أستفسار مهم من اهل الخبره

**fido377** · 04-07-2010 10:15 AM

قبل ما اقول موضوع الاستفسار عاوز اشكر اداره المنتدي وكل المشاركين فيه علشان بجد بيفيد جدا جدا جدا وفيه معلومات بجد تحفه...

انا معروض عليه اوبل فيكترا 1600 موديل 92 على 30000 الف وعلى حسب كلام صاحبها انها عاوزه تنزل ماتور وهيه على فكره استيراد(معاقين) وبقالها مع صاحبها 5 سنين وعاوز يغير وفيه شويه تظبيط في العفشه... اتكل على الله واشتري ولا اراجع نفسي..

على فكره انا راكب دلوقتي بيجو 307 موديل 2007 بس للأسف بره مصر ومش عاوز انزلها مصر دلوقتي وبفضل دايما العربيات الاوربي بس ده هيبقه اول تعامل مع الاوبل

**abdelrahmanhamdy** · 04-07-2010 10:23 AM

بلاش يا باشا هتتعب معاها

**tamertamer** · 04-07-2010 10:24 AM

لا متجبهاش خليك فى الفكترا 94 او 95 او الفكترا بى من اول 96 حتى 2003
لكن تجيب عربية فكترا موديل 92 منزلتش مصر وتتعسف فى حجات كتير بترمى فلوسك وسيبك من رخص ثمنها

**fido377** · 04-07-2010 10:57 AM

اولا شكرا اوي على سرعه الرد...
بس مش عارف ليه انا كان نفسي في اوبل وحسيت ان السعر ده مناسب معايا وهيه على حسب ما عرفت فبريكه بره وجوه وصاحبها عرض على والدي انه ياخدها اي مكان علشان يفحصها بس هوه برده اكد انها لازم تغير الماتور وغير كده مفيش اي مشاكل... وأنا كنت بفكر لو هركب ليها ماتور فيكترا 94 عندي استعداد اصرف لحد 7000 جنيه عليها..

**tamertamer** · 04-07-2010 12:45 PM

الفكرة مش فى الفلوس على اد انها مقرفة اولا تقفيل الصنيعى سواء الاتى
1- تقفيل الضفيرة
2- تسقيط المتور قلى هتلقى حجات كتير عيزة تتغير سواء قواعد او حجات تعرفها مع التغير قرف كبير جدا
بس لو انت غاوى خلاص لانها هتاخد منك مجهود وفلوس مش قليلة وخلى بالك ان العربية 92 او 94 قطع غيرها قلت كتير عن الاول فمش بسهولة تقدر تجيب كل حاجة على العموم نصحتى ليك عدم المجزفة لكن لو نفسك فيها خلاص هتها لكن لا تنخدع بالمبلغ لان العربية الالمانى بتصرف من غير متحس

**فادى محمد** · 04-07-2010 01:10 PM

المشاركة الأصلية كتبت بواسطة tamertamer

الفكرة مش فى الفلوس على اد انها مقرفة اولا تقفيل الصنيعى سواء الاتى
1- تقفيل الضفيرة
2- تسقيط المتور قلى هتلقى حجات كتير عيزة تتغير سواء قواعد او حجات تعرفها مع التغير قرف كبير جدا
بس لو انت غاوى خلاص لانها هتاخد منك مجهود وفلوس مش قليلة وخلى بالك ان العربية 92 او 94 قطع غيرها قلت كتير عن الاول فمش بسهولة تقدر تجيب كل حاجة على العموم نصحتى ليك عدم المجزفة لكن لو نفسك فيها خلاص هتها لكن لا تنخدع بالمبلغ لان العربية الالمانى بتصرف من غير متحس

كلام تامر مضبوط ...خليك في موديل اعلي شويه علشان تبقي مطمن لقطع الغيار ...

**tamertamer** · 04-07-2010 02:23 PM

بص السؤال ميجيش كدة الاوبل عموما عربية جميلة جدا مثلها مثل كل العربيات الالمانى الصنع قوية نعومة نزبية لكن هناك شرط اساسى هو حالة العربية لازم لو عايز تستمتع بيها من غير قرف تجيب حاجة حلتها نضيفة لان نضافة العربية هو المقياس وتاتى الاهتمام بيها ثانيا من حيث ثبات الحالة العامة للسيارة يبقا منقلش مين افضل نقول انهى تقدر تجبها بحالة حلوة وهو كل مقربت بالموديل فرصتك انك تلقى الات افضل موجود واكبر يعنى مثل 94 عربية مش كتيرة نسبيا بقلها نحو 16 سنة مشية على الارض تاتى بعدها الفكترا بى حتى موديل 2003 اى 7 سنوات هنا يمكن ايجاد حالة جيد جدا بسهولة ذالك لا يمنع وجود فكترا اة نضيفة ولكن نادرا ما يفرط فيها انسان لانها عربية رائعة اذا وجدت الحالة