الموضوع: كورولا 2003 و أستفسار من أهل الخبره في التويوتا

انا عايز اعرف اسعار قطع غيار الكورولا 2003 بتبقي في حدود كام قطع الغيار عموما و خصوصا بقي الفلاتر زي فلتر البنزين و فلتر الهوا كمان عايز اعرف اسعار تيل الفرامل الامامي و الخلفي اليباني يعمل كام و كمان طرمبة البنزين ؟ معلش سؤال كمان لو عايز اغير فلتر البنزين و طرمبة البنزين و تيل الفرامل اروح لحد في الحرفيين و لا اي ميكانيكي يقدر يغيرهم و خلاص ؟
استفسار كمان هو تغيير الزيت كل 5 الاف المفروض اعمل اية كمان غير تغيير الزيت ؟ يعني فيه فلاتر بتتغير او بتتنظف كل 5000 مع تغير الزيت او فيه زيوت تانية زي زيت الجير الاوتو او زيت الفرامل بتتغير مع الزيت العادي و كمان اية في السيور ممكن ابص عليه من الاخر اية اللي مفروض اعمله كل 5000 او 3000 كيلو و يا تري فيه مراكز اعمل فيها الصيانة الدورية دي غير التوكيل ؟ انا مثلا في الامارت بعمل لليارس بتاعتي الصيانة الدورية في بنزينه الامارات كل 3000 كيلو و هما بيشيكوا علي كل حاجة و ارخص من الفطيم بكتيير وكمان عندهم كل قطع الغيار الاصلية لما بحتاج اغير حاجة بيغيرها عندهم عايز اعرف فيه في مصر حاجة زي كده و لا لا ؟ طولت عليكوا بس انتوا عارفين لا خاب من استشار

المشاركة الأصلية كتبت بواسطة ahmed galal

تيجى بالسلامة و هات الحاجة من عندك احسن بس مش عارف ينفع تعدى بيها من المطار عادى و لا لأ
هات:سير كاتينة لو هيا على سير
سير باور و تكييف
فلتر بنزين
تيل فرامل امامى و خلفى
لو عايز بقا بالمرة تجيب فلتر هوا و بوجيهات يبق تمام
و هات كله اصلى
اكيد هايبقا ارخص من هنا

انا عندي يارس و اعتقد الاسعار متقاربة تيل الفرامل امامي كان ب 120 درهم و البوجيهات كانت ب 30 درهم و فلتر البنزين كان ب 80 درهم الحاجات دي كلها اسعار وكالة من الفطيم اعتقد الدرهم ب 1.50 هحاول اشوف حد في مصر يسئل لي علي الاسعار و انا هقارن