مشكلة في فتيس الدوجان

**Ahmed Galal** · 30-04-2010 12:35 AM

المشاركة الأصلية كتبت بواسطة mastermind_00

رحت بنزينة شل النهاردة
ولقيت الزيت تمام ومفيهوش حاجة
بالاضافة اني بقيت اسمع صوت وانا ماشي على الغيار التاني مش موجود في باقي الغيارات
زي شخللة خفيفة او صفير بس هو خفيف اوي

ربنا يستر ومتكونش غويشة التاني

طالما لقيت الزيت تمام و العربية ماشية معاك على كل الغيارات يبقا بلاش تفتح الفتيس و لا تحير نفسك عند الصنايعية و سيبها كده لو الموضوع مش مضايقك بس هات التانى بحرص شوية و افعص دواسة الدبرياج و شيك على السلك بتاعها و خلى حالته دايسما كويسة يعنى ده راييى
و هل بصيت على الكورونة بالمرة دا بره الموضوع بس بصيت على زيتها و التسريب و الكلام ده؟

**Mastermind_00** · 30-04-2010 05:24 PM

المشاركة الأصلية كتبت بواسطة ahmed galal

طالما لقيت الزيت تمام و العربية ماشية معاك على كل الغيارات يبقا بلاش تفتح الفتيس و لا تحير نفسك عند الصنايعية و سيبها كده لو الموضوع مش مضايقك بس هات التانى بحرص شوية و افعص دواسة الدبرياج و شيك على السلك بتاعها و خلى حالته دايسما كويسة يعنى ده راييى
و هل بصيت على الكورونة بالمرة دا بره الموضوع بس بصيت على زيتها و التسريب و الكلام ده؟

رحت للميكانيكي النهاردة قال نفس كلامك تقريبا
قالي لاحظ انك شاريها مستعملة يعني ممكن يكون اللي قبلك غير غويشة او ترس في الفتيس...فخلاه محمل شوية
وبالنسبة للصوت بتاع الغيارات قالي الدبرياج واطي وعلاه
قالي انا ماحب على قلبي اني احل الفتيس وافتح وانصب انما هو كده كويس
خليك ماشي بيه سنة واتنين لحد ما يجيب اخره وحاول تتعود على الصوت ده
وبصيت كمان على زيت الكارونة لقيتها مليانة

**Ahmed Galal** · 30-04-2010 05:47 PM

طب خير الحمد لله و انت بس سايسها و هيا هاتطاوعك ان شاء الله و بكره تتعودوا على بعض و تبقوا سمن على عسل

**ابوهاشم** · 03-05-2010 02:07 AM

هو حضرتك غيرت زيت الفتيس ولا بتذود بس
على العموم لو ماكونتش غيرته ممكن تغيره بالكامل
لان المفروض يتغير كل 30000ك حسب توصية المصنع
حتى لو محتفظ بشكله وقوامه واحتمال وارد يكون له اثر
فى تقل الغيارات