الموضوع: Dvd الجين-2 وصل مصر أخيرااااااااااا يا بروتوناوية

المشاركة الأصلية كتبت بواسطة dreslam

طيب ان شاء الله انا بعت اجيب فريم بلاستيك اعتقد بعد عشر ايام حركبه.انا جبت واحد double din وواحد one din وحشوف النظام ايه.اصلي بصراحه مستخسر ادفع 3500 جنيه في جهاز انا عارف ان كمان كام شهر سعره حينزل كتير

تمام ان شاء الله يوصل بالسلامه, وتعرفنا الجديد بالصور ان شاء الله.

الجهاز غالي لاسباب كثيره...او بمعنى اصح مش يستاهل ربع المبلغ دا:

1- الجهاز صيني
2- الجهاز لا يدعم العربيه
3- الجهاز بناء على ما قرات في الموقع مش نازل معاه خرائط مصلا اصلا!! حد راسلهم و اتاكد من النقطه دي؟ ايه الهدف ان اجيب جهاز بالسعر ده وصيني ومش الاقي الخرائط والابديت بتاعها؟؟ مجرد منظر فقط؟

4- حتى لو جبت جهاز اصلي ب 2000 - 3000 جنيه بنظري انت الرابح, لو انت فعلا محتاج جي بي اس وتحتاجه في حياتك اليوميه والعمليه مش منظره...اولا الاجهزه الاصليه لها مكاتب وتوكيل في مصر..ثانيا ضمان على الهاردوير بعكس الصيني لو حصل اي حاجه لا قدر الله مش هاتلاقي حد وهاتخلي اي كهربائي يجرب فيه او هاترميه في اقرب باسكت قدامك..ثانيا كل الصيني اللي شفته في السوق خرائطه 2009 قديمه ومش كامله ومفيش ابديت اصلا وكل ابديت لما ينزل ب 100$ يعني لو حسبنا انك اشتريت خلال سنتين او 3 , 2 ابديت كدا كانك دفعت تمن الجهاز الاصلي مرتين او 3 كمان...لان الاجهزه الاصليه معاها ابديت مجانا للخرائط مدى الحياه وبعقد رسمي كمان..وجهة نظري ربما تكون صواب.

وبانتظار جديدك,

تحياتي

يا ريت والله المفروض اني اديت الامر بالاوردر وحولت الاموال.ولو طلبت تاني حيبقى اوردر جديد.