انا مش شايف حد بيتكلم عليها فى المنتدى خالص؟؟
هل نزلت مصر؟؟؟ و اسعارها إيه ؟؟؟
عرض للطباعة
انا مش شايف حد بيتكلم عليها فى المنتدى خالص؟؟
هل نزلت مصر؟؟؟ و اسعارها إيه ؟؟؟
نزلت ياباشا بقالها 4 شهور بس محدش بيجيب سيرتها كتير او بيفكر يجيبها
اسعارها 128 و 138 و 144 كلهم اوتوماتيك
نفسي أفهم ليه
ده جميلة و أنيقة و شياكة و حلاوة
و عاجباني :)
تمام يا دكتور و هى عجبانى جدا انا كمان ....الهاتش باك فى مصر ليها وضع مختلف شوية زى ما انتو عرفين
....بس هى العربية موجودة بثلاث فئات بتجهيزات مختلفة و تقريبا التوكيل مش محتاجج يسوقها ..لان كل الدفعة الاولى اللى وصلت منها اتباعت واتسلمت ..و عليها حجوزات كثيرة حتى الان .
انا عملت موضوع عنها ..ممكن الاطلاع عليه للمهتمين بمعلومات عنها ..
http://www.nilemotors.net/Nile/126125-megane-iii.html
شفتها في القرية الذكية ...... شكلها حلو بس مش وهمي
هى الدفعة كام عربية....؟؟؟
أنا شفتها مرة واحدة بس...راكنة فى المهندسين فى الشارع المتفرع من جامعة الدول و على ناصيته البافارية و tradeline ....
عربيتى كانت على بعد 3 عربيات راكنة جنبها....
فعلا شكلها مش وهمى خالص خالص و لا ملفتة للنظر كمنظر عام من بعيد
أفتكر التوكيل مش بيعمل لها دعاية علشان عارفين إنها مش هتبيع
لاحظ فى كام واحدة اتباعت من سنة 2007 بالنسبة للميجان II .....قليل جدا...ال C4 و الأسترا كانوا بيبيعوا أحسن.....هى الميجان II الهاتشباك باعت شوية حتى 2006 ...لكن بعد كده قليل جدا....
أنا أكاد أجزم إنى فاكر كل واحدة شفتها كان لونها إيه و ين و إلى سايقها/سايقاها كان كله/شكلها إيه من قلة عدد المرات إللى شفت فيها ميجان II هاتشباك Phase 2
مع المجان III الموضوع بقى أكثر انحدارا....حقيقى...أنا شايف الفيات برافوا مميزة أكتر ..مواتير أكثر تقدما ( بعد ما اتصدمت بحقيقة إن مافيش مواتير TCe فى مصر و خصوصا ال 1.4 أبو 130 حصان ) و لا شكلها هيبقى فيها حتى الفتيسات ال Dual Clutch ..بعكس البرافو.....ده غير إن إلى هيشترى ميجان III أكيد شاف الميجان II و هيعرف قد إيه حجم التوفير الواضح و موضوع بلد المنشأ و هتكمل لما يلاقى منها موديلات بمفتاح و لا حتى لما يشوف فتحة السقف بعد الرجيم و تحولها من بانوراما إلى فتحة سقف من إللى بيتعملوا بلدى..!!!
واضخ إن الناس بتوع التسويق قرروا يلعبوا فى المضمون و عربيات اقتصادية فى التجهيزات علشان تفضل فى شريحة سعرية مقبولة.....إنما عربيات بفوق ال 160 ألف...دى استغنوا عنها...و إلا كانوا جابوا الميجان الفرنساوى علشان تبقى معقولة شوية لما تقارنها بالليون و البرافو و لا كمان لما ال C4 و الأسترا الجداد ينزلوا
واضح ان رينو مصر ابتدت تهبل
و هتتجه للرخيص و تحلق للغالي :(
الميجان 2 هاتش باك كانت ليها تصميم مختلف وملفت ومميز سواء اعجبك ام لا لكن كانت عربيه مميزه اوي
اما الميجان 3 حاولت تكون جريئه ومميزه زي ال2 لكن فشلت
وحتى الفلوانس كتصميم مش زي الميجان 2
الدفعه الجديده دي كتصميم متحسبش
انا الحقيقية مش عارف حجم التوفير الواضح اللى انت تقصدة دة ..انا شوفت الميجان القديمة ...و الميجان الجديدة متفوقة فى كل حاجة .على مستوى التصميم و على مستوى الموتور "موتور جديد " و فتيس جديد و شكل رياضى .
بلد المنشاء مش حتفرق فى حاجة غير بعض التجهيزات اللى مش متوفرة عشان يكون سعر العربية مناسب شوية ..انما مستوى الخامات و التقفيل هوة هوة نفس مستوى الميجان اللى خارجة من المصانع الفرنسية و الاسبانية ..
و معدلة اكتر كمان لخدمة الطرق الصعبة فى الدول النامية فى مستوى تركيا و مصر .
اعتقد ان رينو مش حتهزر فى اهم موديل عندها و تضحى بتاريخ الميجان عشان توفر فى شوية خامات او فى مستوى جودة مختلف ...
العربية تصميم فى مراكز رينو و تصنيع بضمان رينو و الميجان هى اللى بتقود الراية فى المقدمة بالنسبة لمودلات رينو الاكثر نجاحا فى تاريخها
و لعلمك رينو بتخطط لتوسيع انتجها فى تركيا و تصنيع المزيد من مودلات رينو التى كانت حكرا على المصانع الفرنسية و فى اتجاه لغلق مصانعها فى اسبانيا لان مستوى الجودة متساوى مع عمالة اقتصادية اكثر .
انا مش عارف اية الوهم المطلوب فى عربية عائلية متوسطة الحجم ...التصميم جميل جدا ويناسف كتير من مودلات 2010 فى شركات اخرى كتير بنجاح .
