الموضوع: سيراتو 2011 جديده كليا و شوية تعديلات خارقه بالصور

المشاركة الأصلية كتبت بواسطة ALSHARIEF

جامدة أوى الصور دى ياباشا بس أنا أستوقفتنى صورة فى الصفحة الأولى للعدادات الديجيتال ياترى ده ال 2011 و لا ده تعديل معمول فى 2010 بجد لو 2011 كده هتبقى جامدة و جميلة جدا

بشكركم جميعا و على فكره انا لا ادخن هههههههههههههههه
العربيه ال 2011 تقريبا هى الهاتش باك انما السيدان المتعدله ياما 2011 او الاحتمال الارجح انها النسخه الهيبرد من السيراتو السيدان
(كل عربيه كورى بتنزل بينزل منها نسخه اسمها hybrid ( هجين او مهجنه ,مواصفات خاصه)مبتنزلش برا كوريا خالص على ما اظن حتى دور هتلاقى النترا بردو على جوجل 2000 سى سى و متصفحه كامل من تحت و العربيه نفس فرش السيراتو الهاى لاين و كمان 2 شكمان نيكل و مواصفات تانيه كتير و عداد ديجيتال بردو و جى بى اس و سنسورز وحجات كتير طبعا اكيد مشفتهاش فى اى حته و لا سمعت عنها كمان لانها جوا كوريا فقط.

بالنسبه للسجاير شكلنا كلنا هنقضيها فرجه على معظم الصور بس فى حجات كتير فى راسى عايز اعملها و كمان رخيصه مش مكلفه بص فى الصور كويس هتلاقى حجات ممكن تتعمل زى:
1- (الكاربون) فى الفبره السودا فى الكصدام الامامى و الخلفى و المرايات و ممكن تعمله فى جنوط الكوبيه و بعد ما تلزقه تدهنه ملمع اللى هو ورنيش اللى بيحافظ عليه من الخدوش و يبقى جامد لو حطيته على الكبوت لو رخصتك لونين شيك موت و السقف فقط من غير القوايم تعمله استيكر اسود او فاميه اسود زى الصور و ممكن بعض الاجزاء فى الكابينه كمان الهواياتو بعض الاجزاء.ده بالنسبه للحجات اللى بتتلزق و صدقنى شيك موت شوف صور الكوبيه الكونسبت و كبر صورتها هتلاقى عامل اللى انا قولت عليه جوا و بره و تحط فاميه شفاف على الفوانيس اللى قدام و اللى ورا اى لون تشوفه على حسب لون عربيتك و الاحسن الشفاف عشان يحافظ عليهن لو انت بتسافر كتير هيبوظو بسرعه. تعمل الخط الاحمر اللى الاكصدام الخلفى ما بين القطعتين.
2-ممكن تركب اعتاب نيكا زى الصور او نيكل بينور اشيكو و تعمل نور تحت العربيه موجود عند بتاع الاكسسوريز
3-تعمل فاميه حرارى او تركب شماسات و بتخلى العربيه زى الفاميه بالظبط و مش ممنوعه فى المرور مصرح بيها ب 60 جم من التوفيقيه و ممكن تاخدهم كمان ب 55جم انت و شطرتك
4-ممكن ترش او تدهن القطعه بتاعه الفرامل اللى بتبان من الجنط و انت ماشى اسمها الدسكات تقريبا مش عارف
5- ممكن تركب كساحات من قدام زى الصور جاهزه انا شفت و احد عملها فى الافيو مغيرا شكل العربيه خالص ميه ميه تقريبا من الحرفيين هسال و ارد عليك
6- تجيب غطاء طاره كويس مبيعرقش و عراقه نفس اللون و الاتنين مناسبين للون العربيه عشان تحافظ على الفرش
7- تجيب ملمع الكوتش الامريكى و تحافظ على عربيتك نضيفه برا و جوا و تجيب لها غطا تخين نظيف و تغطيها على طول و دايما تركن فى حته ضلله على اد ما تقدر و تجيب شوية معطرات و تعيش حياتك و ادعيلى .اظن ان بعض ان مكنش كل الحجات دى فى المتناول و ممكن تجبها وحده وحده بعد لما تعمل دول نشوف بقى حجات تانيه زى الفوانيس و شغل الليدات زى الصور.
و حجات تانيه كتير زى الصور وحده وحده
و السلام ختام