اقتباس المشاركة الأصلية كتبت بواسطة mmamdouh مشاهدة المشاركة
لتوضيح التحدى اللى بينى و بين رامز... انا بقولة ان عربيتة مهما كانت قوبة فهى من ثبات مش حتقدر تبقى زى اى عربية مانيوال... دى طبيعة اى عربية اوتوماتك فيها torque converter بالتالى انا متاكد ان من ثبات او حتى من سرعة 20 عربيتى حيبقى رد فعلها اسرع من عربيتة و حشب عنة... هو اكيد حيحصلنى و يطلع منى... و اللى يفتكر غير كدة يبقى بيحلم... لكن فى موضوع رد الفعل الغلبة حتبقى ليا... انا سوقت عربية رامز و عارف هى قوية فين و ضعيفة فين... المشكلة انه مش مقتنع بكدة

الموضوع دة بيفكرنى بتحدى حصل زمان بين صديق ليا بلانوس وواحد بفولكس بيتلز... بتاع اللانوس تخيل انة حيحط على البيتلز و انا قولتلة و حذرتة انة ميطلعش معاه من ثبات... انا راجل كنت راكب بيتلز زمان و عارف العربية كويس اوى... المهم الراجل ركب دماغة و قال انة حيطلع من ثبات و قد كان... البيتلز مرمطت اللانوس اولانى تانى... عزم حيوان و فتيس نقلاتة قصيرة جدا فا العربية عاملة زى النبلة و بالتالى اللى حصل كان طبيعى جدا... طبعا فوق الاية اتعكست تماما لان البيتلز تقيلة جدا و موتورها مش قوى زى اللانوس...

على فكرة (اول تانى) بتوع البيتلز بيوصلوها الى 50 كيلو فى الساعة فقط... يعنى و بتاع البيتلز بيحط تالت كان صاحبى بيحط تانى... قصر طول نقلات البيتلز اداها الميزة فى طلعة الثبات... دا غير انها جر خلفى و موتورها ورا بالتالى مفيش تقريبا امركة فى الطلعة بكس اللانوس اللى وزنها اترمى ورا و امركت شوية و هى طالعة

mmamdouh
هو فيه خدغتين إللي يعرفهم و يعرف ينفذهم صح يطلع بالأوتوماتيك العادي نفس طلعة المانيوال أو قريب منها جدا وفرق المواتير يعوض الباقي ... أقول واللا نخلي الرهان توتو على كابوتو؟