و الفيات برافو اللى بتتكلم عنها دى فشلت فى مصر و لو ارى منها فى الشارع و لا عربية منزو تطرحها فى مصر من ثلاث سنوات .
و اعتقد نجاح النسخة السيدان انعكس بالتاكيد على الهاتش باك ..و بما ان الاثنين نفس التجيهيزات الميكانيكية و معظم الكماليات ..بالتاكيد فرص النجاحة حتكون متساوية للاتنين .
و روح اتاكد بنفسك و جرب تحجز ميجان و شوف حتستلم امتى و قوائم انتظار اد اية ..و دى اعتقد مؤشرات لنجاح جديد متوقع ...
Ooops.....دى تانى مرةنختلف بشأن نفس الموضوع على ما أتذكر....لذا أنا هأنتهز فرصة عيد العمال و أستفيض فى شرح وجهة نظرى...
إيه هى نقط تفوق الميجان III من ناحية التصميم ؟؟....سواءا من الخارج أو الداخل ؟؟؟
أنا هألفت نظرك لبعض التفاصيل الصغيرة التى تعكس درجة الاهتمام بالتصميم
http://img9.imageshack.us/img9/9281/photo0137qh.jpg
شوف ال Layout بتاع أزرار التكييف ....
لاحظ وجود الجزء الدائرى الغائر بالزر لكى يمكنك أن تجد الزر بلمسة إصبع دون الحاجة للنظر خصوصا بعد فترة من الاستعمال و التعود
قارن مع الميجان 3 ....
http://pictures.topspeed.com/IMG/cro...20_1600x0w.jpg
ال Layout عبارة عن أزرار مرصوصة متجاورة و ليست مقسمة إلى 3 مناطق حسب الوظيفة كما فى السابق...مما يصعب التعود على أماكن الأزرار
التحكم فى توجيه تيار الهواء عن طريق زر واحد فقط....
أوعى تقول لى إن شكل الفتيس الجديد ده و لا ذراع فرامل اليد أكثر تطورا و لا تميزا من السابق له
http://pictures.topspeed.com/IMG/cro...15_1600x0w.jpg
http://img96.imageshack.us/img96/262/photo0133.jpg
مع تحفظى على تداخل الرسومات فى بعضها إلا إن ياريت ده إللى بينزل مصر
http://pictures.topspeed.com/IMG/cro...10_1600x0w.jpg
لكن شوف التقسيمة المريحة و الجميلة فى نفس الوقت
http://upload.wikimedia.org/wikipedi...gane_Speed.JPG
http://img196.imageshack.us/img196/7853/photo0109h.jpg
أنا مكسوف أحط صورة أزرار تحريك المرايا الجانبية..ممكن إللى ما يعرفش يفتكر بتوع الميجان 3 هما بتوع الميجان 2 ...لإن مستحيل بأى شكل أتخيل إن ال Knob تحولت إلى أزرار ..!!
و ده شكل ال Knob
http://img541.imageshack.us/img541/5...gt20071600.jpg
ممكن لو عايز ترجع للمواضيع التالية....
http://www.nilemotors.net/Nile/97921...e-history.html
ســـر حب مالكى الميــــجان لهـذه السيــارة (ســــر حــب مالكـــــي الميجـــــان لهذة السيـــــارة)
لو قعدنا نتكلم عن كمية البلاستيك الغير معتادة فى الأبواب و ما إلى ذلك مش هنوصل لحل لإن لازم تكون العربيتين قدامنا علشان نحس سوا بالفرق فى مستوى الخامات
موضوع تركى و فرنسى ده أنا سبق و أوضحت إن الفروق طفيفة جدا و لن يحس بها غير واحد طلع من دى و دخل فى التانية و له عين خبيرة كمان...يعنى لا يوجد فروق....
كل اعتراضى على إن النسخ الحالية واضح عليها التوفير....
سواءا حضرتك اتفقت معى أم لا....الميجان من أول 2008 و هى تخضع لمثل هذه الإجراءات التوفيرية...زى غطاء الموتور و بطانة الشنطة و كلمة رينو على الشنطة و الأنوار البيضاء فى الأبواب و لأول مرة أشوف ميجان بدون أنوار ضباب أمامية...وهكذا
أقل واجب...العربية مستوى الإبهار فيها ما يقلش عن سابقتها
احنا مش بنقول إنها كخة و وحشة أو ما تستاهلش الفلوس
أبدا...
كل ما فى الأمر إنها ليست مبهرة كسابقتها...مما جعل المسافة التى كانت الميجان II تسبق بها منافستها أكبر بكتير من المسافة بين الميجان III و الأخريات ...
إنت بس إللى مش منتبه لها أو مش معجب بها أو جايز من أنصار العربيات السيدان مش الهاتشباك...
لكن أؤكد لك إن البرافو فى الوقت الراهن على الأقل متفردة على عرش مبيعات السيارات الهاتشباك فى الفئة دى مقارنة بالليون و الأسترا و الفوكس و ال C4
تفتكر فى كام عربية سيدان ميجان II اتباعت و كام عربية هاتشباك اتباعت ؟؟؟
موضوع النجاح مالوش علاقة بالسيدان و الهاتشباك و ال estate ....
مش هايحصل إن واحد رايح يشترى عربية estate هيغير رأيه علشان شاف واحدة convertible و عجبته
إللى بيدور...بيدور على مواصفات....
التوكيل بيبيع أكتر من ثلثين العربيات إللى بيستوردها للموزعين و المعارض...و يبقى ال ثلث فقط بيبيعه بشكل مباشر للأفراد....
إللى ناوى يدفع كاش...عادة بيروح للتوكيل علشان أضمن و أريح...
فى حالة عربية جديدة فى السوق ..دايما بيبقى فيه حجوزات و انتظار و كلام من ده...
