هل ضبط الاسبيراتير بياثر في سحب العربية ولا لا ؟

**thegoodhacker** · 02-05-2010 12:50 AM

النهاردة عليت الموتور شوية عند الميكانيكي لان لمبة الدينامو كانت بتنور كتير في بداية تشغيل السيارة .... والميكانيكي قعد يضبط الموتور من الاسبيراتير و من مسمار هواء الموتور .....
بعد ما مشيت رحت مشوار كده بس حسيت ان العربية ما بقتش بتسحب زي الاول يعني العربية كانت بتجيب سرعة 60 علي السرعة الثالثة بسهولة دلوقتي حاسس اني بقيت ادوس بنزين جامد عن الاول علشان اجيب نفس السرعة ....
وكمان الغريب اني لاحظت ان شفاط الهوا ما بقاش سلس في حركته لما ااجي اشده ....
فياريت قبل ما اروح للميكانيكي مرة تانية تجاوبوني عن السؤالين دول :هل ضبط الاسبيراتير بيؤثر في السحب ولا لا ؟ وايه اللي يخلي سلك شفاط الهوا يتقل كده عن الاول ؟

**darkangel007** · 02-05-2010 01:29 AM

هوا اكيد مظبطش الاسبراتير كويس!

**amrelsaqqa** · 02-05-2010 01:55 AM

الاسبراتير والكربراتير بيأثروا طبعا في السحب
ودول بيتحكموا في حاجات كتير جدا في العربية

**thegoodhacker** · 02-05-2010 05:11 PM

انا كنت واقف مع الميكانيكي ساعتها و ضبط الاسبيراتير كذا مرة لان كان فيها كهربا زيادة بيخلي الموتور يترج جامد ساعة ما ااجي ابطل الموتور .... ووضع الاسبيراتير ده اللي خلي الكهربا مضبوطة ومش بحس بتسقيف في الموتور ولا حاجة في الوضع ده علي بنزين 80 بس المشكلة اني حاسس ان سحب العربية بقي اقل من الاول ....
فياريت حد يفيدني هل الاسبيراتير كده عاوز يتظبط تاني ولا ايه ؟ وهل كده محتاج يقلل كهربا ولا يزودها ؟ ياريت حد خبير يفيدني

**amrelsaqqa** · 02-05-2010 05:23 PM

ممكن تزود الكهربا سنة بحيث تحسن السحب
بس المشكلة لو الموتور سقف
ممكن تعليها تانى بس تدى كل غيار حقه عشان تقلل التسقيف لو انت بتدور على السحب

**thegoodhacker** · 02-05-2010 05:34 PM

المشاركة الأصلية كتبت بواسطة amrelsaqqa

ممكن تزود الكهربا سنة بحيث تحسن السحب
بس المشكلة لو الموتور سقف
ممكن تعليها تانى بس تدى كل غيار حقه عشان تقلل التسقيف لو انت بتدور على السحب

طب ممكن اعرف الطريقة ازاي ؟ هو فيه قطعة حديد بصامولة بتمنع عمود الاسبيراتير انه يتحرك .... هل افك الصامولة دي ولا ايه ؟ واقدم الاسبيراتير ازاي ؟ يعني الفه في انهي اتجاه ؟
وشكرا جزيلا علي الاهتمام

**amrelsaqqa** · 02-05-2010 08:34 PM

هو غالبا تعلية الكهربا بتبقى في اتجاه كأنك بتفتح الحنفية
اعتبر الاسبراتير زي الحنفية الفتح = تزويد او تعلية والقفل = توطية او تأخير

بس مش شرط يكون عربيتك كدة لان فيه عربيات العكس
ممكن تفك الغطاء بتاع الاسبراتير وتخلى واحد يدى العربية مارش وتشوف شاكوش الاسبراتير بيلف في انهى اتجاه ، اتجاه لف الشاكوش هو اتجاه التاخير ، يبقى هتقفل الغطا وتلف الاتجاه المعاكس عشان تعلى

بس خلى بالك لأن ممكن تتكهرب من الاسبراتير
بس حرك الاسبراتير حركة صغيرة لأن الرينج بتاعك كله ربع دايرة ، نص ربع يمين ونص ربع شمال

**thegoodhacker** · 03-05-2010 11:12 PM

شكرا جزبلا يا استاذ عمرو علي التوضيح

**caysersosaih** · 03-05-2010 11:43 PM

بس خلي بالك مش الاسبراتير بس اللي بيأثر علي السحب شوف البوجيهات وفلتر الهوا وفلتر البنزين وزيت الموتور
قصدي تكون كل حاجة سليمة عشان تعرف المشكلة في الاسبراتير ولا حاجة تانيه

**kingmony** · 12-05-2010 05:07 AM

طيب هو ممكن الاسبراتير يكون سبب ان العربيه بتفرقع فى الشكمان ( بتعمل امبليهات )مع نقل الغيار يعنى لما اجى اغير مثلا من الثانى الى الثالث او ادوس بنزين وانا واقف ؟؟؟؟؟؟؟

الموضوع: هل ضبط الاسبيراتير بياثر في سحب العربية ولا لا ؟

LinkBack

أدوات الموضوع

عرض

هل ضبط الاسبيراتير بياثر في سحب العربية ولا لا ؟ - انشر الموضوع فى :

-

-

-

-

-

المواضيع المتشابهه

هل الجنط ال ١٧ بياثر علي العربيه؟

يا جماعه التكييف بياثر جامد

ظبط الزوايا من مكان لاخر بياثر على الدريكسون

هل حساس الشكمان بياثر على اسنهلاك البنزين؟

ساعدونى بسرعة فى تقسيمة الاسبيراتير الالكترونى ...

الكلمات الدلالية لهذا الموضوع

المفضلات

المفضلات

ضوابط المشاركة