جوله ميدانيه بمركز كيا و الرد على الشائعات و تقييم اداء و استعراض اماكن قوة النيو
اانهارده عملت جوله ميدانيه فى مركز خدمه كيا و دخلت قسم السمكره و الدوكو
لقات 4 عربيات نيو سيراتو و 30عربيه تانيه اانواع مختلفه
4 عربيات السيراتو كلهم خبطتهم فى الوش و ولا وحده مقلوبه كل العربيات سليمه ما عدا
الاكسدام الامامى و الرفرفان اللى قدام و الكبوت و الردياتر
بالمناسبه الردياتير طلع الومنيوم مش بلاستيك زى ما الناس كانت بتقول على فكره العربيات دى كانت فئات مختلفه من جنط 16 الى هاى لاين الى كوبيه كمان و الكوبيه كانت اسوا وحده و كلهم الحوادث بتاعتهم شكلها غبى اوى
##.... بس الغريب قوى ان الكبينه سليمه تماما و القوايم كمان فيهم كلهم و فيهم و احده الاير باج ضربو شرخ البرابريز بس مفيش اى حاجه برده فى الكبينه بتاعه القيادة و الصالون سليم تماما
....ورا الاكصدام الامامى اكصدام تانى حديد سمك و تخانه ملهاش حل و فى كل الحوادث دى جميع المواتير سليمه و الابواب و الكبينه و خلف العربيه كمان بس لما تشوفها متصدقش تحس ان العربيه لو لادا مكنتش تستحمل الحدثه العربيه من قدام بينها و بين الاكصدام 40 سم و ده من ضمن اسباب الامان العالى بس رجاءا متجروش فى ناس كتير بتحدف علينا عشن يتفرجوا على العربيه لانها ببصاته عملت هوس للناس محسسنى انها عجيبه من عجايب الدنيا السبع
الاكصدام اللى ورا وراه اكصدام تانى من جواه بس فبر تخين اوى افتكرته فى الاول حديد طلع فبر
بالنسبه للتسارع طلقه تجميع ممتاز فى الاوتوماتك انت مش هتحتاج الستب ترونيك اصلا لانه بيشد بغباء انا بخاف اسوق بيه اصلا
كان فى زميل قال انه بعد ما عمل صيانة الالف سحب العربيه قل و ضعف و مبقتش بتجيب 170كم
احب اطمنه و اقوله انه اكيد عربيته سليمه بس هو لازم يختار الطريق اللى يقفل عليه العداد يعنى طريق مصر اسكندريه مينفعش انا بالعافيه جبت 200كم و بعد مسافه مش قصيره و افتكلرت كلامه و ده فى الحاره اللى جايه على القاهره انا اللى رايح اسكندريه لو جاب ال180كم يبقى بطل لان انا عملت كده فى الشتا و الهوا كان غبى مووووووت,
و بالصدفه راجع من عند قرايبى من قبل دخلة المطار من على الدائرى قلت لما اخض و اهرج مع الناس اللى معايا عشان كانو جبنا اوى دوست نصف دوسه فقط و الله مش قارص على الاخر زى طريق اسكندريه و لقات العربيه جابت 200 فى ساعتها سخنت و قلت هقفل عداد بس يا خساره قاللى الداخله جت اللى هننزل فيها و دوست فرامل و اللى حسيته ان فرق الهوا معدوم على الدائرى لان فى مبانى صداه جامد اكنك فى حلقه سباق
التجميع على الدائرى كان عجيب انا حسيت ان انا راكب عربيه تانيه غير اللى بسافر بيها و الله كانت صاروخ
........#### الشد مع العربيات التانيه
شدين مع لانسر و النترا و اوبترا و نفختهم و علمت عليهم
