الموضوع: أستغاثه للتبرع بالدم لزميل لنا بالمنتدى-عاجل جدا

المشاركة الأصلية كتبت بواسطة blazer

سؤال :
ينفع تتبرع ب الدم و صفائح فى مده متقاربه

التبرع بالم مرتين متتاليتين يكون عالاقل بينهم 3 شهور

ولو هتتبرع بصايح يكون عدي علي اخر تبرع بالدم 21 يوم

واخر تبرع للصايح اسبوعين تقريبا

المشاركة الأصلية كتبت بواسطة sherif khalifa

مكنش فى امكانية للتبرع بصفائح
بس تم التبرع بالدم و اخدت كارت ممكن اهل المريض ياخدو صفائح فى مقابل الدم المتبرع بية

ممكن حد يساعدنى اوصل الكارت دا لاهل المريض علشان الوقت عندى مش مساعد

بيوصلهم صفايح برده يفندم بيتم تبديله

حضرتك ممكن تشوف حد رايح البنك وتبعته معاه

انا بكرة ممكن اشوف زوجته بس بليل متأخر شوية علي 10 مساءا ان شاء الله لو حضرتك هتبعتهولها

المشاركة الأصلية كتبت بواسطة karim_monir

جزى الله خيرا من اعان وفك كربه
اليوم فقط احسست باحساس سخيف اني لسه مجري جراحة من اقل من اسبوعين ومش هاينفع اتبرع
اسال الله العظيم رب العرش العظيم ان يشفيه
وكل عضو معنا تحرك تصديقا لقول المولى عز وجل من عاد مريضا وجدني عنده
وتحرك لقول رسولنا الكريم كان الله في عون العبد ما كان العبد في عون اخيه
اسال الله لكما في كل خطوةحسنه ويرفع عنكم سيئة ويقربكم بها درجة الى الجنة
وكل من كانت نيته مساعدته فعلا ولم يستطع لبعد مسافة او اي مانع اخر اساله ان يدعو ويخلص الدعاء
ويا ريت اللي عنده وقت ويقدر يقضى مشاويره يعملها ويحتسب
دي تجارة النيات اعظم تجاره عند الله
تنوي تفك كرب وتنوي تساعد مسلم وتنوي صدقه عن صحتك وعن مالك وعن سيارتك

اخي الحبيب الشيخ خالد
جزاك الله كل خير وجعلها في ميزان اعمالك

ام حماس جزاك الله كل خير قليلا ما تتحرك الاخوات لمثل هذة الاعمال لكنك قدوة فعلا لهم

يا ريت اخواتنا الاطباء اللي يعرفو عن التبرع بالصفائح يشرحو اللي بيتم والمطلوب ومن الممنوعين من التبرع
وهل هناك اوقات معينة للتبرع
ومن تبرع بالصفائح متى يستطيع التبرع مرة اخرى

الممنوعين علي رأسهم المصابين بفيرس سي

او اصحاب الضغط العالي لو معدي مثلا 150_90 او بياخد دوا ضغط لفترة طويلة


او الضغط الواطي لو اقل من 110 _70


المصابين بالسكر وبياخدوا انسلولين

لو رحت لدكتور اسنان لفترة اقل من 6 شهور

لو عملت اي اجراء جراحي من فترة قريبة او اتنقلك دم او اخدت اي تطعيمات

المشاركة الأصلية كتبت بواسطة samehrashed

لمن يريد الاستفسار عن تفاصيل خاصة بالتبرع مثل هل الضغط يمنع أو حالات صحية معينة
يمكنكم الاتصال على رقم تليفون مستشفى الزراعيين وتطلبوا بنك الدم والرقم هو:
33377665
تسأل عن الدكاترة أشرف أو فوزي أو خالد وكلهم ناس في غاية الأخلاق والإنسانية والإحساس بالمسؤولية وشفت بعيني إزاي بيساعدو أي مريض أو حد محتاج لدم.. وكمان بيعاملو المتبرع بمنتهى الاحترام والتقدير بصدق مش علشان ده شغلهم..
وأنصح من سيتوجه للتبرع أن يتصل قبل ما يروح علشان يتأكد إن الأجهزة تكون فاضية لما يوصل.. لأن التبرع بياخد من ساعة إلى ساعة ونصف.. فبدل ما حد يروح وينتظر ساعة أو أكتر لغاية ما الجهاز يفضى ثم ساعة ونصف أخرى للتبرع.. يمكن يكون أفضل لمن ليس لديه متسع من الوقت أن يتصل بهم قبل ما يروح

الاساتذة اشرف وفوزي مش اطباء هم فنيين

اانا معايا رقم د.احمد المختص هناك فلبنك بس صراحة معرفش امكانية اني اكتب رقمه علعام

ربنا يشفيه ويقومه بالسلامة ويصبر أهله