الموضوع: طريقة تحويل لانوس من مانيوال إلى أوتوماتيك بالصور :::: حصريا لنايل موتورز

ألف شكر لكل اللي بارك والحمد لله إن الموضوع عجبكم و أي حد عايز ينفذ الموضوع ده أنا تحت أمره في أي حاجه


===========================

المشاركة الأصلية كتبت بواسطة JAM

الف مبروك يا عبد الرحمن على التعديل... ويايرت تمشى بيها مشوار محترم وتكتبلنا تقرير عنه.. ويا ترى القاعدة اللى انتا عملتها دى هتعلمك اى مشكلة مع تجديد الرخصة..؟؟.. ياريت حد يفيدنا يا جماعة

الله يبارك فيك ....
أنا مشيت بيها إمبارح مشوار حوالي 100 كيلو تقريبا .... وجربتها في كل الأوضاع السحب بسم الله ما شاء الله بقى أحسن من الأول بكتييييييييييير مش عارف إزاي ......يمكن علشان إسطوانة الدبرياج المانيوال لما طلعت كانت متاكلة وبالتالي مأثرة على السحب بس بوجه عام .... السحب حلو قوييييييي قويييي بالذات لما بأعمل كيك داون أو لما بأدوس على زرار POWER
المرور مالوش دعوة غير برقم الشاسيه ورقم الموتور بس

==========================

المشاركة الأصلية كتبت بواسطة hosar

الف مبروك تجربة جميلة و رائعه
بس المهم من دا كلة نمرة العربية ( هـ 2)

االله يبارك فيك ..... الرقم ده عامله على الفوتوشوب

=====================

المشاركة الأصلية كتبت بواسطة maga3a

مبروك ياباشا انا برده عايش القصه دي والعربيه لسه عند الميكانيكي بس انا غيرت موتور بفتيس عشان الماتور عندي ضرب.

بس انا عندي مشكله مش عارف موجوده عندك ولا لا في رزعه في الفتيس مش عارف من ايه وبعدين طلعت جربت امبارح الفتيس بيأخر في النقل.ياريت حد متخصص يفيدنا في القصه دي
وبعدين المشكله الاهم المررو ايه قصته عشان التعديل في قاعد الماتور الشمال لان الواحد خايف يغططوا في التجديد ولا عند الفحص

الرزعة والتأخر في النقل دول كانوا موجودين عندي أول لما جربت الفتيس وبعد البحث وجدنا إن سببها هو كونترول الموتور اللي أخدته من التاجر طلع كونترول موتور مانيوال والكلام ده عرفناه بمقارنة الكود المكتوب على الكونترول بالأكواد الموجودة في مانيوال العربية وبمجرد تركيب كونترول مطابق لمواصفات عربيتي ( يعني كونترول موتور مزود بناقل حركة أوتوماتيك + بيشغل عداد الRPM + بيقرأ حساس الشكمان والأيدل كونترول وعلية البيئة ) الرزعة راحت تماما والغربية بقت بيتنقل بمنتهى السلاسة على RPM 2.5 بعد ما كانت بتنقل على RPM من 4.5 إلى 5 ....

===============================

المشاركة الأصلية كتبت بواسطة zaza_lanos

الف مبروك مجهود ممتاز
بس لو ممكن تعرفنا الراجل بتاع قطع الغيار
علشان الكل يستفيد

مش حينفع علشان مايبقاش دعاية .... كلمني على 0101803303 وأنا تحت أمرك في أي حاجة
=========================

المشاركة الأصلية كتبت بواسطة MMamdouh

المرور ملوش اى علاقة بالفتيس ولا القاعدة... هما ليهم رقم شاسية و رقم موتور فقط لاغير

MMamdouh

+111111111111111111

=======================

المشاركة الأصلية كتبت بواسطة MMamdouh

الله ينور عليك

الله ينور تعود على الشغل اللى اتعمل خصوصا موضوع تعفصيل القاعدة دى لان مجاش فى دماغى حل زى دة و كمان توضيح بعض الفروق بين المانيوال و الاوتوماتك مكنتش اعرفهم زى القاعدة بتاعت الدينامو و المارش

و تعود كمان على الموضوع الهايل و الصور و الشرح المفصل... قليل اوى لما تلاقى موضوع بالتنظيم دة و فيه معلومات و تفاصيل بالشكل دة... بجد الله ينور عليك

المهم دلوقتى 3 حاجات:

1- تفاصيل التاجر اللى اشتريت منة الحاجة
2- تفاصيل الميكانيكى اللى عمل الشغل
3- تقرير مفصل عن التعديل بعد ما تمشى بيها شويتين

و فيه مشكلة صغيرة... دلوقتى والدتك دعت لك عشان التعديل...

طيب و انا وقعت من قعر القفة؟؟؟ ... دا انا ممدوح بتاع القاعدة

(قاعدة الفتيس مش قاعدة افغانستان لا تودونا فى داهية)

بجد شغل هايل و موضوع هايل

MMamdouh

ياباشا ألفففففف شكر ليك على مساعدتك و إنت كل الناس بتدعيلك لما بتساعدهم في حل مشاكلهم .... ربنا يباركلك ويجازيك من فضله.

============================

المشاركة الأصلية كتبت بواسطة karimmelegy

أولا ً : مشاء الله على التعديل ولا أحلى ولا أروع من كده
بالفعل ممتاز
بس ممكن شوية تتعبك فى البيع بعد عمر طويل ..؟؟

ربنا يخليلك والدتك ويخليك ليها ودايماً تعمل لنا مواضيع حلوة كده

ثانياً :


يابشمهندس / محمد ممدوح .. الناس كلها بتدعيلك أى حد بتشاركة فى مشكلتة وبتقف جنبة لحد مايحلها ومابتبخلش عليه بأى معلومة .. أكيد مش بيدعوا دعوة واحدة ..


ياباشا ربنا يباركلك ودايماً يوفقك لمساعدة الكل فى المنتدى وغير المنتدى

يا باشا الله يبارك فيك .... موضوع البيع ده أنا شايف إني ما عملتش حاجة تعيب العربية في حاجة .... بالعكس .... المانيوال ليه زبونه والأوتوماتيك ليه زبونه وبعدين إحنا مش من النوع اللي بيحب يغير العربية كل سنتين ... إحنا لما بنجيب العربية من دول نجيبها زيرو ونفضل نستعمل فيها لحد ما عمرها الإفتراضي ينتهي و تقول بابا و ماما

الف شكر على الموضوع الرائع

الف سلامه على والدتك وربنا يشفيها ويعافيها

الموضوع اقل ما يقال عنه انه رائع , من حيث الشغل اللى انت عملته او تفكيرك فى حل المشاكل او حتى العرض والتصوير والتفصيل المفيد

بجد تسلم ايدك , وتسلم دماغك على حته تفصيل الجزء المختلف من الشاسيه ده

ما شاء الله....

مجهود مميز وتجربه مفيده.....الف مبروك على الفتيس الاتوماتيك..

بجد موضوع رائع

وشكرا على مشاركتنا الفكره وعمل موضوع بالصور

وربنا يبارلك فى العربيه ويخليك ولدتك

الف مبرووك