عايزها دلوقتى ادفع لك بقى 5 و لا 10 آلاف ( حسب العربية ) زيادة عن سعرها الرسمى و هاتها من معرض و لا موزع
ثم إن وجود قوائم انتظار...لا تعنى تفرد و تمييز أو ازدياد الطلب على العربية...
مرسيدس فى عز الأزمة كانت برضه بتخزن العربيات فى المصنع و مش بتطرحها للبيع و بتصر على وجود فترة ال 6 الشهور لحين الاستلام.....بالرغم من ضعف و هزالة الطلب ....دى سياسة بتنتهجها الشركات للمحافظة على سعر العربية بتاعتها فى السوق...علشان مش أشترى النهاردة ب 100 ألف و بعدها بكام أسبوع ألاقيهم عاملين تخفيضات و لا معرض ما حارق سعرها بكام ألف جنيه....
و على كل أنا موافق تماما على إن الفلوانس هتبيع كويس....لإنها نازلة بفكر يتناسب مع عقلية المستهلك و بنقاط قوة مفهومة....
زى إن سمعة التوكيل الآن أوسع و خصوصا مع تردى الأوضاع عند ناس تانية زى غبور و منصور و غيرهم كتير
الكماليات إللى فيها منتشرة فى عربيات كتير و الناس مطمئنة من الانتشار....
و الله العظيم أنا أعرف ناس ما اشترتش ميجان علشان الكارت بس مش أكتر من كده....
قطع غيار الميجان II خارج التوكيل و انتشار اللوجان أدى إلى استيراد قطع لرينو عموما أكتر بكتير من الأول ...
تصميم العربية على بعضها أقل جرأة و معتاد و مألوف أكتر و مقبول أكتر...بعكس الميجان II إللى شكلها كان مثير للجدل....فناس عددها أقل كانت بتغامر
مبروك لوحوش الفلوانس عربية فعلا حلال فيها الفلوس...بس أنا راجل راكب ميجان II ...و دى عربية ثورية فعلا...علشان كده كنت منتظر أفضل من كده بكتير من الفلوانس....لكن ده لا يعنى إنها أقل من المتوقع من الجمهور....بل إنها معادلة متزنة كسعر مقابل العربية
أرجو القبول مع فائق التحيات و الاحترام
هوا دا بيت القصيد يا كبير ...........اقتباس:
كل ما فى الأمر إنها ليست مبهرة كسابقتها
بعد ثورة الميجان 2 ..... كل الناس ... بدون استثناء متوقعه ان الميجان 3 حتكون ثوريه جدا تصميما و تقنياً......
نزلت الميجان 3 جميلة ورائعه ولكن ليس علي مستوي الثوره اللي ظهرت بيها الميجان 2 ودا السبب اللي اصابني شخصيا بالاحباط !!!
من جوا لاجونا 2006 ... ودي انا شايفها انها كارثة .... فين الجديد .. فين لمسة الابداع الفرنسي ... فين خيال تصميم اليوفو ومراكب الفضاء زي اما شفنا الميجان 2 والسي 4 الجميله.
المزايا .... ازيد من الميجان 2 بكام حاجة ( عبيطه ) علي ما اتذكر... يعني برضة اللي كان منتظر علي صعيد المزايا ليس بدرجة الابهار والابداع ...
المحرك والفيتس ... لا جيد في اللي نزل مصر.... استكمالا لمسلسل الحد من التكاليف واحباط العميل المصري .
اما تصميم الشكل الخارجي ... اعتقد ان النقطه دي بالذات مش محتاجة اي تعليق.
العبد لله متراهن مع اسامي كبيرة في رينو علي ان مبيعات الفلونس والميجان 3 لن ترقي الي 75% من ميبعات اختها السابقة.
العبد لله رينهاوي قديم ... من سانك ل سوبر سانك وكليو في اول نسخة ليها ومن ثم كليو 2003 ومن ثم ميجان 2..... يعني 5 رينو وسط 15 عربية او اكتر سبق امتلاكها زي ال جولف 3 ... ايفو 5 ... 320 M40 ...اكسنت ... نوبيرا ... لانوس ... هوندا TypeR .... اوبل ...سيفيك 90 هاتش ... جولف 2 توربو....CRX 97
... ويمكن في اللي ناسيه ....
مفيش عربية قعدت معايا اكتر من سنة ..... الميجان 2 ... داخله علي اربع سنين ... لانها مختلفة بكل المقاييس ....لانها تخطف !!!!
انا بعت استرا 2007 ماشية 15000 (الشكل القديم) الاصدار المحدود بسبب ان ركبت الميجان 2 مدة 5 دقايق عند السبع بالصدفه !!
للاسف بعد اما كانت وجهتي ميجان 3 ... اتغيرت بعد اما شفتها ... حبيت الليون اكتر ... بس حستني السي 4 الاول او الاستر الشكل الجديد ... انا فعلا متضايق من الموضوع دا ..
وللحديث بقيه ...........
أتفق معك فى كل ما قلته....لكن إحتمال تخسر رهان الفلوانس فقط....الميجان 3 أكيد هتكسبه و بجدارة كمان.
الفلوانس فى رأى هتبيع كتير للأتى و طبعا الفئة اللى ب135000:
أولا مفيش عربية أوروبى فى السوق بالسعر ده
العربية واسعة جدا و الشنطة كويسة جدا
الكماليات مش بتاعة الفئة دى خالص
العربية من شكلها كده أعطالها هتكون أقل من الميجان ii بكتير متنساش إن الميجان أعطالها كتير شوية.
لما هتبتدى تكتر فى الشارع هتبيع أكتر
لما التوكيل ينتظم فى تسليماته برضه هتبيع أكتر.
