الموضوع: لأطباء المنتدي نقاش حول الزمالات والمعادلات الاجنبيه

المشاركة الأصلية كتبت بواسطة asbeats

بالمناسبة.....

اياكم والتسرع في تقديم الإستقالة....اياكم اياكم.......

في ناس بتاخد طبيب زائر من غير ما تستقيل وبتظبط امورها هنا وهنا....

يعني متاخدوش خطوة الإستقالة الا لو عندكم خطة بديلة ومضمونة....صحيح شغل الحكومة شغل قذر ومش جايب همه....بس هاتولي واحد من كبار الأطباء في مصر استقال من الحكومة.....عايز تغيب غيب....وبلطج وهبل زي ما تحب....آخرهم معاك جزاءات وخصومات.....

استقيل في حالة وجود بديل مضمون....فقط

ونصيحة تانية....بلاش استعجال.....خدوا الدنيا بالهداوة كده وصدقوني مش هتتأخروا كتير....

مع الرأي ده ودايما بانصح به

مفيش سبب وجيه للي بعض الناس بيعملوه وده للاسف تسرع

انا مريت باحساس برضه انك حتتأخر والكلام اللي دلوقتي باقول عليه فاضي وفكرت فعلا في الاستقالة وكنت فعلا - انا والكثير - حانقدمها لكن رئيسنا( ربنا يجازيه اللي يستحقه اينما كان) قالنا لو قبلت استقالة واحد كلكم حتقدموها فمش حاقبلها

ومرت الايام والحمد لله اكتشفت ان الشئ اللي كان تعبني , بعد سنين كان سبب في خير لو كنت اعلم انه ات ما كنت استعجلت الامور ولله الحمد


لا تتعجل الامور كل شئ باوان وعسى ان تكرهوا شيئا وهو خير لكم

انا اعرف واحدة استقالت م الصحة وعملت حر وقدمت ماستر قبل زمايلها لكن للاسف على طول بتسقط ومتأخرة (مع انها فاضية)

العبرة دايما بالنهاية

مممكن الطبيب الحر يخليك تسجل ماستر بدري اي نعم

لكن تتأخر لاقدر الله في انك تعدي المواد وتكون مش حتتفتح تاني الا بعد سنتين مثلا كما يحدث الان

او تتأخر في رسالتك او او

وتلاقي اللي الوزارة اخرته يا بقى مخلص معاك يا اما سبقك

وبرضه دي حالات شفتها بعيني

فاجل قرار الاستقالة وليكن اخر خيار

المشاركة الأصلية كتبت بواسطة أم حمـــاس

كان مالها اعلام

ولا اداب فلسفة

لا تبكي على اللبن المسكوب

موضوع جميل جدا

وجاى فى وقته

انا حاليا فى امتياز وكنت عايز اعرف عن موضوع النايب الزائر يا ريت حد يفهمنى ايه مميزاتها وعيوبها او لينك فيه تفاصيل عن الموضوع

انا كنت قرات ان الحاصل على الزماله البريطانيه بياخد درجه اخصائى فى التخصص بتاعه وممكن يناقش الرساله فقط وياخد الدكتوراه بس معرفش مدى صحه الكلام دة ايه