شديت مع مازدا 3 فى طريق مصر اسكندريه فى الحته اللى متسفلته جديد عمله اكنك ماشى على سجاد و حرير عديت منه و انا 190 و 200 و هو اخر متوره فى الشد الطوالى 180 بس ده اخره و الله لان انا سالت واحد قريبى معاه المازدا 3 الهاى لاين و بيموت فى الجرى قاللى هيا اخرها 180 بس و الفرنا بيقفل بيها عداد عندهم العربيتين المازدا 3 تجميعها جامد جدا بس اخرها 180 بس يا خساره
شديت مع BMW X3و كمان BMW 7 SERIES, و نفخونى طبعا و على فكره نادر قوى لما تلاقى عربيه مرسيدس او باسات بتشد او بى ام لانهم ببساطه بيحافظو على عربياتهم او بيكون السواق هو اللى سايق انما لما بيكون شاب اللى سايق ممكن بيجرى فى المعقول انما اللى شديت معاهم فى بى ام كانو مجانين موووووووووووت كلوا المطبات كلها بتاعة المفارق و غرز مجنونه مميته و مشفتهمش تانى بقيت الطريق لانى خفت على عربيتى انا مش هلبس المطبات زيهم و الحفر و ابوظ العربيه اللى حيلتى عشان شوية شد بالعربيات و ترويش حرام بصراحه دى تبقى غباوه منى انى اهلك العربيه الزيرو بتاعتى و كانوا بيجروا كانهم هربانين من حاجه جرى الموت يعنى .
ارجو ان كلامى ميتسببش فى حوادث سرعه انا بس كنت بجرب واصلا مبحبش السرعه خالص بس العربيه بتغرى جامد جدا خلى بالكوا و اللى هيشترى لازم يجيب اللى فيها الabs و 2 اير باج و سنسور بارك عشان شنطتها عاليه الباقى كماليات جميله اوى طبعا و تستحق كل ارش و زياده كمان بس اللى مزنوق يخليه فى دول اهم حاجه
*السبات ممتاز اخدت ملفات 140 و 170 و غرز شديده على 80 90 و يا سلام زى نيد فور سبيد و غرز هاديه بطريقه الازاحه على 200 و برضه تمام بس كنت خايف موتتت لانى كانت اول مره اجيب فيها 200 فى حياتى اصلا و اول مره اامتلك عربيه ربنا بيستر.
الستاير الكبس بتاعه النيو سيراتو جبتها ب 60 جم زجاج خلفى و 2 شباك خلفى ممتازين بس بعد كده بردو فى التوفيقيه محل اسمه حماده تقريبا مش فاكر اشتغلت الواد و قلتله لما شافنى داخل المحل بسال على الكاربون و حاجات تانيه سالنى بكام الشماسات الكبس دول قلتله انا من جهه معينه و اتعمل معايا واجب و ختهم ب 40 جم قللى ميه ميه انا بنبيعهم ب 55 او 50 شوفتو ازاى الفصال تشترى حاجه من محل و تلف بيها بقات المحلات و فاصل و اشترى و جبت من محل تانى الفواحات الحجم الوسط اللى على شكل الشجره الامريكانى الاصلى ب 2.85 جم و فى هناك فرش فرو خطير ملحقتوش كانت اخر حته و اتباعت لواحد كان حاجزها كانت حكايه و دواسات ب 75 بعد الفصال 5 قطع و مكنسه البرميل ب 35 جنيه(كبعا سعر المكنسه ده بالزات هيجننكوا لانو اصلا من 50 الى 60 فى اى حته تانيه )متشتريش من اللى فرشين فى الشارع انا هكتبلكو اسم و رقم المحل او انا انزل معاكوا و نتقابل من غير عربيات عشان وسط البلد مفهاش ركنات و زحمه و مش هتعلرف تخش التوفيقيه بيها
انا بصراحه استفدت من النتدى ده و غيره استفاده كبيره و نفسى ارد الجميل
و ان شاء الله قريب هعمل موضوع جديد اسمه ترويش الشيراتو و تظبيطها من غير اللعب فى الاساسيات بتاعتها لانها اصلا شديده و هرفع شويه صور ان شاء الله فى الموضوع الجديد