بالنسبة للمركبش الميجان ii العربية الفلوانس ملهاش حل لكن بالنسبة لملاك الميجان ii الإبهار و النقلة مش كبيرة بالعكس فيه حاجات كتير قلت.
طبعا ده رأى الشخصى...
كشف موقع" Auto Channel " عن ارتفاع مبيعات شركة رينو الفرنسية خلال الربع الأول من العام الحالى والتى بلغت 37% زيادة فى الأسواق الأوروبية، وكانت أغلبها فى سيارات الركوب والسيارة LCV وهذه النسبة تشمل 32.7% ارتفاعا فى الأسواق الفرنسية فقط.
وقد ارتفعت مبيعات شركة رينو فى أوروبا فى دول فرنسا التى ارتفعت المبيعات فيها بنسبة 29.1%، وإيطاليا بنسبة 7.5% و ألمانيا بنسبة 5.3%.
بينما ارتفعت مبيعات رينو فى أمريكا وآسيا ومثلت 40% من الزيادة، وكان أغلبها فى جنوب كوريا والتى وصلت إلى 75.9% و فى روسيا 25%.
وقد استطاع طراز لوجان أن يستحوذ على نسبة الأكثر مبيعا فى طرازات رينو التى مثلت 30% من المبيعات. أما عن الحصة التسويقية لرينو فقد ارتفعت فى 13 سوقا من إجمالى 15 سوقا على مستوى العالم.
يذكر أن الموديل الجديد من رينو ميجان والذى كان مرتفعا بنسبة 58.5% فى العام الماضى 2009 قد شهد إقبالا شديدا.
اليوم السابع | ارتفاع مبيعات رينو فى عدة دول
يا اخ شاتو انا مصمم جرافيك و انيميشن 3دى ..و دارس تصميم و ديكور فى الاصل دة غير سنوات طويلة من الخبرة فى مجال عملى ..اعتقد انا لما بقولك راى فهو رايى فنى من متخصص فى مجال فنى و مجال تصميم مش انطباع شخصى او مجرد زوق شخصى ...
انت بتتكلم عن مصممين من رينو مش مصممين تحت السلم ..و كلنا عرفين الفنون الفرنسية ومكانتها فى العالم "اعمل زيارة لباريس مدينة الفن والجمال" و انت حتفهم قصدى ..
مش ممكن بى حال من الاحوال يكون التصميم القدميم للميجان 2 يكون اجمل من التصميم الجديد ..
-لو تاخد بالك اولا التكيف الجديد ثنائى النطاق يعنى تقدر تضبط درجة التكيف فى جنب على حدة و دة مش متوفر من اصلة فى الموديل القديم
- لو تاخد بالك تانى ان فى بعد الازرار بها تجويفات بالفعل و هى مرصوصة بجانب بعضها عشان يكون سهل على المستعمل انة ينتقل من زر الى اخر فى نفس المستوى "اسهل فى الاستعمال " .
- فى كمان لمبات لد صغير فوق او تحت كل زر عشان نوضح اذا كان الزردة بيعمل او لا ..و دة مش متوفر فى التصميم القديم .
مش ممكن تحكم على استعمال تصميم من الصور او من خلال تجاربك السابقة عن موديل قديم ..فى تطوير حصل لكن انت مش حتقدرة او تستوعبة الا لم تستعمل التصميم الجديد و تكتشف امكانيتة بنفسك لفترة .
فى علم اسمة علم الايجرونومك "لو اول مرة تسمع عنة اعمل سيرش على كلمةErgonomics" او علم تصميم الاشياء ..و العلم دة بييستخدم فى تصميم كل منتاجات لها علاقة بالتعامل مع الانسان و بيستخدم بشراهة فى التصميم الداخلى للسيارت ..
العلم دة فى تطور مستمر ..مش ممكن مصمم رينو حيعمل تصميم مش مريح او مش مناسب للاستعمال ..و مش ممكن حينزلو موديل جديد بدون انة يكون فى تطوير على مستوى الاستعمال و مستوى الجمال ..
يعنى الفرق بين تصميم ميجان 2 و ميجان 3 عدة سنوات ..اكيد يعنى مصممين رينو مش حيفضلو طول المدة دى بيهزرو مثلا او مش عرفين بيعملو اية ..
عاوز اوضحلك بس ان عملية التصميم دى مش عملية عشاوئة كدة تخضع لمزاج المصمم او لميولة شخصية ..
دى عملية معقدة جدا و فيها مراحل كتير جدا .."محتاجين منتدى تانى لوحدة نتكلم فى تفاصيلها " ..
و عملية التصميم اساس بيدخل فيها العديد من المصميمين و مهندسى الاجرونوميكس و بيتم عمل مئات التجارب علية عشان توصلك فى النهاية فى شكل منتج جديد تقدر تستخدمة ..
دة كان مجرد مثال عشان اوضلك بس اية الللى بيحصل فى عالم التصميم ..انت ليك راى اخر و عندك ملاحظات الخاصة انت حر طبعا فى رايك ..انما لم الكلام يكون تصميم طالع من مركز تصميم رينو اللى ساهمت فى تطوير التصميم و الامان على مدى سنين فى عالم السيارات ..يبقى واجب التنوية ان الموضوع مش مجرد ازواق شخصية او انبطعات فردية
.دى بعض القطات اللى سمح طبعا بخروجها عشان تاخد فكرة اية الى بيحصل
http://i42.tinypic.com/zsseww.jpg
خلي بالك ان اتلميجان 2 باعت 5 الالاف عربية اول سنه ... و 4 الالاف تاني سنه ... شخصيا ... لا اعتقد في ضل وجود منافسة قوية في السوق.اقتباس:
لكن إحتمال تخسر رهان الفلوانس فقط
اكيد لان الميجان من افضل العربيات الهاتش باك علي مستوي العالم ... وليها مبيعاتها الجبارة في اوروبا ... كل ما فى الأمر إنها ليست مبهرة كسابقتها ...بس كده !اقتباس:
يذكر أن الموديل الجديد من رينو ميجان والذى كان مرتفعا بنسبة 58.5% فى العام الماضى 2009 قد شهد إقبالا شديدا.
