تغيير اضائة الانوس كامله ( فوانيس + عدادات + شنطه وصالون ) بالصور
بسم الله
بصفه عامه اضائة الانوس مش حلوه اوى ومش واضحه ( old fashion ) شويه
فحبيت اعمل موضوع عن طريقة تغيير اضائة الانوس من لمبات عاديه لونها اصفر باهت واخضر
الى لمبات ليدات بضوء ابيض زاهى جميل
وطبعا زى ما اتعودنا مع بعض
الشغل هيكون بأيدينا وبكل سهوله ان شاء الله لأن كل خطوه موضحه بالصور
وبسم الله
هنبدأ
بفرانى الفوانيس الأماميه
هنفتح الكابوت ونبص على ضهر الفانوس الكبير هنلاقى غطاء بلاستك دوار هنفكه بأتجاه عقارب الساعه
http://i757.photobucket.com/albums/x...ghanayem/1.jpg
هنلاقى فيشة الفيرانى السوداء
http://i757.photobucket.com/albums/x...ghanayem/2.jpg
هنشدها لبره ونشيل اللمبه القديمه ونحط اللمبه الليد الجديده ونخلى بالنا ننور الفيرانى ونشوف لو الليدات نورت يبقى التركيب صح ولو منورتش نلف اللمبه لان الليدات ليها سالب وموجب
http://i757.photobucket.com/albums/x...ghanayem/3.jpg
دى صورة كارت اللمبات واللمبه الواحده فيها عشر ليدات الكارت لمبتين ب 20 جنيه
http://i757.photobucket.com/albums/x...ghanayem/4.jpg
هنقفل الغطاء عكس ما فتحناه ونقفل الكبوت ونبص على النتيجه
http://i757.photobucket.com/albums/x...ghanayem/5.jpg
هنروح لضهر العربيه وكمان هنغير اضائة لمبتين النمر الخلفيه
هنفك المسمارين اللى ماسكين فرام كل لمبه
http://i757.photobucket.com/albums/x...ps45916634.jpg
هنخرج الفرام لبره
http://i757.photobucket.com/albums/x...ps8979e105.jpg
هنلف دواية اللمبه عكس اتجاه عقارب الساعه ونشدها لبره
كده اللمبه بقت فى ايدنا
هنخلعها لبره ونركب مكانها لمبه ليدات ونخلى بالنا من اتجاه السالب والموجب
http://i757.photobucket.com/albums/x...ps6cda5edc.jpg
هنقفل تانى
ونبص على النتيجه
http://i757.photobucket.com/albums/x...1008271902.jpg
كمان هنغير الأضائة الداخليه لشنطة العربيه
هنخلع غطاء لمبة الشنطه بمفك عاده صغير وهنوصل سلك بطرفين موجب وسالب ونوصله لضهر الكنبه علشان نوصل شريط الليدات
http://i757.photobucket.com/albums/x...ghanayem/9.jpg
هنلزق شريط الليدات فى ضهر الكنبه من فوق بلصق وشين
( المكان ده ممتاز فى توزيع الاضائه )
http://i757.photobucket.com/albums/x...hanayem/10.jpg
هنقفل ونبص على النتيجه
http://i757.photobucket.com/albums/x...04301222-1.jpg
( على فكره لما بفتح الشنطه نور الليدات بيبقى رامى بره ورا العربيه بشكل جميل اوى )
كمان هنغير لمبتين المارشدير للفانوسين الخلفيين
هنفتح الشنطه
هنفك غطاء ضهر الفانوس الخلفى
هنفك لمبة المارشدير السفليه من الفانوس
هنركب مكانها لمبه ليدات بكعب كبير
هنقفل تانى
وده الشكل النهائى
http://i757.photobucket.com/albums/x...0110427137.jpg
كده خلصنا الأضائه الخارجيه
هندخل على الأضائه الداخليه
وندخل لصالون العربيه
ونبدأ بلمبة الصالون
هنشيل الغطاء الشفاف للمبه الصالون بمفك عاده صغير
http://i757.photobucket.com/albums/x...ghanayem/6.jpg
هنشيل لمبه الصالون ونحط الليدات الجديده 18 ليد
وده شكل الكارت بتاعها وده برضه ب 20 جنيه
وفيه منه كمان لحد 36 ليد
وكل ما زاد عدد الليدات
زادت الأضائه
