الموضوع: هل الجنط ال ١٧ بياثر علي العربيه؟

انا دلوقتي بقكر اجيب ريو ٢٠١٢ خليجي بس هيها جنط ١٧
ناس كتير بتقولي بلاش الجنط ال ١٧ عشان العفشه
انا بصراحه مفهمش في العربيات اوي ومش عارف الكلام ده صح ولا غلط هل فعلا الجنط ال ١٧ وحش في مصر عشان شوراعنا كلها مكسره ول ايه؟

هو الحوار مش انه هيأثر على العربية او على العفشة ما دام العربية نازله من بلادها كده , المشكلة فى شوارعنا المكسرة و الى مليانه نقر و حفر , فده بيخلى الكاوتش يبوظ بسرعة لان معظم ال17 الكواتش بتاعه بيبقى رفيع يعنى 45 او اقل , بس انا راى لو الكاوتش 50 هتبقى المشكلة مش كبيرة اوى او ان شاء مش هيكون فيه مشاكل .. حاجة كمان الكاوتش الرفيع بيحسسك بالطريق اكتر , يعنى كل نقرة او كل زلطة هتحس بيها اكتر عن الكاوتتش العالى ... ودى حاجة بينك و بين نفسك , ناس ممكن ما تعتبرهاش مشكلة و ناس بتبقى بالنسة لها حاجة متعبة ..