أيمن مومو مقتبس من كلامى..يا نهار أبيض يا نهار أبيض...ده شرف كبير يا كبير
إنت جربت البرافو ؟؟....خصوص إللى 150حصان دى أم 175 ألف جنيه...العربية شكلها بنت ناس أوى ....
أنا متوقع حاجة تحفة رائعة من سيتروين بصراحة فى ال C4 ...
خصوصا بعد ال C3 و ال C5 ال 2 أروع من بعض
بس لازم الأول زى ما تفقنا...نعمل كلنا شركة و نخطف التوكيل من عز العرب و لو اتبقت فلوس نأخد منه فولفو كمان....
الأسترا الجديدة كويسة برضه لكن التعامل منصور بصراحة يخلى الواحد يفكر 5000 مرة....
لو لزم الأمر يعنى...تفتكر ممكن لو عملت special order لميجان هاتشباك فرنساوى من خلال التوكيل بالكماليات إللى إنت عايزها من Bose SoundSystem للموتور ال TCe 130 لل TomTom GPS لل BiXenon HeadLights هتبعد كتير عن المعقول ؟
يا شاتو باشا بلاش سرقة الأفكار دى....أنا فعلا سألت على عملية الspecial order فى التوكيل و قلتلهم اللى عايزينه....يعنى حطوا مكسبكم زى ما أنتوا عايزين بس يكون فى المعقول يعنى....قالولى موضوع الspecial order ده مش موجود خالص فى سياستنا للأسف....و حياتك لو عرفت عنه حاجة خبرنى....
والله الشرف ليا يا عم هاني ....اقتباس:
أيمن مومو مقتبس من كلامى..يا نهار أبيض يا نهار أبيض...ده شرف كبير يا كبير
والله دا اللي بفكر فيه .... علي فكرة ممكن بس بشويه علاقات في رينو.اقتباس:
لو لزم الأمر يعنى...تفتكر ممكن لو عملت special order لميجان هاتشباك فرنساوى من خلال التوكيل بالكماليات إللى إنت عايزها من bose soundsystem للموتور ال tce 130 لل tomtom gps لل bixenon headlights هتبعد كتير عن المعقول ؟
هي دي الكارثة ... ان التصميم الجديد من جوه ... مش جديد .. دا بتاع اللاجونا 2006 ... وانا شايف ان دا عيب طلع من رينو ... ان فرس رهان مبيعاتها تحط فية تصميم طلع قبل كدة بغض النظر اذا كان حلو ولا وحش...اقتباس:
مش ممكن بى حال من الاحوال يكون التصميم القدميم للميجان 2 يكون اجمل من التصميم الجديد ..
يا باشا كل كلامك صح 100 %
و أنا كمان مصمم أزياء و دارس فى فرع لمدرسة أزياء فرنسية فى مصر لمدة 3 سنوات بعد تخرجى من كلية حاسبات و نظم معلومات جامعة عين شمس...و لو كانت التركيبة التعليمية بتاعتى غريبة و لك كل الحق فى الاستغراب طبعا بس هى دى الحقيقة و ممكن تسأل "أحمد كمال" لإننا دفعة واحدة فى و Computer science و دى صفحة بتاعتى على facebook
http://www.facebook.com/profile.php?id=735295975&v=info#!/profile.php?id=735295975&v=wall
أكيد مهندسين و مصممين رينو مش تحت السلم
لكن المجهود المبذول للارتقاء من الميجان 2 إلى الميجان 3 لا يتساوى مع المجهود المبذول للانتقال من ميجان إلى ميجان 2 ...و ده إللى أيمن momo10000 بيحاول معايا يوصله لك
و ده إللى أى حد لا علاقة له بالتصميم بيحس بيه لو هو عارف الميجان II كويس
ثم إن التكييف ال dual zone لا يمت للتصميم بصلة...ده ختراع تقنى بحت..كان ممكن يصاغ فنيا على نفس المستوى الراقى إللى تم صياغة ال mirror knob و ال Hand rake فى الميجان 2 به.....ما هى كانت برضه مصممة فى نفس الشركة و كانت مليانة اختراعات ( فى وقتها ) أكتر بكتير جدا من العربيات التتانية و مع ذلك طلعت فى صوة متجانسة من التجهيزات و الجماليات...يا راجل كفاية الكارت..كان ممكن يطلع حاجة زى الصباع بتاع الأسترا و هو بيؤدى نفس الغرض و يمكن كمان Siemens برضه هى إللى عاملاه..لكن هنا يظهر دور المصم فى صياغة القالب إللى تتحط فيه ال Technology و هى بتتقدم للمستهلك...
ممكن أديلك keyless Entry فى شكل البتاعة المكببة إللى فى الأسترا...و ممكن أديهولك فى شكل كارت رفيع و أنيق و له حافظة التوكيل بيقلبها تقريبا...
