قعدت اقولها للبيه اللى كان بيستلم منى الصبح وهو قرفان ومش طايقنى متعملش منها ولا حاجه
انا مجربتوش في الصيانه بس كنت نازل اشتري بومه اواخر 2009 .هوا بقا يتعامل كانه الشركه الام خصوصا في تسعير السيارات. البومه 2010 اوتواتيك كانت ب 119 تقريبا مع انها من سنه كانت ب 106 او 109 بالكتير.
انتقال التوكيل بيتوقف على الشخص اللى هياخده ويارب يطلع كويس (ويعمل مركز صيانه فيه بلاى ستيشن :F_eyeb1[1]: )
اما حوار التقفيل المصرى حوار فاشل بكل المقاييس ومعتقدش ان الشركه الام هتوافق عليه ..