الموضوع: مشكلة في فتيس الدوجان

بسم الله الرحمن الرحيم

السلام عليكم ورحمة الله وبركاته
يسعدني جدا اني اكون عضو في نايل موتورز
منتدى غني بالمشاركات والاعضاء........والاتنين هنا بيشتركوا في صفة واحدة افادتهم للناس

عربيتي دوجان موديل 95 لسه شاريها قريب وفيه مشكلة ظهرت معايا جديد
الفتيس بيكون تقيل وانا بنقل خصوصا من الاول للتاني ومن التالت للتاني ومن الرابع للتالت
الخلاصة بيبقى ليه احوال غريبة الغيار مبيرضاش ييجي
هل مثلا السبب ان بدي الغيار على اعلى من سرعته
يعني بكون على سرعة (ممكن تكون اخر سرعة التاني او اول التالت) واجي ادي الغيار الاقيه تقيل وميرضاش ييجي بالراحة الا لما العربية تهدى اوي تكون في منتصف سرعة التاني
وبالمثل من الرابع للتالت
ولما بقاوح معاه وبحاول اجيبه بالعافية بحس بتخبيط التروس في بعضها كاني مش دايس دبرياج
رغم اني ببقى دايسه على الاخر
والنهاردة كان تقيل وجبت الغيار وهو تقيل بعدها بقيت سامع صوت مختلف وانا على التاني (بس مش عالي) يشبه صوت الموتور بس ظاهر اوي انه خارج من الفتيس ومش بسمعه في باقي الغيارات وبيخف خالص لما العربية بتهدى اوي او بدوس دبرياج

بجد احترت
رحت للميكانيكي قالي في الاول ان الدوجان والشاهين كله بيبقى كده في اول ما تدوره (والعربية باردة)
بس بصراحة مش مقتنع لان العربية مكانتش كده اول ما اشتريتها

افيدوني افادكم الله

المشاركة الأصلية كتبت بواسطة Ahmed Galal

ما تجرب تغير زيت فتيس كده و بعدها نقرر ايه المشكلة

طيب احسن نوع ايه
ودرجة اللزوجة المناسبة للدوجان 90 ولا 140 ؟
جزاك الله خيرا على ردك

اولا مبروك العربية وربنا يهديهالك
ثانيا الميكانيكي بيفتي لأن انا معايا دوجان 93 والفتيس ناعم جدا وسلس وممكن تتاكد بسهولة وقف اي تاكسي دوجان وجرب غيارات الفتيس بتاعة.
انا شاكك في الدبراياج ممكن يكون واطي قوي ومحتاج الميكانيكي يعلية شوية وبرضة راجع زيت الفتيس ممكن يكون الفتيس فاضي مفيهوش زيت لو بتسمع الاصوات دي ولو دة حصل زودة زيت لزوجة 90 علشان لزوجة 140 بيتقل الغيارات بس لازم تتاكد الاول سبب نقصانة وغالبا هيكون اويل سية محتاج يتغير ويستحسن تبص علي زيت الفتيس في بنزينة كويسة في اسرع وقت ولو عندك اي استفسار احنا هنا أخواتك أسال وكلنا هنفيد بعض وممكن كمان حد تاني من الزملا يكون عندة تفسير تاني ......تحياتي

المشاركة الأصلية كتبت بواسطة sherifmt

اولا مبروك العربية وربنا يهديهالك
ثانيا الميكانيكي بيفتي لأن انا معايا دوجان 93 والفتيس ناعم جدا وسلس وممكن تتاكد بسهولة وقف اي تاكسي دوجان وجرب غيارات الفتيس بتاعة.

فعلا عندك حق لانها مكانتش كده خالص اول ما اشتريتها


انا شاكك في الدبراياج ممكن يكون واطي قوي ومحتاج الميكانيكي يعلية شوية
الدبرياج متهيألي معقول والميكانيكي علاه مرتين قبل كده (وكان فيه ميكانيكي تاني قالي ان الدبرياج لو علي زيادة عن اللزوم الاسطوانة بتتحرق)


وبرضة راجع زيت الفتيس ممكن يكون الفتيس فاضي مفيهوش زيت
هروح بكرة بنزينة موبيل او شيل ان شاء الله لاني بصيت عليه من اسبوعين في بنزينة اي كلام وقالي انه كويس ومش محتاج يتزود

لو بتسمع الاصوات دي ولو دة حصل زودة زيت لزوجة 90 علشان لزوجة 140 بيتقل الغيارات بس لازم تتاكد الاول سبب نقصانة وغالبا هيكون اويل سية محتاج يتغير ويستحسن تبص علي زيت الفتيس في بنزينة كويسة في اسرع وقت ولو عندك اي استفسار احنا هنا أخواتك أسال وكلنا هنفيد بعض وممكن كمان حد تاني من الزملا يكون عندة تفسير تاني ......تحياتي

الله يبارك فيك ويباركلك ان شاء الله
اولا ربنا يكرمك على زوقك ومساعدتك جزاكم الله كل خير

ثانيا الموضوع مش صوت بس
حصلت اكتر من مرة اني وانا بدي غيار اقل احس بتخبيط في التروس كاني مش دايس دبرياج على الاخر (عملتها مرة وانا بتعلم على 128) رغم اني ببقى دايس على الاخر

عموما هروح بكرة البنزينة ان شاء الله وربنا يستر

فيه سؤال تاني
لو لقيت زيت الفتيس مش ناقص والمشكلة لسه موجودة ........اغير زيت الفتيس بالكامل ولا استنى اروح للميكانيكي يمكن يسقط الفتيس ويكشف عليه ؟

رحت بنزينة شل النهاردة
ولقيت الزيت تمام ومفيهوش حاجة
بالاضافة اني بقيت اسمع صوت وانا ماشي على الغيار التاني مش موجود في باقي الغيارات
زي شخللة خفيفة او صفير بس هو خفيف اوي

ربنا يستر ومتكونش غويشة التاني