هل تؤيد أنتقال التوكيل من الرواس أم لا

**ahmed-moga** · 28-04-2010 09:13 PM

زملائي الأعضاء في ظل الأزمه الراهنه الحاليه التي تواجهه شركة الرواس بشأن سحب التوكيل

منه وأعطائه لوكيل أخر هل تؤيد ذلك أم لا وهل توافق ان تكون اللانسر تقفيل مصري أم لا

**MaZaGAngeE** · 30-04-2010 12:34 PM

أنا مش موافق خالص على تجميع ميتسوبيشي في مصر
لو حصل هتلاقي البومة زيرو سنة 2020
ده اسمه نصب زي ما نيسان و شاهين و لانوس
بلاش تجميع في في مصر و نستورد ما دام احنا مش قد صناعة أكبر من سوقنا و مش عارفين نسوقها في الدول المجاورة لينا

**Ralliart** · 30-04-2010 05:47 PM

اكيد اوافق على الانتقال لان التوكيل الحالي توقف عند سنة 83
لكن التقفيل لااااااا وألف لاااا مش ممكن اتخيل اللانسر بكاوتش النسر وازاز دكتور جريش وفرش موبيكا !!!

**Ahmed Nouh** · 01-05-2010 01:38 AM

اخواننا اللى رافضين انتقال التوكيل , نرجو توضيح اسبابكم

ادونى ميزه فى التوكيل الحالى عشانها يستحق التوكيل يكمل معاه

**ahmed-moga** · 01-05-2010 07:27 PM

المشاركة الأصلية كتبت بواسطة ahmed0nouh

اخواننا اللى رافضين انتقال التوكيل , نرجو توضيح اسبابكم

ادونى ميزه فى التوكيل الحالى عشانها يستحق التوكيل يكمل معاه

هقول لحضرتك ليه ياأستاذ أحمد بس عن نفسي فقط

أولا التوكيل الحالي بقاله 28 سنه بيتعامل مع شركة متسوبيشي فبالتالي عنده درايه كافيه بمجريات الأمور مع الشركه الأم

ثانيا عنده مهندسين أكفاء تلقوا دورات تدريبيه علي أعلي مستوي من الشركه الأم

ثالثا الوكيل الجديد سيضطر اللي فتح أفرع لتوكيله في أكثر من مكان وهذا سيستغرق وقت غير نظيره

الحالي اللي الأماكن موجوده ومفتوحه بالفعل وبالتالي فالوكيل الجديد سيستغرق وقت ليس بقصير

لتجهيز أماكن الصيانه وقطع الغيار ومعارض البيع طيب في الوقت ده لو سيارتنا محتاجه صيانه

ضروريه و فوريه ولازمه مين اللي هيعملهنا هنجازف ونوديها لأي ميكانيكي غير مؤهل ويستحيل

الوكيل الجديد هيعمل كوبي وبست لجميع العامليين والمهندسين للوكيل الأول

دية كانت وجهة نظري في رفض أنتقال الوكاله لوكيل آخر ومتهيألي لو الرواس صحح أوضاعه

مع الشركه الأم فهيبقي موضوع سحب الوكاله زي قرصة ودن وهنلاقي أختلاف شاسع في

الفتره الجايه من حيث الأسعار وجودة حالة مراكز الصيانه والمبيعات وأضافة تكنولوجيا جديده

وأوبشن زياده علي جميع السيارات

**ahmed-moga** · 01-05-2010 10:09 PM

المشاركة الأصلية كتبت بواسطة kemoelord

انا اتفق معاك في جزئية ان التوكيل الحالي بقاله 28 سنه بيتعامل مع شركة متسوبيشي فبالتالي عنده درايه كافيه بمجريات الأمور مع الشركه الأم وعنده مهندسين أكفاء تلقوا دورات تدريبيه علي أعلي مستوي من الشركه الأم . انا افضل اذا تغير الوكيل انه يكون من خارج مصر يعني واحد زي الحبتور هيبقى كويس ومش معقول انه هيكون خاربها يعني في الامارات والناس هناك سايباه , اعتقد في كل الاحوال اذا التوكيل اتغير هتتغير سياسيته سواء في اسعار السيارات او صيانة السيارات وقطع غيارها والكلام ده لكن هتظل اماكن مراكز الصيانه المعتمده والمنتشرة في معظم انحاء مصر كما هي وان لزم الامر سوف يكون التغيير في بعض العمال والمهندسين

كيمو باشا أذي معاليك بقالي كتير ماتشرفتش بمشاركتك لموضعاتي

أنا مع حضرتك في رأيك بس فيه نقطه صغيره لو واحد معاه عربيه لسه في الضمان من 2008 أو

2009 او 2010 اللي نزلوا في سعرها دلوقتي علشان يخلصوا المخزون بتاعها هيكون ايه العمل

هتضطر تستني ولا هاتتصرف بمعرفتك وهيكون الوضع ايه مع الوكيل الجديد لو أتصرفت بمعرفتك

أو رحت للوكيل القديم هل الضمان هيسقط في تلك الحاله ام سيستمر

**kemoelord** · 01-05-2010 10:30 PM

ازي حضرتك يا استاذ احمد , والحقيقه دائما بنتشرف بدخول مواضيعك المميزة , بالنسبه للموضوع احنا بس الاول مش عاوزين نستعجل على ان هل الرواس هيمشي ولا هيكمل ؟ واذا هيمشي اكيد هيبقى فيه اتفاق مسبق على الناس الي لسه شاريه عربيات وهم لسه في الضمان حتى لا تضيع حقوق الناس

-

مشاهدة نتائج الإستطلاع: هل تؤيد أنتقال التوكيل من الرواس الي وكيل آخر أم لا وهل توافق علي تجميع السياره بمصر

الموضوع: هل تؤيد أنتقال التوكيل من الرواس أم لا

LinkBack

أدوات الموضوع

عرض

-

-

-

المواضيع المتشابهه

هل تؤيد الزينون

تغيير التوكيل وكراهية الرواس وحب المهندس طارق مصراوي جدا

صدقت جريدة الفجر و كذب الرواس - الرواس مجددش مع ميتسوبيشى

هل تؤيد تجديد عقد متسوبيشى مع الرواس< نعم , لا > ولماذا

الكلمات الدلالية لهذا الموضوع

المفضلات

المفضلات

ضوابط المشاركة