هى دى روعة الميجان II الحقيقية..إنا مش حاجة جميلة و بس و لا متقدمة و بس
أنا فاكر كويس جدا أول ما ركبتها...من كتر البساطة بتاعة التابلوه....كنت بسأل و أدور على أماكن التجهيزات و الكماليات...لإن فى باقى العربيات بتلاقى الزراير المرصصة جنب بعض كإنى داخل فى Server Room من بتاعة أفلام الخيال العلمى و ده الواقع فى عربيات VW و الميجان 3 إلى حد ما....لا فى تنسيق و لا جمال و لا بتاع...آآآه خامات محترمة و تقفيل و خد Ergonomics من هنا للصبح لكن مافيش و لا واحدة فيهم ال Driving position بتاعها زى الميجان 2 و لا قعدتها تناسب واحد فى حجمى زى الميجان2 ....و لا حجمها Perfect Average زى الميجان 2 ( ال 307 أصغر و ال C4 أكبر )
إللى حس بيه أيمن و إللى أنا حاسيته و إللى كلنا حسينا بيه أول مرة حطينا رجلنا فى العربية شىء و أى عربية بما فيهم الميجان 3 شىء تانى خالص..و ما يحصلش غير من خلال مجهود لا مثيل له من قبل الصانع و المصم و ما حصلناش نفس الشعور مع عربيات تانية
دعنا لا ننكر إن حاجة زى الأزمة الاقتصادية أثرت على العربية و هى فى قيد التطوير..يعنى مش معقول مثلا هيتكلفوا مبالغ خرافية فى حاجة صغيرة و الواقع فيه إن الحكومة الفرنسية بتدى 1000 يورو لليشترى عربية جديدة...
حضرتك أكيد ما تابعتش المواضيع إللى أنا حطيت وصلات ليها و قرأت سر حب المالكين لها
جرب تستقطع من وقتك و تقرأ المواضيع دى....ممكن ساعتها تتفهم سر تفوق الميجان II
هى دى الدماغ......:verygood:
و بعدين الناس كلها حبايبنا...لو ما عملوش كده لوحش مننا هيعملوها لمين يعنى ؟؟؟
دى صور للأمورة ب 3 ألوان فى قعدة صفاء على موقع رينو فى انجلترا
عملت معايا يومها 22300 استرلينى :stink[1]: بنفس المنظر ده و طبعا الكماليات المحترمة كلها
طبعا ما اقدرتش آخد العربية و أنا راجع أرض الواقع و كل إللى قدرت أعمله Print Screen و Save للصور :ma(30):
http://img80.imageshack.us/img80/888/meganeiii.jpg
http://img594.imageshack.us/img594/7910/meganeiii3.jpg
http://img169.imageshack.us/img169/9169/meganeiii2.jpg
ابقى خدنى معاك ..بس نصيحة استنى لما نشوف ال c4 ....جايز تخلينا ناخد من عز العرب التوكيل فعلا :3mla:
بص ...الكلام برضه مرسل و أكيد مش هيوافقوا غير لما يلاقوا قدر من الجدية..إنما تروح لهم نافش عضلات و إللى إنتم عايزينه طبعا هيفضلوا إنك تأخد من بضاعتنهم الحاضرة
بس يعنى لو لزم الأمر ممكن نقول لهم خلاص..نجيبها احنا و ندفع النسبة إللى قررها مش عارف المحكمة و لا مجلس الوزراء و هتدخل فى الضمان و هنبعت لفرنسا و هتعملوا إللى احنا عايزينه فى الآخر و هندفع الثمن و هتبقى فى الضمان تبعكم غصبا عنكم..بس هى المسألة.هل إنت مستعد تبقى الوحيد فى مصر إللى معاه العربية دى ؟؟؟
يعنى تصور مثلا لو فى حاجة فى الموتور ال TCe إللى هما ما جابوش منه عربيات و غالبا مافيش حد واخد فيه training هتعمل إيه ؟؟....هتروح لورشة بتاعت تيربو و لا تسيبهم يجربوا معاها و لا إيه ؟
بلاش...العدادات حصل فيها حاجة و قالك عيب استخدام...تبعت تجيب من فرنسا بشىء و شويات و لا تمشى من غير عدادات...ا إنت مش هتلاقى منها فى الحرفيين أكيد يعنى
الموضوع له أبعاد أوسع من مجرد أجيب العربية إللى نفسى فيها.....بالذوق و لا العافية
يا عم أنا لما سألت مكنتش طماع أوى زيك....يعنى كان كل منايا الArkamys 3d sound system و الgps ال tomtom و الفرش الجلد البيج و جنوط 17و يعنى لو الbixenon ميخسرش لكن مكنتش عايز موتور تربو و لا dual clutch و لا أى حاجة....زى ما هيه كده عجبانى....لو تلاحظ كل اللى أنا عايزه شويه كماليات أصلية زيادة....وحش الكلام ده؟؟ و لا محتاج training و لا حاجة و قلتلهم شوفوا بالزيادات دى العربية هتعمل كام....
تمام يا شاتو باشا ....دة احنا طلعنا زومل بقى بس فى مجلات مختلفة ...
انا مصدقك طبعا ... و عجبنى التحول من نظم المعلومات لتصميم الازياء ..
بالنسبة للميجان ..انا معاك ان الميجان 2 كانت متطورة فى وقتها جدا و عملت نقلة تصميمية لرينو ..و دة باعتراف المنافسين نفسهم ..لكن للاسف التصميم الثورى دة لم يحظى برضى كتير من النقاد للتصميم ..و كان فى انتقاد كبير للتصميم و خصوصا فى تصميم المؤخرة " معهم حق بنسبة مش قليلة "
و دة اللى خلى رينو تتخلى شوية عن الثورية دى ..و تقدم تصميم عملى شوية و اكاديمى شوية ..و دة مش عيب فى حد ذاتة لو رينو عوزة تحقق انتشار اعلى شوية و تصميمات مقبولة اكتر .
يعنى عايز بعد ما تجيب العربية من فرنسا بطولها..تأخدها بالموتور ال 1.6 أبو 110 حصان بس...
يا راجل..اصبر شوية..ممكن تلاقى واحد صاحبك فى أى دولة فى الخليج نازل ...تقوم تقول له يجب لك واحدة معاه من هناك و غالبا هتلاقى العربية بتنزل بالحاجات دى...بس بادىء الكلام..كارتيرة الزيت بتكون التصفيح السفلى بتاعها فيبر جلاس مش معدن زى إللى عندنا....
