الموضوع: لأطباء المنتدي نقاش حول الزمالات والمعادلات الاجنبيه

طيب ، حلو الكلام ، دلوقتي طالب طب في أمريكا بعد 9 سنين دراسة ، وحوالي 200,000 $ loans عليه هيبتدي يشم نفسوا ؟؟ لأ طبعاً،لغاية دلوقتي هو خلص دراسة لكن ميقدرش يشوف عيانين علشان مفيش خبرة . يبئة محتاج حاجة اسمها residency أو نيابة وديه هي إلي بيكتسب فيها خبرات .كام سنة النيابة هنا لو تفتكروا؟ أقل حاجة هنا هي family و-internal ودول 3 سنين .لو عايز جراحة تزود عليهم اتنين كمان ولو عايز subsub ذي neuro seugery زود عليهم سنه كمان .يعني neuro surgent أو cardio surgent عايز 5 +4+3+2+1= 15 سنة بعد ثانوية عامة علشان يوصل لكداه .ميزة ال-residency انها مبتكلفش فلوس يعني مفيش فيها مصاريف بس هما بيدولك بدل سكن ومصاريفك الشخصية . ولسا عليك ال-200,000 بفوايدهم مستنينك تدفعهم .


حد أكيد هيسأل ، طيب وهل العايد مجزي ، ok هنا لما أنا فكرت في الموضوع داه ، كل إلي أعرفهم قالولي لو إنت بتحب الطب علشان فلوسه انسا الموضوع ، وصدقوني كان عندهم حق أنا كنت حبب الموضوع علشان حاجتين ، أولاً انك تساعد حد يكون تعبان ويستريح ديه لوحدها حاجة جميلة ، تاني حاجة الفلوس ، تلت حاجة البرستيج بتاعها هنا . بس أنا جيت في النص وتعبت بصراحة تعبت جداً من المذكرة والمطحنة إلي كنت فيها ليل نهار . هنا على فكرة مفيش حاجة اسمها مرحش وأذاكر من البيت، كل واحد معاه clicker في جيب البالطو بيعلم بالساعة والدقيقة إلي بيروح فيهم . وإلي متأخر بينقص من ال-points بتعتو علطول. والواحد أسساً مش ناقص . الإمتحانات الواحد بيعدي فيها يدوباك بدعى الوالدين.
حسيب موضوع أنا عملت إيه وارجع تاني لموضوع إلي بيسأل على إن يجي من بره. في مصر ودول كتير ، طب بيكون 6 أو 7 سنين بعد الثانوية ، وبتحس بعد متخلصهم انك فيه حاجات كتير عايز تعرفها أو معملتهش بإيدك أو شفتها بعينك .علشان كدا أنا بحس إن الطب في مصر ناقص 3 أي 4 سنين تاني الطالب يلازم فيهم أستاذ في التخصص إلي الطالب عايز يمارس فيه وهو داه إلي هنا بيعملوه .
إلي بيحصل إن طالب من مصر معندهوش خبرة وخلص كلية وبيجي يلاقي نفسه قدام حاجة عملاقة اسمها USMLE ، اسئلة كلها MCQ عندك 5 اختيارات 2 غلط و-1 نص نص واتنين صح تماماً ومفروض تختار منهم أصح الصحيح . فالموضوع بيبكا صعب جدا على ناس لسة مخلصه ومعندهاش خبره. محدش يفهام غلط ، فيه ناس كتير من مصر عملت انجازات في ال-USMLE باس داه كان زمان من 15,20 سنة أيام مكان بيسهل في كل حاجة علشان يجبوا دكتراه . بس الحل اتغير تمام دلوقتي


للحديث بقية.

اذن....الموضوع مش مجرد رغبة في الدراسة في الخارج وخلاص....

الموضوع محتاج حاجات تانية مهمة....

دعم مادي كبير....
دعم معنوي من الأهل...اللي المفروض يصبروا كمان 15 سنة بحسابات DR.fadod

والأهم من ده كله....الجدية.....


وللأسباب السابقة....طلبت من الأخوة في مشاركات سابقة تحديد هدفهم بصورة واضحة جدا .... لعدم اضاعة المزيد من الوقت...
وطلبت منهم ايضا وضع خطط بديلة .... وعدم السير في اتجاة واحد فقط

المشاركة الأصلية كتبت بواسطة amir

ايه حظ دكاتره الاسنان من المناقشات دي؟
انا تم ضياع عامان في جامعه القاهره للاسف في ماجستير ربنا يعلم ايه نهايته نتيجه الاسلوب الراقي و المتحضر الموجود هناك
فأيه اخبار دكاتره الاسنان في المواضيع دي
ولا احسن اني اعمل موضوع منفصل ؟

أنا للاسف معنديش معلومات عن الاسنان ، أو حتى أصحاب ،إلي أعرفهم كلهم مخلصين أسنان من هنا ومايعرفوش حاجة عن معادلة أسنان للي من برة