مشاكل في نيو النترا ارجو حلها من الأعضاء

**alivara** · 30-04-2010 04:50 AM

السلام عليكم
عندي النترا 2009 مانوال فيه بس مشاكل بسيطة
1/ المساعدين الخلفيين بيزيقوا جامد في الطرق الصعبة و قولتلهم كده في صيانة ال 5000 و ربطوا العفشة اي كلام كده و خلاص بس مفيش فايدة مع العلم ان العربية دايما ماشية في طرق صعبة و ترابية بسبب دخول الغاز الطبيعي و عمليات الحفر فاعمل ايه عشان التزييق ده و ممكن يكون فيه مشاكل تانية غير ان العفشة مش متربطة او عيب في المساعدين مثلا ولا حاجة ؟

2/ فيه صوت تزييق في دواسة الدبرياج كأنها بتحك في حاجة و هي طالعة لبرة ده من ايه و حله ايه ؟

3/ دايما نور العدادات ما كانش ينور الا و مفتاح العربية موجود في الكونتاكت انما من يومين كده خرجت المفتاح و نور العدادات لسة قايد زي ما هو ايه اللي حصل و ده عادي و لا ايه ؟

ارجو الافادة من الأعضاء و شكرا

**tefeamer** · 06-05-2010 06:54 PM

المشاركة الأصلية كتبت بواسطة alivara

السلام عليكم
عندي النترا 2009 مانوال فيه بس مشاكل بسيطة
1/ المساعدين الخلفيين بيزيقوا جامد في الطرق الصعبة و قولتلهم كده في صيانة ال 5000 و ربطوا العفشة اي كلام كده و خلاص بس مفيش فايدة مع العلم ان العربية دايما ماشية في طرق صعبة و ترابية بسبب دخول الغاز الطبيعي و عمليات الحفر فاعمل ايه عشان التزييق ده و ممكن يكون فيه مشاكل تانية غير ان العفشة مش متربطة او عيب في المساعدين مثلا ولا حاجة ؟

2/ فيه صوت تزييق في دواسة الدبرياج كأنها بتحك في حاجة و هي طالعة لبرة ده من ايه و حله ايه ؟

3/ دايما نور العدادات ما كانش ينور الا و مفتاح العربية موجود في الكونتاكت انما من يومين كده خرجت المفتاح و نور العدادات لسة قايد زي ما هو ايه اللي حصل و ده عادي و لا ايه ؟

ارجو الافادة من الأعضاء و شكرا

استاذى الفاضل انا معايا النترا 2008 بالنسبة للنقطة 1 ، 2 لازم تروح التوكيل تانى وتمشيش الا بعد ما المشكلة تخلص بالتجربة يعنى اطلع بالعربية وسوقها بجانب التوكيل ولو مشكلة التزيق دى زى ما هيه اجعلهم ساعتها علشان هما من الضغط اللى هما فيه بيكبروا دماغهم ، اما بالنسة لنور التابلوه الطبيعى ان نور التابلوه يبقى منور بعد ما تشيل المفتاح من الكوناكت واول ما تفتح باب العربية بيطفى يعنى جرب تشيل مفتاح العربية ونور التابلوه شغال وبعدين افتح الباب هتلاقيه ان شاء الله طفى لانى انا كنت زيك واكتشفت الموضوع ده اجو ان اكون قد افادتك
مع الشكر عاطف عامر

**semsem8080** · 10-05-2010 10:37 AM

الحكاية كلها هات علبة wd40 وشيل الجلدة اللي موجودة قدام بتاعة الدبرياج ورش بيها كويس علي البلية والدسك ومش هيبقا في اي تزييق
ونفس الحكاية ورا رش علي كل المفصلات اللي ورا والصوت هيروح
انا كان عندي كدة والدنيا الحمد لله بقت كويسة جداً
ولو في اي حاجة قولي وانا اشرحهالك

**samihanwar** · 10-05-2010 11:27 PM

بص يا سيدى هديك الخلاصه
بالنسبه للتزييق يبقى كده عايز جلد مساعدين1
وبالنسبه للتزييق الى فى الدبرياج يبقى بليه2

**alivara** · 15-05-2010 05:01 PM

شكرا على التفاعل بس عايز ابين حاجة بس
تزييق الدبرياج مش عيب فيه ده كأنه بيحك في الجزء اللي تحت الدواسة و مش مأثرة عليه و لا حاجة انا بس كنت بسمع الصوت ده لما يكون فيه هدوء تام بس دلوقتي ما بقاش موجود

كمان بالنسبة لحكاية نور العدادات دي خلاص دلوقتي بقت زي الأول و الحمد لله استاذ عاطف طمني انه طبيعي

دلوقتي بقى اللي مضايقني بجد التزييق ده مش عارف اعمله ايه اروح اشحم العربية في اي بنزينة و خلاص ولا لازم اوديها التوكيل ؟ اصل مشوار التوكيل ده مقرف جدا و التوكيل بعيد عني جدا و انا لسة قدامي 3000 كم على صيانة ال 10 الاف الجاية فممكن اي حل مؤقت ؟ ناس كتيرة قالتلي ده بسبب الطين و التراب بيتراكم في العفشة من ورا و المساعدين و بيسبب تزييق

و بالنسبة للأخ سمسم انا معرفش فين علبة الدبرياج دي للأسف و ما بلعبش في اي حاجة في العربية فقوللي حضرتك فيه واحد ممكن يعملي الحكاية دي بس من غير ما يفك او يربط او يعمل اي حاجة في العربية ؟

و شكرا لاهتمام حضراتكم مرة تانية

**semsem8080** · 15-05-2010 05:45 PM

سلام عليكم
بص ياباشا انا عملت الموضوع ده بنفسي والخطوات كاللاتي
1- هنفك مدخل الهوا الموجود اول ماتفتح كبوت العربية وهو مربوط بمسمارين عشرة ودي فكها سهل جدا
2- هتبص هتلاقي بستم هيدرولك وقدامة دراع حديد متغطي بجلدة هتشد الجلدة دي لبرة بس ودي سهلة بردة
3- هتجيب علبة wd40 وهتركب فيها البلاستكة اللي جاية معاها عشان تدخلها مكان الجلدة اللي خلعتها من شوية وتبدأ ترش بيها جوة بمحازات دراع الحديد وياريت العربية تبقي شغالة
ومعلش علي سؤ الشرح بتاعي

**alivara** · 18-05-2010 08:58 PM

المشاركة الأصلية كتبت بواسطة semsem8080

سلام عليكم
بص ياباشا انا عملت الموضوع ده بنفسي والخطوات كاللاتي
1- هنفك مدخل الهوا الموجود اول ماتفتح كبوت العربية وهو مربوط بمسمارين عشرة ودي فكها سهل جدا
2- هتبص هتلاقي بستم هيدرولك وقدامة دراع حديد متغطي بجلدة هتشد الجلدة دي لبرة بس ودي سهلة بردة
3- هتجيب علبة wd40 وهتركب فيها البلاستكة اللي جاية معاها عشان تدخلها مكان الجلدة اللي خلعتها من شوية وتبدأ ترش بيها جوة بمحازات دراع الحديد وياريت العربية تبقي شغالة
ومعلش علي سؤ الشرح بتاعي

ماشي تمام
طيب و التزييق اعمل فيه ايه ؟ المهم بس طمنوني ممكن يكون المساعدين فيهم حاجة ولا كل ده حوار تربيط و تشحيم و خلاص ؟ العربية جديدة