الموضوع: صور النترا 2011 الكاملة - وداعا للسيراتو

المشاركة الأصلية كتبت بواسطة m.osman

ههههههههههههههههههه
هي فعلاً شكلها تحفة.... اعتقد الأسعار هتبقى في رينج الفلونس

+1
انا بس هموت و اعرف هيعمل اية في الفيرنا بتاعتنا ؟؟
هيخللى الأكسنت مكانها؟؟ يعني الأكسنت بتاعت دلوقتي هتبقى اسمها فيرنا زي ما حصل قبل كدا ...

الفيرنا بتاعتنا هنقلبها اصعة مونة ،،،، هههههههه

بعد التصميمات دي

دي شركات بنت تيتتت ،، عايزنا نغير العربية كل ست أشهر

سكووووووووووووووووووت هنصور

انتو ايه رأيكم؟

المشكلة ان تسعير العربية مش بمزاجه بمعنى ان اللانسر 1500cc و الاسم كمان (اسمها لانسر و الناس كانت بتشتريها علشان فى حدود 100-110 الف بالكتيير اوى و يابانى و فيها كل حاجو فمكانش لها منافس) فلما ولصت 148 طبعا محدش عبرها و راحوا لعربيات تانية فى نظرهم و فكرهم اعلى منها و خصوصا ان السيراتو لما نزلت قتلتها اكتر لانها بنفس الكماليات و موتور اقوى و فرق 30 الف جنيه (يعنى ارخص حوالى 20%) , انما دى لو نزلت بحاجات تبرر ارتفاع سعرها زى الموتور ال140 حصان و الفتيس ال6 نقلات هتتباع زى الرز (مع انه هيخسر الفئة اللى من 90-115) , الفكرة ان الناس مبتشتريش عربية مبالغ فى سعرها و طالما حسوا ان اللانسر مجرد تغيير شكل زودها 40 الف فبالتالى امتنعوا عنها , نفس الكلام بالنسبة للمازدا 3 الجديدة متباعتش اساسا.
انا فى رايى غبور هينزل فئة فاضية خالص (مش بعيد يشيل الدركسيون) فى حدود 105 و اللى بعدها 110 و انت طالع ياما مش هينزل الموتور الجديد انما لو نزل الموتور الجديد لازم غصب عنه العربية تغلى.

هو مش قالكم كل شيئ علي الطريق

هو قال كل شىء و لا أى شىء؟ الأوقع أى شىء لانه عنده عربيات و عنده صناديق زبالة و عنده تكاتك (اللى هى صناديق زبالة ) و اى حاجة مش بعيد تلاقى عجل غبور , اى شىء على الطريييق.

هيا جميلة بس لامتى حتفضل الموديلات الاقتصادية تترفع فى اسعارها لغاية ما تبقى بسعر الموديلات الفاخرة طيب والاقتصادى فين يخترعو موديلات جديدة ولا ايه

أنا مش عارف الصراحة , العربيات بتغلى بشكل مبالغ فيه جدا بمعنى اقل عربية اوتوماتيك مش صينى و لا مجمعة فى مصر و لا اقل من 1300cc بتعمل 84000 و دى الاكسنت , بعدين عربية دايو بتتباع ب 150 الف جنيه فيها موتور اوبترا!!!!!!!!!!!
فى رايى الشخصى الالنترا الجديدة بغض النظر عن سعرها هتبيع رز , لو نزلت غالية هتتحط مكان الفئة الأغلى من السيراتو بمعنى اقل شوية من الكورولا و السيفيك و فى رايى هتبيع و السيراتو هتبيع برده لان السيراتو شكلا تحفة و اسعرها حلوة جدا