أستغاثه للتبرع بالدم لزميل لنا بالمنتدى-عاجل جدا

**m_mekkawy** · 01-05-2010 03:59 PM

الله يشفيه ويخفف عنه
والله انا لو فى مصر مكنتش تأخرت

**enayat** · 01-05-2010 03:59 PM

الهم خفف عنه واشفه يارب العالمين

**wghazi** · 01-05-2010 04:17 PM

ربنا يشفيه ويشفي المسلمين أجمعين يارب

**pink_world** · 01-05-2010 04:22 PM

اللهم خفف عنه واشفيه واشفي مرضى المسلمين

**vsaga** · 01-05-2010 04:24 PM

شفاه الله وعفاه

**Karim_Monir** · 01-05-2010 04:45 PM

جزى الله خيرا من اعان وفك كربه
اليوم فقط احسست باحساس سخيف اني لسه مجري جراحة من اقل من اسبوعين ومش هاينفع اتبرع
اسال الله العظيم رب العرش العظيم ان يشفيه
وكل عضو معنا تحرك تصديقا لقول المولى عز وجل من عاد مريضا وجدني عنده
وتحرك لقول رسولنا الكريم كان الله في عون العبد ما كان العبد في عون اخيه
اسال الله لكما في كل خطوةحسنه ويرفع عنكم سيئة ويقربكم بها درجة الى الجنة
وكل من كانت نيته مساعدته فعلا ولم يستطع لبعد مسافة او اي مانع اخر اساله ان يدعو ويخلص الدعاء
ويا ريت اللي عنده وقت ويقدر يقضى مشاويره يعملها ويحتسب
دي تجارة النيات اعظم تجاره عند الله
تنوي تفك كرب وتنوي تساعد مسلم وتنوي صدقه عن صحتك وعن مالك وعن سيارتك

اخي الحبيب الشيخ خالد
جزاك الله كل خير وجعلها في ميزان اعمالك

ام حماس جزاك الله كل خير قليلا ما تتحرك الاخوات لمثل هذة الاعمال لكنك قدوة فعلا لهم

يا ريت اخواتنا الاطباء اللي يعرفو عن التبرع بالصفائح يشرحو اللي بيتم والمطلوب ومن الممنوعين من التبرع
وهل هناك اوقات معينة للتبرع
ومن تبرع بالصفائح متى يستطيع التبرع مرة اخرى

**AbuHusam** · 01-05-2010 04:50 PM

المشاركة الأصلية كتبت بواسطة أم حمـــاس

النهاردة الصبح كنت عند استاذ محمد فلمستشفي فلقصر العيني

هو فلحقيقة كان تعبان ونايم شوية وقابلت زوجته ربنا يقويها

بجد ياجماعة انتم مش متخيلين هو فحاجة للصفائح دي ازاي

خصوصا انه ملوش اخوات فلواقع بس اكيد ليه عشرات الاخوة هنا

يعني بتقف يوميا عليهم بمبلغ يتعدي الالف لانهم فلغالب مبيلاقوش متبرع

لكن النهاردة والله فرحت جدا قابلت الشيخ خالد ربنا يكرمه يارب ويجازيه كل خير

وقابلت اتنين كمان كانوا بيتبرعوا من نايل موتورز بس مش هقول هما مين يمكن هما مش حبيين يقولوا

الغريب بقي الدكتور اللي هناك كنت عرفاه لقيته بيقلي انتي تعرفي استاذ محمد جمعة دا؟

قلتله لا مش شخصيا

لقيته مستغرب جدا وبيقلي انتي متخيلة كام واحد جه يتبرعله من غير ميكونوا يعرفوه فلحقيقة؟؟؟؟؟؟؟؟؟؟؟!!!!!!!!!!!!!! !!

شرحتله الموقف وحسيت ساعتها والله فعلا يعني ايه نايل موتورز بجد :)

