ايه اخبار الساجا الاوتوماتيك معاكم يارجالة

**spidars** · 01-05-2010 09:24 PM

ايه اخبار الساجا الاوتوماتيك معاكم يارجالةوايه اخبار استهلاك البنزين اتظبط ولا ايه وعملتم كام كيلوا والعربية عاجباكم ولا لا وهل ظهرت لديكم عيوب بها وايه اخر اخبار التوكيل معاكم انا معلش تألت عليكم

**yasoxp** · 01-05-2010 11:52 PM

فين الرجاله
انا حاجز الساجا الاتوماتيك فى الاسكندرية وان شاء الله هيكون الاستلام على اخر شهر مايو
ونفس استفسارات الاخ spidars مخليانى مقلق شويه من العربيه وخصوصا انى سمعت كلام غريب عن استهلاك البنزين الغير مبرر فى العربيه

**mo7hamedemad** · 02-05-2010 01:05 AM

الحقيقة انا معايا المانويل والعربية زى الفل اصبر شوية وهيردوا عليك اصحاب الاوتو بس همة يصحوا

**afr80** · 02-05-2010 10:53 AM

السلام عليكم و رحمة الله، أنا معايا الأوتوماتيك، و انا مبسوط منها اوي، عربية جمدة و مريحة و أدأها ممتاز، سحبها بيقل شوية مع التكيف بس ده عادي، و بالنسبة لاستهلاك البنزين هو كويس 7.4L/100k فى سرعة تتراوح مابين ال90 و ال100 على طريق برج العرب، 8L/100K فى سرعة تتراوح ما بين 100 و ال110 على الطريق الدولي الساحلي، أنا عامل 1500K بس. , مبروك على الأخ yasoxp و ربنا يباركلك فيها و متقلقش.
أتمنى اكون افتدك

**yasoxp** · 02-05-2010 11:35 AM

الف شكر على الرد انتا كده طمنتنى للعربيه انا كنت خايف من استهلاك البنزين لانى سمعت عنه كلام كتير مش كويس وربنا يسهل واعرف استلم الدفعه اللى جايه ان شاء الله وانضم الى العائله

**afr80** · 02-05-2010 02:28 PM

المشاركة الأصلية كتبت بواسطة yasoxp

الف شكر على الرد انتا كده طمنتنى للعربيه انا كنت خايف من استهلاك البنزين لانى سمعت عنه كلام كتير مش كويس وربنا يسهل واعرف استلم الدفعه اللى جايه ان شاء الله وانضم الى العائله

تنور العائلة و لو عندك اي استفسار انا موجودد

**ahmedfathi** · 02-05-2010 06:05 PM

المشاركة الأصلية كتبت بواسطة spidars

ايه اخبار الساجا الاوتوماتيك معاكم يارجالة

وايه اخبار استهلاك البنزين اتظبط ولا ايه وعملتم كام كيلوا والعربية عاجباكم ولا لا وهل ظهرت لديكم عيوب بها وايه اخر اخبار التوكيل معاكم

انا معلش تألت عليكم

احب اقولك استلم وانت مطمن العربيه زى الفل وطبعا زى ما قال الاخ العزيز afr80 عن استهلاك البنزين فعلا هو ده المتوسط بتاعها طبعا بيزيد شويه فى الطرق المزدحمه وطبعا لما بتكون مشغل التكييف وموضوع البنزين ده بيتضبط اكتر كمان بعد ال 5000 ( لو انا غلطان ياريت حد يصلحلى)

انا عامل بيها تقريبا 1600 كيلو والحمد لله روحت صيانه الالف ومكنتش بشتكى من حاجه الحمد لله وعملت الصيانه العاديه اللى هيا تربيط عفشه وعمل تيست على الميكانيكا والكهرباء
والتوكيل الحمد لله مشوفتش منه اى مشاكل

**eymofouad** · 03-05-2010 01:10 AM

السلام عليكم:
انا اخوكم أيمن فؤاد من السويس استلمت عربية ساجا اوتوماتيك من شهر وعامله 2500 كيلو بصراحه بحمد الله على سيارتى هى كويسه جدا وسعيد بيها اوى سافرت بيها شرم الشيخ من اسبوعين بصراحه ممتازة جدا على الطريق كنت ماشى بيها 160 ك/س ثابته وقوية مناوراتها ممتازة تكيفها بيقلل من قوة سحب العربية بس هى بسم الله ماشاء الله عليها عملت صيانه ال 1000 واتظبطت اكتر بس حصلتلى كارثة قبل ما اروح الصيانه وهى انى كنت راكن العربية تحت البيت وطلعت نمت نزلت الصبح رايح شغلى ليت زجاج البربريز الخلفى كله سرطان طبعا معرفش ايه السبب في ده حمدت ربنا وشلت الزجاج ورحت ركبته فى التوكيل طبعا فى أبو رواش ودفعونى مع عمل الصيانه ال 1000 مبلغ 1300 جنية الحمد لله وربنا يحفظهالى من العين