دعوة قرأتها على الفيسبوك وحبيت أشاركم بيها للأشتراك في مارثون شباب أسكندرية
وانا على الفيسبوك قرأت دعوة لحضور مارثون في أسكندرية على الكورنيش يوم الجمعة الساعة 8 الفكرة عجبتني جداً خاصة أني بشوف كل يوم جمعة شباب كتير عاملين مارثون بس بالدراجات الهوائية ولاد وبنات وكانت أعدادهم كبيرة وبيعملوا السباق دة كل يوم جمعة الصبح بدري عشان الزحمة وبيبقى في تنظيط ورعاية ليهم من الشرطة النهاردة شوفت دعوة المارثون دة بس مش عارف هيكون في رعاية من الشرطة ولا لأ ولكن يبدو أن التنظيط جيد ودي مش أول مرة يعملوا فيها المارثون دة وفي فيديو عن أول مارثوت لشباب الأسكندرية وزي ما هتشوفوا في الفيديو حضور المشاركين بمختلف الفئات العمرية حاجة فعلاً جميلة :
http://www.youtube.com/watch?v=HwhpZyu_HIE
فيديو التعريف بالجروب والأتحاد
YouTube - ‫ط§طھط.ط§ط¯ ط´ط¨ط§ط¨ ط§ظ„ظٹظƒط³‬‎
ودة نص الدعوة :
نفسك تشارك فى ماراثون جرى على البحر ؟
بتجرى كتير على البحر لوحدك ونفسك حد يسليك
اتخنقت من المذاكره وعايز تعمل حاجه جديده
عايز تلعب رياضه وفى نفس الوقت تقضى وقت ممتع
عايز تجرى على البحر من غير احراج او كسوف مع اعداد كبيره
عايز تختبر قدراتك البدنيه
عايز تتعرف على صحابك جديده
مع جروب ( اتحاد شباب اليكس ) هنجرى كل يوم جمعه
وهنزود ليقتنا البدنية والجسمانية
وكمان هتزيد قدرتنا على التركيز فى ايام الامتحانات
وهنخرج من جو المذاكره كل يوم جمعه الصبح
وسعتين كل اسبوع الصبح مش هتعطل اى طالب عن المذاكره
الماراثون كل جمعه هيكون معاد التجمع الساعه 8 وهنتحرك الساعه 8.30 بالظبط وهيبقى جروبنا معاه لوحه مكتوب عليها ( اتحاد شباب اليكس عالفيس بوك مش مجرد شباب بتحلم )
هيبقى فى ماراثون ثابت كل جمعه من اول كل شهر على مستوى عااالى وتنظيم دقيق جدا
و" جوايز للمتسابقين " والمسافه هتكون من اول " صور المنتزه " على البحر لغايه " باب قلعه قايتباى "
وهنسمى اليوم ده ( الماراثون الكبير )
اى جمعه تانيه هيكون ماراثون عادى كتدريب للماراثون الكبير اللى هو اول جمعه من كل شهر
والمسافه هتكون اصغر من " صور المنتزه " لغايه " لسان جليم " وهيكون تنظيموا خفيف مش زى اول جمعه من كل شهر ومش هيبقى فى جوايز للمتسابقين
وهنسمى كل جمعه بالنظام ده ( ماراثون تدريبى )
وان شاء الله هيبقى فى تشرت رسمى للماراثون موحد هنقولكوا تفصيل التشرت ان شاء الله قريب
والماراثون ( مجانى ) بدون اى اشتراكات ومن غير اى شروط
:::::::::::::::::::::::::::::::::::::::::: اهداف الماراثون ::::::::::::::::::::::::::::::::::::::::::::::::
كل اسبوع يحتاج الطلاب الخروج من جو المذاكره حتى لا يصيبوا بالاكتئاب ولذلك قررنا عمل الماراثون كل اسبوع
إن الجري المنتظم :
يحسن بالدرجة الأولى عمل الذاكرة ونفسية الإنسان، كما أنه يعالج بعض الحالات التي يعاني
أصحابها من إشكاليات قبل النوم.
أن تأثير الجري على الجسم يظهر بعد أسابيع معدودة، عبر شعور الشخص بأن ثقته
بنفسه قد تعززت، وزوال الكآبة في حال وجودها بالإضافة لخلوده إلى النوم دون إشكالات
ومن فوائد الجرى
يساعد الجري على رفع الروح المعنوية وذلك لرضاك عن نفسك وجسمك وكذلك يساعد على التخلص من الإرهاق وضغوط الحياة اليومية.
يساعد الجري مثل بقية التمارين الرياضية التي تحرق الأكسجين في تحسين اللياقة البدنية وبالتالي الصحة العامة ويجعل الحياة اكثر نشاطاً وسعادة.
لا يحتاج إلى تجهيزات أو معدات عدا الحذاء والملابس الرياضية المناسبة
وتشير الدراسة التي أجراها فريق طبي مختص من المعهد الطبي الرياضي التابع لكلية الطب
بجامعة كارل الشهيرة في براغ، إلى أن الجري يعود الجسم على قدرة التحمل ويفيد عمل القلب
والرئتين ويقوي العظام ويحسن عمل الذاكرة وكذالك المزاج، بسبب تحريره للهرمونات المعروفة
باسم أندورفيني المسؤولة عن المزاج الجيد.
وتؤكد الدراسة أن عمل الدورة الدموية يتحسن إلى الأفضل بعد كل عملية جري منتظمة، وخاصة
تلك التي تستغرق قطع مسافات طويلة الأمر الذي يعود القلب على تحمل الجهد وتحسن
مستويات الكولسترول في الدم، مما يعني التخفيف من مخاطر الإصابة بأمراض القلب مثل ضيق
الشرايين
