الموضوع: تم تغيير قنطرة المحرك - جزيل الشكر لدايهاتسو مصر

المشاركة الأصلية كتبت بواسطة medo_sirion

من رائى ان دية مجاملة
لية مكانت عندى نفس المشكلة ومهندس الاستقبال اعترف ان كان مركب الميزان غلط وعوج القنطرة
قالولى حادثة وانت اللى هتتحملها

اوفففف
يعني زي ماحنا
طيب المفروض اصاحب كل موظفين الشركه علشان ماتكلفش فلوس كتير لما تحتاج حاجه ولا يكون عندهم نظام محترم لراحة العملا

مبروك عليك يا معاذ
ربنا يسترها معانا جميعاً

المشاركة الأصلية كتبت بواسطة rockana

1000 مبروك يا دكتور
بس انا عندي سؤال يا دكتورنا
هل موضوع التكلفه على دايهاتسو دا علشان دي حاجه جوا الضمان و مشكله فى العربيه (مش سوء استخدام يعني) ولا دي مجامله من الوكيل لمعاذ ؟؟

باشمهندس محمود

قبل بس اما حضرتك او ميدو تقولوا مجاملة نشوف تسلسل الاحداث كده و بعد كده عاةو تغتبرها مجاملة اوك ... عاوز تعتبرها غير كده برضه اوك ... لك مطلق الحرية

1- فى شهر ديسمبر 2008 حصلت الحادثة بتاعة الكلب ... ده تفاصيل الموضوع:
http://www.nilemotors.net/Nile/65615-a.html

2- ساعتها بالاضافة للتأخير بتاع خراطيم تبريد الفتيس و بعد اما وصلت مهندس ماجد اكتشف ان القنطرة كمان محتاجة تغيير ... لكن للاسف كانت غير موجودة, ده غير انها لم تكن مذكورة فى المقايسة بتاعة التأمين ... يعنى نستنى 3-4 اسابيع تانى غير التأخير السابق

3- هو قالى ان هيستعدلوها و هتبقى زى الفل

4- لما انا كنت يشتكى, و قالوا ليا على موضوع السدر ... ذكرت لهم موضوع القنطرة ... و انا فى ذهنى ساعتها ان لم يتم تشخيص حاجة السدر للتغيير + عدم تغيير القنطرة ... طيب انا دفعت فعلا فلوس العمالة و الفك و التركيب و الفريون ده قبل كده .... ادفعه تانى ليه؟

5- عملت الشكوى لانسة مى, و مهندس ماجد كان متذكر فعلا كل الاحداث... و لما كشفوا على العربية, و شافوا انها محتاجة تغيير للقنطرة... عرضوا انها تتغير على حسابهم

انا صراحة كنت هتكلم انى مدفعش فلوس العمالة تانى و الفريون و خلافه ... لكن هما كان تعاملهم "اشيك" انهم قرروا يتحملوا كمان القنطرة

هل الصورة كده بقت اوضح؟

المشاركة الأصلية كتبت بواسطة bmya

مبروك يا معاذ باشا على التغييير ةان شاء الله تبقى اخر حاجه تتغير

شكرا يا شريف

المشاركة الأصلية كتبت بواسطة slim_shika

حاجة جميلة جدا بجد وتوكيل محترم فعلا.

الحمد لله يا دكتور, العربية بقت تمام كده ولا إيه؟؟

ان شاء الله هكتب عن رأى فيها بعد اسبوع او 2 بالكتير

المشاركة الأصلية كتبت بواسطة medo_sirion

اولا الف مبروك يامعاذ
ثانيا والاهم
ازاى القنطرة تقصر على زوايا العربية دة مستحيل معلش انا بتكلم بكل ثقة علشان فاهم ودخلت فى الموضوع دة قبل كدة
اللى بيظبط الزوايا الاسكترا واللى ماسك العجل الميزان اللى تحت القنطرة
فهل دة اللى بتقصدة ولا القنطرة بس

اللى حاصل يا ميدو كالاتى:

القنطرة بايظة, "بتعصر" على شداد الميزان, فكان بيأثر على الثبات

فعلشان كده تم تغيير القنطرة

المشاركة الأصلية كتبت بواسطة mo7a_mo7a

ربنا يديك خيرها وتامن شرها
والف مبروك

الف شكر

المشاركة الأصلية كتبت بواسطة ows212

مبرووك يا معاذ وشكرا للتوكيل

الله يبارك فى حضرتك

المشاركة الأصلية كتبت بواسطة gmakram

مع انى مش فاهم اى حاجه من اللى قلتها يا معاذ بس الف مبروك وتحيه واجبه لتوكيلنا المحترم توكيل دايهاتسو

شكرا يا جورج باشا

المشاركة الأصلية كتبت بواسطة mohamed_rhem

مبروك يا دكتور

الله يبارك فيك

المشاركة الأصلية كتبت بواسطة أبو حمزة

مبروك عليك يا معاذ
ربنا يسترها معانا جميعاً

الله يبارك فيك يا على باشا

أمين يا رب

دكتور معاذ انا متابع موضوع حضرتك من زمان والحمدلله ان المشكلة اتحلت

وربنا يباركلك فيها

المشاركة الأصلية كتبت بواسطة معاذ الشرباصى

باشمهندس محمود

قبل بس اما حضرتك او ميدو تقولوا مجاملة نشوف تسلسل الاحداث كده و بعد كده عاةو تغتبرها مجاملة اوك ... عاوز تعتبرها غير كده برضه اوك ... لك مطلق الحرية
...

هل الصورة كده بقت اوضح؟

يا دكتورنا
من غير افش مني بس
كلامي مش موجه لمعاذ كاشخص
انا بتكلم عن مبدا
من امتى وكيل بيحاول يتعامل بشياكه مع شخص بدون سابق معرفه او علاقه سابقه
الطبيعي انه بيتعامل مع صاحب السياره على انه عدو فى حرب و املاكه و امواله حلال للوكيل
و الدليل على كدا مادو و اللى حصل معاه

تقبل كلامي بدون زعل لاني اكيد لا اقصد شيء خاص بيك