الموضوع: اصلاح تكيف هوندا جاز

أحكي لحضرتك تجربتي مع تكييف السيفيك 2005
برضة نفس الحكاية الكومبرسور كان ضرب و بهدل الدورة كلها
وحاولت اصلح عند ناس متخصصة في التكييف في بورسعيد و للأسف محدش عرف يعمل حاجة بل بالعكس واحد منهم الله يسامحة بوظ الكونترول كمان (ثمنه 1200 جنيه لوحده)
في النهاية و بعد ما لفيت كتير و صرفت اكثر من 2500 جنيه رحت التوكيل
وفعلا غيروا الكومبرسور ومعظم اجزاء دورة التبريد و الفاتورة كانت 11 الف جنيه
طبعا انا من بورسعيد و دورت كتير على تكييف سيفيك 2005 بس الموجود في سوق الإستيراد كله نظام دريكسيون يمين و مايركبش عندي
حاول تشوف الإستيراد الأول يمكن يكون حظك كويس (كلم مجدي الدسوقي) 0123406486

فعلاُ حاول تشوف الاستيراد الأول زى ما الباشا قال لك، و برضه روح لى بتاع تكييفات متخصص زى اللى في الموضوع ده

http://www.nilemotors.net/Nile/131620-2007.html

وفي واحد ثانى أسمة العفريت برضه كويس في شارع الطيران خلف بنزينة موبيل وربنا يوفقك وتحل المشكلة

المشاركة الأصلية كتبت بواسطة cladonell

معلش ممكن تقولى إزاى بوظ الكنترول؟ الحقيقة أنا مش ناوى أصلحها فى التوكيل و قلقان فعلا من أخطاء الصنايعية. بس مش عاوز أصلا تكيف هوندا أصلى تانى استيراد أو غيره لأن لما الكومبريسور يضرب بعد أقل من 100 ألف كيلو يبقى فعلا مش ثقة.

فكرتني ليه بس ...
انا ماصدقت نسيت
الباشا اللي انا روحتله المفروض انه نمره واحد في بورسعيد في شغل الكهرباء و التكييف
وكنت فعلا مجربه قبل كده في تصليح عطل في ظفيرة ال ABS الخاصة بسيارتي ال SiR
وقالي سيب العربية يومين على مانصلح التكييف
وعديت عليه بعد اليومين دول قالي احنا غيرنا الكباس و عملنا مفتاح خارجي للثرموستات بتاع التكييف علشان يظبط
وبعدين لاحظت ان لمبة مفتاح ال A/C ما بتفصلش
ولما سألته قالي ما هي دي علشان المفتاح الخارجي للثرموستات
وطبعا انا علشان كنت مستعجل و عايز أخد العربية و اسافر على شغلي في مرسى علم
أخدت العربية و سافرت و في نص السكة رجع الموضوع زي ماكان و لا كائن كان فيه تكييف
والراجل هبش حوالي 1800 جنيه
منه لله...مش مسامحة
طبعا لما رحت اصلح في التوكيل سالتهم عن موضوع اللمبة اللي ما بتطفيش
قالولي ان الراجل اللي حاول يصلح التكييف عمل قفلة على البوردة بتاعة الكونترول
و الوحدة دي ب 1200 جنيه و بتيجي استيراد من دبي علشان مش موجوده في مصر
ودي الحاجة الوحيدة اللي التوكيل ماغيرهاش
المهم انا اشتريتها استيراد بتاعة دريكسيون يمين ب 450 جنيه و الكهربائي بتاعى عدلها شمال و شغلها واخد 50 جنيه

المشاركة الأصلية كتبت بواسطة semsem kane

بقولك اية ياباشا طالما المشكلة لها فى الكومبريسور ماتغيرة اية اللى دخل باقى الدورة فى الموضوع
يعنى حضرتك عندك مكونات التكيف
1:الكويل
2:السربنتينة
3:الكومبريسور
4:بلف الاكسبانشن
حضرتك عندك كل دول شغالين ماعادا الكومبريسور يبقى غيرةو تمنة جديد لا ياتعدى 2500 من التوكيل يابانى اصلى واستيراد 900 جنية يابانى
جرب وشوف وسيبك من التوكيل

على حد معلوماتي لو الزيت ضرب في دورة التبريد يبقى لازم تغير كذا حاجة على حسب الضرر الواقع
ممكن توصل للسربنتينة الداخلية و الإكسبنشان بلف
ممكن بعض الخراطيم و بعض الوصلات
التوكيل هو اللي يقدر يحدد حجم الخسائر
دول قاعدو يشتغلوا في عربيتي اسبوع
بيكشفوا على كل جزء بشكل منفصل علشان يعرفوا ايه اللي يتغير و ايه لآ