المهم دلوقتي طلب خاص للاخوة الشباب ياريت تحاولوا تعملوه

دلوقتي استاذ محمد معظم الوقت تقريبا زوجته هي اللي بتقضي مشاويره وطلباته

وزوجته حامل وتعبانة فعلا بجد ومرهقة جدا واحتمال يكون في خطورة عليها من المجهود

النهاردة قابلتها تاني فلدقي قالتلي كلمة تقشعر لها الابدان

قالتلي انا نفسي ابني يعيش لحد ميتولد

وابوه يعيش بس لحد ميشوفه

مكنتش قادرة استحمل التعبير دا

ياريت لو حد فاضي ولو ساعتين فالاسبوع يحاول يشوف اي المشاوير

اللي ممكن يقوم بالنسابة عنها خصوصا مشاوير بنك الدم فلدقي الشبه يومية

ساعتها فعلا هتساعدو استاذ محمد حتي ولو من غير ميعرف

ياجماعة كلام الأخت صحيح جدا جدا
أنا كنت هناك في مستشفى الزراعيين وقابلت زوجة محمد وشفت قد إيه حالتها سيئة نفسياً وبدنياً.. وبحاجة شديدة للمساعدة..
وعلى فكرة هي كانت أبية وعزيزة جدا ورفضت قبول أي مساعدة أخرى غير التبرع.. لكني أصريت حتى حصلت منها على رقم التليفون علشان نتابع معاها حالة محمد ولو فيه أي حاجة تانية مطلوبة نقوم بيها..
وبأكد على كلام الأخت الدكتورة أم حماس.. فعلاً الاحتياج للتبرع شديد.. مطلوب يومياً من 6-12 وحدة صفائح دموية.. يعني تكلفة من 600-1200 جنيه يومياً..
والمشكلة مش بس في التكلفة لكن كمان إن الصفائح مش موجودة..
يعني من كل ناحية لا بد من متبرعين..
فأرجو من كل الأعضاء ما يترددوش وصدقوني العمل البسيط ده يساوي ملايين ملايين الجنيهات.. إحساس لا يوصف عندما تقدم شيء ضئيييييل عبارة عن قطرات من دمك لكن ممكن بيها تساعد في حياة إنسان..
مرة أخيرة ياريت كل الأعضاء يروحوا ويتبرعوا لأن المطلوب كتير واللي بنقدمه مهما كان فهو بسيط..
ملاحظة أخيرة مهمة:
علشان الناس تبقى عاملة حسابها في الوقت..التبرع بيستغرق حوالي ساعة ونصف.. ومكان التبرع بيشتغل من 8 صباحاً وحتى آخر الليل.. ومكانه في مستشفى الزراعيين بالدقي والناس هناك في منتهى الأخلاق والإنسانية..

**AbuHusam** · 01-05-2010 05:09 PM

المشاركة الأصلية كتبت بواسطة karim_monir

جزى الله خيرا من اعان وفك كربه
اليوم فقط احسست باحساس سخيف اني لسه مجري جراحة من اقل من اسبوعين ومش هاينفع اتبرع
اسال الله العظيم رب العرش العظيم ان يشفيه
وكل عضو معنا تحرك تصديقا لقول المولى عز وجل من عاد مريضا وجدني عنده
وتحرك لقول رسولنا الكريم كان الله في عون العبد ما كان العبد في عون اخيه
اسال الله لكما في كل خطوةحسنه ويرفع عنكم سيئة ويقربكم بها درجة الى الجنة
وكل من كانت نيته مساعدته فعلا ولم يستطع لبعد مسافة او اي مانع اخر اساله ان يدعو ويخلص الدعاء
ويا ريت اللي عنده وقت ويقدر يقضى مشاويره يعملها ويحتسب
دي تجارة النيات اعظم تجاره عند الله
تنوي تفك كرب وتنوي تساعد مسلم وتنوي صدقه عن صحتك وعن مالك وعن سيارتك

اخي الحبيب الشيخ خالد
جزاك الله كل خير وجعلها في ميزان اعمالك

ام حماس جزاك الله كل خير قليلا ما تتحرك الاخوات لمثل هذة الاعمال لكنك قدوة فعلا لهم

يا ريت اخواتنا الاطباء اللي يعرفو عن التبرع بالصفائح يشرحو اللي بيتم والمطلوب ومن الممنوعين من التبرع
وهل هناك اوقات معينة للتبرع
ومن تبرع بالصفائح متى يستطيع التبرع مرة اخرى

الأخ الرائع الزعيم/ كريم
أنا مش طبيب لكن هاحاول أرد على أسئلتك لأني سألت عليها النهاردة هناك..
الوقت: مفيش فرق في التبرع بالصفائح عن البلازما أو لدم كله سوى في الوقت.. التبرع بالصفائح بيحتاج من ساعة إلى ساعة ونصف تقريباً..
طريقة التبرع: زيها زي التبرع العادي بالدم بالظبط.. لكن مع توصيل أنبوبين.. واحد في كل دراع.. (علشان كدة صعب إن حد يستعمل الموبايل وقتها.. إلا باستخدام السماعة)
الفترة الفاصلة: مسموح تتبرع بالصفائح مرة كل أسبوع
واللي كان متبرع بالدم قبل كدة لازم يمر عليه من 21 يوم إلى شهر قبل ما يتبرع بالصفائح وثلاثة أشهر حتى يتبرع بدم كامل
الممنوعين من التبرع:
كل من لديه مرض مزمن: سكر أو فيروس سي وما شابه
من قام بأي عملية جراحية مؤخراً (زيك كدة شفاك الله)
من عالج أسنانه مؤخرا (الحقيقة ما فهمتش ليه وماكانش وقت مناسب إني أسأل)