الموضوع: استشاره مغلبانى

المشاركة الأصلية كتبت بواسطة semsem kane

طيب انت الاول اكشف على البوجيهات ,ونظف الكربراتير كويس

أبدأ بهذا الكلام الطيب

وممكن تسلك بيك السلانسيه بشعره سلك
بدل حل الكربوراتير الأول
وتجرب تدرج النقل بالفتيس

والنتشه دى غالبا

يابوجيهات .........يا أسلاك بوجيهات

المشاركة الأصلية كتبت بواسطة m.aligamal

شكرا باشمهندس انا واحد صاحبى بص عالعربيه و قلى انها متلته المشكله انى لما باخد العربيه عند الميكانيكى بتكون سخنت و مفيش فيها حاجه المشكله مش بتبان الى و العربيه بارده ياريت يا بشمهندس برضه توضحلى لو اغير البوجيهات اجيب شمعه و لا شمعتين و نوع ايه انا حاليا بستخدم ngk اتنين شمعه وصاحبى بيقلى واحد شمعه افضل و بيوفر البنزين
بالنسبه لسلوك البويجهات انا مغيرها فعلا و كانت العربيه بتضرب مدافع و لما غيرت السلوك بقت تمام و اختفت المدافع
وحاجه تانيه انا لما بشيل فلتر الهوا واشد وير البنزين بحس ان العربيه سوتها اكثر نعومه وطبعا العربيه بتنعر و صوتها بيعلى عشان مفيش فلتر

1- غير البوجيهات للطراز المخصص لسيارتك

وممكن تجرب طقم ngk واحد شمعه


2- نظف بيك السلانسيبه

المشاركة الأصلية كتبت بواسطة m.aligamal

برضه عايز اعرف سلك الكيك دون

ده واير واصل من تحت السيلكتور الى بلف تنظيم ضغط زيت ( بيكون موجود على الفتيس )

هو موجود فى فتايس الدايو وأعتقد حتلاقيه عندك برضه على الفتيس بتاع عربيتك

والهدف من ضبط وضعه ورجلشته

ضمان التوقيت الجيد للنقل على مراحل سرعه معقوله للمكنه

المشاركة الأصلية كتبت بواسطة m.aligamal

حاجه اخير يا بشمهندس هوا رش الجاز على الوجيهات و وش المكنه ممكن يبوظها عشان انا متعود اغسل المكنه بالجاز كل شهر تقريبا و انا بغسلها بنفسى ياريت التوضيح

عادى الغسيل بالجاز ....بس ياريت عدم الأكثار بقدر الأمكان
وفى نفس الوقت مراعاة عدم وصول الجاز بقدر الأمكان للخراطيم الكاوتش
لأن كلنا عارفين أن وجود الجاز على الكاوتش ممكن يتلفه ويشققه

عن نفسى بغسل سيارتى بنفسى كمكنه بالجاز أو البنزين بهدف أزالة أى رواسب زيتيه وخلافه

مع مراعاة أماكن الخراطيم
وبعد أزالة الزيوت بالماده البتروليه ( مثل الجاز أو البنزين )
بأروح شاطفها بماء عادى
وأسيبها فتره قبل الدواره الجديده ( بعد النظافه )

بهدف السماح بتطاير أى مواد متبقيه من الجاز أو البنزين

ولما أجى أدور بأفتح الكبوت وأطمن برضه
أن الأمور ناشفه والريحه تكاد تكون منعدمه وبغرض التهويه قليلا قبل مدور


أما نظام الفوم والمهلبيه أياها
الصراحه مليش فى الدلع ده

لأننى راجل فلاح الى حد ما

ومليش فى نظام الباتون صاليه والمارون جلاسيه

ممكن اعرف المقصود بى بك الصلانسيه عشان انا سامع ان الكربراتيور بتاع العربيه على بساتم ومش عارف هلاقى فيها البك ده ولا مش هلاقيه

بيك السلانسيه عباره عن ماسوره قصيره وديقه طولها بتاع 2سم ( شبه البوق أو الصفاره المطيوله بتاعة الأطفال كتشبيه طبعا )

وموجوده فى المحركات التقليديه تحت فلتر الهواء

لما بيتسد بنسلكه بسلكه شعر بعد مابنفكه بمفك عادى من على وش الكربوراتير

أما نظام التحكم فى السلانسيه عندك ممكن يكون كهرباء
من خلال سحب بستم بواسطة مغناطيس وقت فتح الكونتاكت

لفتح مسار هواء من الفلتر الى داخل الكربوراتير بهدف سحب بنزين السلانسيه من غرفة العوامه