التصميم المثير للجدل ده كان أحد مناطق تفوقها...هى اتنقلت لقدام بقفزة مش خطوة
فعلا لم يحظ بالقبول الجماهيرى...لكن من أمتى ناس زى رينو و سيتروين و ألفا روميو بيحظوا بقبول جماهيرى ؟؟!!!!...دى عربيات تقتنيها بدافع الشغف,,يعنى بتشتريها بقلبك مش عقلك أوى
هما استثمروا السمة إللى كونتها الميجان II و الآن بيعمل cash -in أو جنى لأرباح الاستثمار و التعب....
عارف مين بقى إللى كانت أكتر حدة فى ثورية التصميم...ال Avantime و دى السوق الأوروبى ما استوعبهاش و اتوقف انتاجها بعد كام سنة بس.....و كمان خليفتها ال Vel Satis اتوقفت من سنة تقريبا.....
وداعا لعصر الجمال :stink[1]:....بس عندى أمل فى سيتروين دلوقتى......شغالين شغل ممتاز و كمان ماسكين العصاية من النص.....حاجة و لا 2 بس كده إللى فيهم لمسة فنية جديدة على خفيف و الباقى دراسة جدية للوفاء بمتطلبات الزبون و سد ثغرات الماضى
ما هى دى فكرتى أنا عايز ضمانهم و صيانتهم و المواصفات المصرية من حيث التصفيح و خلافه... مش فارق معايا إنها تكون فرنساوى ولا الموتور يكون أزيد من كده.....
أنا عايز نفس العربية بكماليات أصلية تقفيل مصنعها أختارها على مزاجى و أدفع تمنها....غلطت فى حاجة أنا كده؟؟؟
يعنى أبسط مثال مش بينزلوا غير فرش جلد أسود و أنا عايزه بيج و فرش الباب من جوه برده بيج...بيعجبنى جدا و بيدى وسع للعربية.
تعقيبا على كلامك.....دى كانت أخر حاجة صممها العبقرى باتريك لو كومونت كبير مصممى رينو قبل أن يستقيل...عرفتو ليه فيه فرق....
Patrick G. M. Le Quément (born 4 February 1945 in Marseille) is a retired French car designer, formerly chief designer of Renault.
Born in France but brought up in the United Kingdom, Le Quément holds a BA Hons. degree in Product Design from Birmingham Institute of Art and Design, and an MBA from Danbury Park Management Centre.
Le Quément joined Simca of France in 1966 after graduation, but left and set up his own design business which failed.[1] He returned to England and Ford in 1968 as a designer, where his signature products included the Ford Cargo truck, and from Düsseldorf 1982's seminal Ford Sierra, ridiculed at the time for its jelly-mold shape. Promised promotion, he went to Detroit but returned to Europe in June 1985 when Carl Hahn, Chairman of the Volkswagen-Audi Group, invited him to set up a centre for Advance Design and Strategy.[2]
In light of poor and declining sales, Renault then-chairman and CEO Raymond Levy recruited le Quement on a hunch that French design could jump-start the company. But before he took the job as Vice President, corporate design in 1987, le Quément demanded structural changes in the role of design at Renault, telling Levy: his department would no longer answer to engineering; outside consultants were removed; the design team was doubled to more than 350 people; the department took a seat on the executive board; and personally, le Quément answers to no one but the chairman.[3]
His team's products since have included Twingo, Mégane and Mégane II - which he later admitted in an interview with Automotive News Europe magazine, was too much of a bold design; Scénic; the Espace models of 1994 and 1998; Kangoo; Laguna models of 1994; Avantime and the Vel Satis of 2002.
Le Quément's motto is Design = Quality, and says his structural changes of Renault design were to develop an independent and innovative formal language: "Up to just a few years ago, I would have given you the name of individual products - but today I would be more inclined to say Renault Design. So basically we have abandoned what I call 'styling esperanto', namely the formal language used by most other manufacturers".[4]
In 1987 Le Quément was appointed Senior Vice President of Quality and Corporate Design in 1995, when he also joined the Renault Management Committee. He is the head of Joint Design Policy Group formed by Renault-Nissan design body, since it was founded in 1999.
In 2002 he was the winner of the Lucky Strike Designer Award,[5] and he sits on the board of the Europa Academy for Automotive Excellence.[6]
On April 10, 2009, he announced his retirement in October 2009. He was replaced at Renault by Laurens van den Acker, former head of Design at Mazda.
Patrick le Quément, 64, has steered Renault through one of its most interesting – some would say controversial – design phases in its history. Born in Marseilles but educated from the age of 12 in the UK, he speaks almost accentless English and agrees to talk to CAR on the eve of his retirement.
Le Quément is one of those designers who’s achieved stellar recognition over the past two decades – matching the reputation of Chris Bangle and J Mays as a member of the design A-list, that exclusive club who’ve helped shape the modern motor car as we know it today. We might not like all their cars, but they've certainly been influential
Au revoir, Patrick...:Zb_sor1[1]:
http://cdx.dexigner.com/article/1081...Le_Quement.jpg
ما تقلقوش..لسه عايش..بس اعتزل الملاعب....ده الراجل إللى ورا الAvantime حاملة مشاعل التغيير فى رينو فى الألفية الثالثة
http://www.autointell.de/News-deutsc...kLeQuement.jpg
شكر خاص ل meggieboy
اعتقد رينو فى نهاية الامر صانع سيارت و السيارة فى الاساس سلعة استهلاكية لخدمة عدد كبير من الناس ..
ممكن جدا يكون فى موديل او اثنين تحقق فيهم الشركة طموحتها التصميمية اللى تعبر فعلا عن فكرها المستقبلى التقدمى ...انما فى المقابل لا يجب تغيب راى الجماهير تمام او التعامل معاة من منطق استعلائى ..