http://i757.photobucket.com/albums/x...1004301203.jpg
وده شكله بعد التركيب
http://i757.photobucket.com/albums/x...ghanayem/7.jpg
ونخلى بالنا برضه من اتجاه التركيب السالب والموجب
ونبص على الشكل بعد التقفيل
http://i757.photobucket.com/albums/x...ghanayem/8.jpg
والآن وبعد انتظار الجماهير
وأخيراٌ وليس آخراٌ
نور العدادات
هنبدأ بفك الطابلوه حته حته
الاول
هنشد الفبره اللى تحت التابلوه لبره
http://i757.photobucket.com/albums/x...hanayem/12.jpg
هنلاقى تحتها مسمارين ماسكين وحدة مفاتيح التكييف هنفكهم
http://i757.photobucket.com/albums/x...hanayem/13.jpg
هنشد وحدة التكييف بشويش لبره بمفك عاده
http://i757.photobucket.com/albums/x...hanayem/14.jpg
وهنبدأ نفك الفرام اللى شايل الساعه وفتحات التكييف وده ممسوك بمسمارين فوق مفاتيح التكييف
http://i757.photobucket.com/albums/x...hanayem/15.jpg
ومسمارين فوق العدادات ومسمار وراء فبرة المرايه الكهرباء بيبان بعد ما نخلع الفبره لبره بمفك عاده رفيع هي راكبه كبس
وبعد ما نفك الخمس مسامير هنشد الفرام كله لبره بالعقل ونخلى بالنا من خلع فيشة كهربة النور والتكييف.وفيشة الساعه
http://i757.photobucket.com/albums/x...hanayem/16.jpg
كده العدادات قدامنا هنفك الاربع مسامير اللى ماسكين العدادات
http://i757.photobucket.com/albums/x...hanayem/18.jpg
ونفك التلات فيش اللى واصلين بضهر لوحة العدادات
http://i757.photobucket.com/albums/x...hanayem/19.jpg
ونطلع اللوحه فى ايدنا و نقلبها ونفك الاربع دوايات بتوع الاربع لمبات الكبار ونخلع اللمبات القديمه ونحط اللمبات الليدات الجديده اللمبه عشره ليد ( فاكرينها اللى كنا حطينها فى الفريانى بتاع الفانوس اول الموضوع )
http://i757.photobucket.com/albums/x...hanayem/20.jpg
بالمره واحنا فاكين العدادات هنلون المؤشرات علشان نعمل نيولوك للعدادات
هنفك وش العدادات الشفاف عن طريق زق الكلبسات لبره بمفك عاده صغير
التلوين بقلم ماركر بأى لون تختاره عشان يدى لون وفى نفس الوقت ميقفلش اضائة المؤشر
http://i757.photobucket.com/albums/x...hanayem/21.jpg
ودى صورة العدادات بعد تعديل الإضائه
http://i757.photobucket.com/albums/x...1009061955.jpg
تقريبا كده خلصنا كل حاجه
نبدأ نعيد بالعكس كل اللى عملناه
ونربط كل شىء بأتقان
وعلشان ابقى مخبتش عليكم حاجه وانا بقفل لصقت كل اسطح التركيب بلصق وشين وكمان ورا العدادات علشان امنع اى اصوات زقزقه وصرصره بتطلع من ورا الطابلوه واللى بتجنن اى حد ودنه حساسه ذى حالى
http://i757.photobucket.com/albums/x...0120113815.jpg
http://i757.photobucket.com/albums/x...0120113816.jpg
وبكده نبقى عدلنا اضائة الدايو ومنعنا اصوات زقزقه الطابلوه
وطبعاٌ ده جزء بسيط من موضوع كامل عن تكتيم صوت السياره بالكامل وزيادة عزلها
هنا
http://www.nilemotors.net/Nile/315571-a.html
ودى صوره نهائيه للتابلوه
http://i757.photobucket.com/albums/x...hanayem/24.jpg
مستنى رأيكم
وطبعا دعواتكم
( بالصحه لى ولزوجتى ولأولادى وبالستر وسعة الرزق )
اى استفسار انا تحت امركم
وطبعا اتشرف بزيراتكم لها
ولقرائه بقية مواضيعى الرجاء اضغط على الرابط اسفل التوقيع
اخوكم عصام غنايم
نايل موتورز - NileMotors.net