شركة المصرية بتحرق اسعار ميتسوبيشى ؟؟؟؟؟؟؟؟؟؟؟؟؟

**M.almaghraby** · 01-05-2010 10:42 PM

بغض النظر عن الموضوع

الراجل دا باع البومة باكتر من تمنها بكتير

غالية اوي اويييييييي

**Ralliart** · 01-05-2010 11:32 PM

المشاركة الأصلية كتبت بواسطة ahmed samy

واضح من نبرة حديث الرواس الصحفي انه عايش في دور انه هو ميتسوبيشي في مصر

مجرد تفكيره في مقاضاة الشركة و طلب "نصف" رأس مالها فهو يدل أيضا على الصورة التي يرى فيها نفسه (شريك رأس برأس) و ده ممكن يفسر انه فعلا كان بيكسب زي الشركة أو أكتر ..خصوصا ان الشارك عربية مش غالية ...دي بره بثمن الكوري و أرخص من المازدا و التويوتا و الهوندا طبعا ....اللي طلهم مش فارقين الا في 800-3000 دولار فقط

الراجل كان بيعمل سبوبة جامدة زي بتوع هوندا و تويوتا برضه

بس هو ما باعش ....يبقى الشركة تفوقه و تفهمه انه يادوب "وكيل" يروح بجرة قلم

+11111111111
كلام من الآخر
الراجل ده فاكر انهم لما هيسحبو منه التوكيل في مصر هيروح يشاركهم في طوكيو !!!

**shiko85** · 02-05-2010 06:03 AM

المشاركة الأصلية كتبت بواسطة dr.almaghraby

بغض النظر عن الموضوع

الراجل دا باع البومة باكتر من تمنها بكتير

غالية اوي اويييييييي

اه, باعها كانها جايه من اليابان و نسى ان عنده عربيه تانيه موديل حديث يابانى او ممكن يكون كان فاكر ان علشان احنا فمصر بنقول بومه و شارك يبقوا موديلين مختلفين و نسى انهما لانسر

**som3aa** · 02-05-2010 07:16 AM

يا جماعة انا مش فاهم الاستغراب دا ليه؟
من امتى توكيل فى مصر بيكسب 10% من تمن العربية بس؟
اقل توكيل بيكسب بتاع 20% و دا كدا ممكت تقول عليه توكيل كويس!!! و كدا بيبقى كارم الزبون اخر كرم , لأ و قطع الغيار اكتر بكتييييير جدااااا.

اما سبب ان المصرية عملة عرض كدا بسبب ان الرواس عنده 1993 عربية لانسر متباعتش و التوكيل هيروح منه بعد شهرين فلازم يخلص من الكمية دى قبل التوكيل مايروح منه لسببين .
اولا لو التوكيل الجديد اشترى منه الكمية دى هيشتريها بتمنها الالى اللى هو واخد بيه من اليابان معنى كدا ان الرواس ركن بتاع 200 مليون فترة كبيرة من الوقت و متسفدش بيهم حاجة فى الاخر (يعنى واقفة عليه بخسارة) اما لو هو كسبان 20% و باع العربيات ارخص 10-15% يبقى هو كسبان برده و هيلم فلوسه تانى و يخلص من الهم دا.
بعدين انا مش فاهم انتوا فاكرين الرواس بس اللى بيكسب كدا؟ دى كل التوكيلات بتكسب كدا و تويوتا بيكسب اكتر كمان!!!

**ahmad alshaaer** · 02-05-2010 08:34 AM

حسبي الله ونعم الوكيل

**geeg_2006** · 02-05-2010 09:53 AM

حسبي الله ونعم الوكيل
ربنا يكون في عونا من جشع التجار

**مصراوي جدا** · 02-05-2010 04:14 PM

المشاركة الأصلية كتبت بواسطة basom

السلام عليكم

امبارح كنت بقرا مجلة الوسيط لقيت شركة المصرية عاملة تخفيضات حوالى 10%او اكتر على موديلات البوما و الشارك
مثلا متسوبيشى بوما 1600 سبورت من 130000 الى 116000
متسوبيشى شارك1600سبورت من134000 الى 119000
فهل دة حرق من الرواس نفسة علشان يقلب الترابيزة على الى بعدة ولا دة مالوش اساس من الصحة ارجو التوضيح من باشمهندس طارق وطبعا الخبر دة لو صحيح يبقى هياثر طبعا على سعر العربية المستعملة جامد
جداااااا ربنا يستر علينا وتستمر المفاجات؟؟؟؟؟؟؟؟؟؟؟؟؟؟؟

والله يا باسم اتصلت بالمعرض عندنا اسألهم على الكلام ده قالوا مفيش تعديل في الأسعار بالشكل ده

وعموما الموضوع ده مش جديد على المصرية للسيارات

مفيش تليفونات في اعلانهم في الاهرام او الأخبار علشان لازم تروح هناك

واستحالة تشتري منهم كاش