الجماهير هى المستهلك النهائى للمنتج ..و يجب تطوير طلبتها دون عمل قفزات غير محسوبة العواقب او قفزات خيالية ..و هو دة بالضبط اللى تجنبتة رينو فى مودلاتها الجديدة و اللى انا احترمة جدا و اقدرة كمان .
يعنى عندك كتير من الصانعين بيقدمو مودلات تجريبية ثورية جدا ..لكن كام منها بيوصل للانتاج النهائى فعلا ...النسبة لا تتدعى 10 الى 15 % بالكتير ..و كام منها بيوصل للانتاج التجارى لكن بعد تعديلات كثيرة تفقد الكثير من مقومات تفوقها و ثوريتها ..و دة لة اسباب كثيرة تحتاج مواضيع متعددة ...
تحليل لكثر من رائع اسمحلى احيى حضرتك عليه و اضيف عليه تعليق انا شخصيا مريت به المستهلك لهذه الفئه من السيارات القاعده العريضه منه بتفضل كلاسكيه التصميم مع اعتبار ان تغيير الموديلات عموما بيصاحبه تحول تدرييجى لتصميمات اكثر عصريه لكن معدل التغير مش ثورى
اما عن تصميمات الرينو فى الفتره الماضيه كانت ثوريه جدا انا واحد من الناس معجب جدا بالميجان من اول يوم نزلت فيه لكن مافكرتش اشتريها ثوريه التصميم بتعجب معظم الناس لكن مش كل الناس تحب تقتنى التصميمات الثوريه تعجب علشان كده ميجان نجحت كسياره و لكن لم تلقى النجاح المفروض فى السوق اما الفلونس سياره لا تقاوم عوده من رينو لمغازله القطاع الاكبر من المستهلكين حابيين اقتناء سياره تصميمها اخاذ و رائع و لكن ليس بتصمصم ثورى
اعتقد كده احنا وصلنا كلنا لنقطه تلاقي .....
هو طبعا اختلاف الاراء ده يمكن هو السبب الرئيسى للابداع و ده برضه السبب اللى بيخلى الشركات تطور الانتاج بتعاها و ده اللى حصل مع الميجان و اكيد ناس كتير هتتكلم عن "التصميم الثورى" انا واحد من الناس كنت شايف انه دى مش نقطه مشجعه اوى..انا عملى شويه و اللى كان مهم انه العيوب اللى كانت موجوده قبل كده انتهت..الميزه فى ميجانIII انها عربيه ذكيه بتفهمك و تتعود عليك و بعدين بيطلع الاداء زى ما انت عايز بظبط ..يمكن فعلا العيب الوحيد انها نزلت من غير TCe بس اكيد هي حاجه و الفلوانس حاجه تانيه فى فرق وزن 500kgs على نفس الموتور فطبعا التجربه مختلفه
500 كجم فرق ..!!!...معقول..!!!
وزن الميجان 3 ...1292 كيلو جرام......
معنى كده إن الفلوانس معدية ال 2 طن إلا ربع ....!!!
حضرتك متأكد ؟؟؟...
أعتقد تقصد 50 كجم و فيه صفر غير مقصود إتكتب سهوا
دى اللاجونا وزنها 1470 كجم
بالنسبة للاحساس بالفرق بين السيدان و الهاتشباك فبيكون طفيف جدا و بيظهر فى التحرك من الثبات فقط...الكلام ده فى الميجان 2 طبعا
و الله انا شايف بالنسبة لبيع ميجان 3
اعتقد انها هتتفوق على ميجان 2 .... ليه ؟؟
حد منا شاف اعلانات تلفزيون و outdoor لميجان 2
الوكيل اكتفى فقط باعلانات الجرائد .. انا فاكر عام 2005 لما شوفت الميجان لاول مرة مفهمتش هيه دى ليه مش منتشره و ملهاش دعاية كويسة
علاوة على ان ثقافة الناس اتغيرت .... و مواقف خوف الناس من الميجان 2 كتير و تموت من الضحك
لكن دلوقت الحج سيد الميكانيكى بقي يقولك ( هيه العربية دى بلوتوث ولا مفتاح عادى )
ده بسبب ان معظم عربيات الفئة المتوسطة بقت فيها تكنلوجيا ذى الميجان ( كيا و حتى هيونداى و غيرهم )
يبقى ثقافة الناس + الإعلانات + شكل العربية الى تقريبا أعتيادى بالنسبة لعربيات كتير فى فئتها
هيرفع نسبة المبيعات .
اما بالنسبة للتصميم ( و أسف للإطالة )
التصميم العام لميجان 3 حلو و جامد جدا .... لكن فى 2004 لما نزلت ميجان 2 كانت Unique متفردة فى شكلها و تصميمها و إمكانيتها
و أعتقد ان ده تقصير من رينو فى التصميم انهم لم يحافظوا على ريادتهم فى تصميم السيارات ( فى الفئة دى طبعا )
و أخيرا أحساسى اول لما شوفت الفلونس .
خطفة سريعه لكن اول لما اعدت جوة العربية و ابتاديت ادور على الإمكانيات الخطفة راحت
فين أمكان التخزين الكتير ؟
هو الكارت الى بتتميز بيه رينو بقى أوبشن ؟
فين فتحة السقف البنوراما الى لغاية دلوقت مشفتهاش فى عربية تانية ؟
لما كنا بنتخانق على ان الميجان امان و لا لأ مكنش حد يقدر يقول نص كلمة عليها بكل فئتها
لكن دلوقت امان الإلنترا مثلا ذى الفلونس الفئة الأولى تقريبا ( مبقاش حد أحسن من حد )
فى النهاية ربنا يباركلنا فى عربياتنا و انا مازلت لن اجد احسن من الميجان بتعتى .:36_3_10[1]: