الموضوع: عاوز اغير من فودافون لاتصالات

توكل على الله اتصالات شركه محترمه

بتقدم طلب فى أقرب مركز لاتصالات بس لازم تكون عارف بياناتك بالضبط فى فودافون من خدمة العملاء يتاعتهم

وبتدفع مبلغ 75 ج تقريبا وبتاخد شريحة ، وبعد كام يوم بتوصلك رسالة على الخط القديم انك تشغل الجديد أو يطنشوا زى معايا وتيجى تجرب الخط الجديد تلاقيه اشتغل من غير اى تنبيه

وعلى فكرة مافيش فرق كبير غير فى مستوى التغطية فى الاماكن اللى تهمك ، دا اللى يفرق شبكة عن تانية لكل واحد فينا

بصراحة كلهم زي بعض

ممكن لو عاوز تحتفظ برقمك تجيب رقم جديد اتصالات ويبقى معاك رقمين مفيهاش حاجة يعني

لكن انا كنت باقول اتصالات احسن لكن رغم انها اكيد افضل من فودافون برضه لان الاخيرة زبالة وحرامية فعلا لكن برضه اتصالات مش زي ما احنا متخيلين

يعني مثلا كان لهم عرض مش عارفة الدقيقة ب 5 قروش ل3 ارقام والنت مجانا الجمعة والسبت

لما اشتركت فيه اولا سحبوا كل الفلوس الزائدة اللي كانت في رصيدي

ثانيا النت كان زبالة زبالة وماكنتش عارفة استفيد منه

اتصالات تتمتع بمصداقية اعلى من الشبكتين الاخرتين ومعندهاش شروط من تحت لتحت زى فودافون وموبينيل انا محول من فودافون لاتصالات من زمان من ايام ما عملوا اهلاً كل الناس ب 19 قرش وفودافون قعدت تفكر سنه عبال معملته . كفايه انك بتعرف رصيدك ببلاش و بيجيلك رسالة بعد كل مكالمة فيها تكلفة المكالمة والرصيد المتبقى ولو سعادتك من اى محافظة هتتكلم ب 15 قرش لاى حد .

المشاركة الأصلية كتبت بواسطة muslima

ثانيا النت كان زبالة زبالة وماكنتش عارفة استفيد منه

على فكرة النت كان فعلا فيه مشكلة يوم الجمعة والسبت أول ما العرض ده بدأ لكن بعد كده بقى زي الفل

..

المشاركة الأصلية كتبت بواسطة أحمد كمال

حضرتك تقصدي بالفلوس الزائدة ايه؟

هل كنتي على نظام سوبر رصيد و تقصدي بيها الرصيد المجاني؟

لان سوبر رصيد فور التحويل منه بيتلغي الرصيد المجاني و دي كانت شروط العرض وقتها بتاع سوبر رصيد ..... و الا الواحد كان يشترك في سوبر رصيد و يشحن ب 1000 جنيه ياخد 1000 قصادهم زيادة مجانا و يقوم بعدها محول على النظام ابو شلن (yes) و يتكلم بالالفين جنيه بشلن الدقيقة و هو دافع الف بس .... فهمتي حضرتك وجهة النظر؟

انا كنت على نظام اهلا وكنت لما بأشحن بيدوني رصيد مجاني
ماكانش بنفس قيمة الكارت لكن برضه كان حلو ولما اشتركت في يس ده سحبوا الرصيد المجاني ( منهم لله)