الموضوع: اضحك مع محمود بكر

المشاركة الأصلية كتبت بواسطة أبو حمزة

الراجل بيضحك ضحكة من الودن للودن
يبقى أكيد بيهزر :m_yes[1]:
بس تعال هنا
إنتو مش هاتبطلوا تشيلونا من دماغكم
مالكم ومال شيكا حبيب الملايين :l_bhuhhh[1]:

انا هعمل شكوى حالا , ده شتمنى ! و شتم الاهلى ! و بيقول علينا متعصبين كمان ..

على فكرة انا بحب شيكابالا اكتر منكم كزملكاوية و كان بيصعب عليا جدا لما يشتموه باهله , ده امهر لاعبي الزمالك اساسا , بالرغم من انه فشل مع المنتخب بسبب فقده للعب الجماعى و لكنه صاحب مهارات عالية جدا ..

المشاركة الأصلية كتبت بواسطة أبو حمزة

على فكرة أنا مبحبهوش :m_yes[1]:
مهارته لا خلاف عليها
بس انا مش باحب فيه أنانيته وإنه متقلب المزاج
أي لاعب متقلب المزاج مبحبهوش
عشان كدة فرحت لما جمال حمزة راح الأهلي :y_hi_3[1]:

ما هو فشل مع المنتخب لانه انانى مبيعرفش يلعب لعب جماعى .

بس جمال حمزة متقلب المزاج على نفسه مش على الاهلى , اوعدك انه هتشوفه بشكل تانى , حتى لو كان مبيعرفش يلمس الكرة .

هتشوف بنى ادم مهذب و خلوق او حتى مش هتسمع عنه خبر حلو او وحش .

مفيش مكان للاعب قليل الادب او مش ملتزم داخل اسوار الاهلى , لو فكر يعمل كده فمصيره زى الحضرى .

المشاركة الأصلية كتبت بواسطة أبو حمزة

مش ممكن والله يا درش
الجملة دي المفروض تاخد جايزة نوبل - في إيه مش عارف.
كل ما تيجي سيرة جمال حمزة مع حد أهلاوي ألاقيه يقول الكلمتين دول بالنص
متفقين للدرجة دي، يا راجل مش كدة

هات لى لاعب حالى بيلعب فى الاهلى و سمعته وحشة ..

المشاركة الأصلية كتبت بواسطة أبو حمزة

انا عندي رد بس مش شايف داعي إني أقول أسماء
هاتكون مساحة الاختلاف بيننا أوسع من مساحة الاتفاق وهاندخل في جدال لا داعي له
وكمان بالمرة عشان الواحد ميشيلش وزر، كفاية اللي الأوزار اللي عندنا، ربنا يغفر لنا جميعاً
الملائكة لا تسكن الأرض، وخصوصاً بين لاعبي الكرة
والمحترمين بجد شخصيات معدودة
ملهاش دعوة بنادي بيلبس أحمر وغيره بيلبس أخضر

إحنا بوظنا موضوع محمود بكر خالص :)

معنديش اى مشكلة فى النقاش الرياضي , خصوصا ان محمود بكر ده يعتبر من اهل الرياضة برده , و مش كل الناس تعرفه .

عمومـا يا ابو حمزة خد مثال بسيط بس قبل ما تقول فرحان ان جمال حمزة راح الاهلى .

شوف سيد معوض اللى كان اكثر واحد بيتطرد فى الاسماعيلى و كان بيكره الاهلى زى اسرائيل , لما جه الاهلى بقي اقوى لاعب فى الجهة اليسري و من افضل لاعبي المنتخب الوطنى و اخلاقه اتفرمتت من جديد .

و كلها كام يوم ان شاء الله و اذكرك بهذا اليوم عندما يتالق جمال حمزة فى النادى الاهلى .