الموضوع: سعر النترا 2010 بالمقارنة بسعر النترا 2011 فى امريكا

فعلا رجالة غبور مظبطين الدنيا

المشاركة الأصلية كتبت بواسطة som3aa

لان امريكا حاجة و العالم كله حاجة تانية خالص
الجيتا الجديدة نازلة فى امريكا من 16000$ و كانت القديمة من 17 الف و شوية
المرسيدس الe-class الجديدة فى امريكا نزلت ارخص من القديمة و اساسا الأسعار فى امريكا مش مقياس لانها ارخص من العالم كله
فى امريكا العبيات بترخص بسبب شدة المنافسة , بقيت العالم بتغلى

باشا... لو فى حاجة بترخص فى امريكا يبقى الموديل القديم مش الجديد, بيعملوا علية عروض علشان يخلصوا من المخزون...اما الموديل الجديد فبيكون علية طلب.

و بعدين يا سيدى بلاش امريكا و نروح كوريا, سعر الالنترا الجديدة هناك يبداء من 12,700 دولار ولما العربية اتسعرت هناك بالسعر دة الكل اتكلم ان السعر رخيص جدا و منافس جدا و غير متوقع!!!! سعر الالنترا 2011 الجديدة فى كوريا موجود فى الرابط دة فى اخر سطر:
http://motorimpress.com/hyundai/2011...s-elantra.html

ملحوظة الالنترا الموديل القديم فى امريكا و كوريا كان بردة فتيس 4 سرعات و الموديل الجديد فتيس 6 سرعات و ماتور gdi و السعر متقارب جدا بين المودلين و يكاد يكون نفس السعر.

الخلاصة المفروض سعر الالنترا الجديدة يكون نفس سعر السيراتو الجديدة ال 6 سرعات يعنى يبداء من 110 الف و اعلى فئة تكون بى 130 الف لو نفس كماليات اعلى فئة فى السيراتو.



كل الناس بتقول سعر الالنترا الجديد حيعدى علشان فاكرة انها حتنزل بالاوبشن اللى موجودة على النت, علشان كدة بيقولوا سعر اعلى فئة ممكن 150 الف او اكتر...طبعا الناس بتحلم و متخيلة انها حتنزل فيها:

• cruise contro
• wide cd touch screen with gps
• vehicle stability control
• 6 airbags
• bluetooth
• زينون و فوانيس LED
• كراسى كهرباء
• كاميرا خلفية و مرايات ضم كهرباء و مرايات تعتيم LED
• بالاضافة لجميع كماليات السيراتو الهاى لاين.
• .............
• و بلاش اتو بارك و بلاش سخانات كراسى امامية و خلفية و بلاش سنسور امامى و خليها علينا.

على العموم لو نزلت بالكماليات دى يبقى سعرها فعلا يستاهل يعدى ال 150 الف و 160 الف كمان يا سيدى اما لو نفس كماليات السيراتوا الهاى لاين فسعرها مفروض يكون اعلى فئة 130 الف. ودة مش فتوى منى و لكن دة بحسب تسعير العربية فى الخارج.

المشاركة الأصلية كتبت بواسطة moody1

انا اتوقع انها تنزل بشوية كماليات جامدة وهيكون سعرها فرنج 135 و140 الف لاعلى فئة ولو نلاحظ ان السيراتو مفيهاش لا مرايات ضم ولا كاميرا خلفية ولا شاشة تاتش و ب131 الف اعلى فئة

باشا السيراتو اعلى فئة دلوقتى فيها مرايات ضم كهرباء و فتيس 6 سرعات سواء خليجى او وكيل

طيب تعالوا نقارن سعر الالنترا الجديدة بالنيو اكسنت الشكل القديم فى امريكا

• النيو اكسنت الشكل القديم بالماتور 1600 و فتيس اربع سرعات يعنى زى اللى عندنا بالضبط سعرها 13,695 دولار
• الالنترا الجديدة بالماتور 1800 الجديد و الفتيس 6 سرعات الجديد سعرها يبدا من 14,830 دولار

يعنى فئة اكبر .... شكل احدث و جميل ..... ماتور اكبر 1800 سس بتكنولوجيا gdi .... فتيس 6 سرعات .....كل دة و الفرق 1,135 دولار فقط بينها و بين الاكسنت!!!

الاسعار فى الرابط دة
Hyundai Vehicle Lineup: New, Quality Cars -Sedans-Coupes-SUVs-Minivans | Hyundai

الخلاصة سعر الالنترا الجديدة قريب جدا من سعر الالنترا القديمة و فرق بسيط بينها و بين الاكسنت الحالية.
زى ما قالت قبل كدة اول فئة اتوماتيك مفروض تكون اقل من110 الف و اعلى فئة لا تزيد عن 130 الف لو بنفس كماليات السيراتو...اما لو حتنزل بالكماليات اللى على النت فسعرها فعلا ممكن يعدى ساعتها.

و تانى كلامى مبنى على تسعير االعربية فى الخارج بالمقارنة بالموديل السابق و الموديلات الاخرى... اما اللى مختلف معايا فيتفضل يقول راية و يقول مبنى على اساس اية؟؟