الموضوع: اضحك مع محمود بكر

المشاركة الأصلية كتبت بواسطة human12

مالوش حل الراجل ده!!

من اول شيكل الموباره انهارده لغايه نازل الماتش الاهلى عايز يكسب!!! اكيييييد عايز يكسب

ههههههههههههههه
بس كده بصراحة الراجل متعته مش فىجودة تعليقه بالعكس دى فى عدم جودة تعليقه كأنك جايب اللمبى يعلق على المباراة

جت فى بالى فكرة... لو حد دمه خفيف (مش أنا طبعا) يتخيل اللمبى بيعلق على ماتش من دول هيقول إيه؟

كده مثلا:

إلى كل شاب وكل فتاة
أهلا بوكوم فى مشت الأهلى والتارسنة
المشت اللى كل البنى أدمين مستنياه
فى إمبابة والموسكى والعتبة
الأهلى على إيدك اللى بتاكل بيها والترسنة على إيدك اللى بتهش بيها الدبان

فى ماتش الاهلى والاسماعيلى
كان لاعب بيلعب اوت
الكاميرا جابت واح ببدله بيتكلم فى الموبايل واقف فى التراك
قال ( التراك انهارده ملغغغغم ....مباحث دول ولا ايه ؟ )
وعلى فكره رد فعله سريع جدا مبيفكرش هايقول ايه

المشاركة الأصلية كتبت بواسطة magomago

فى ماتش الاهلى والاسماعيلى

كان لاعب بيلعب اوت
الكاميرا جابت واح ببدله بيتكلم فى الموبايل واقف فى التراك
قال ( التراك انهارده ملغغغغم ....مباحث دول ولا ايه ؟ )
وعلى فكره رد فعله سريع جدا مبيفكرش هايقول ايه

وقبلها مان بيقول عليهم :......في ناس بتحب تطلع في الكاميرا فقالك يقفوا ورا المدرب

انا بستمتع بمتابعة المباريات اللي بيعلق عليها محمود بكر و علي فكرة انا قابلته و اتكلمت معاه كتير - لما بيكون فاضي بيقعد علي كافيتيريا شحتوت -
و الله تعليقه في منتهي الروعة يعني انا مراتي مالهاش في الكورة اساسا بس بتحب تسمع تعليقه - و هو بدأ يهنج من فترة قريبة بحكم السن بقي انما بصراحة من زمان و الواحد بيستمتع بتعليقه و بتحليله اثناء المباراة و بعدين بيكون تحليله الي حد كبير صحيح خصوصا في توقعه للتغييرات
و افتكره موقف برضه اثناء تعليقه علي ماتش الاهلي و المحلة لما احمد حسن دروجبا احرز هدف و راح ناحية راية الكورنر و خلعها و عملها مجداف و قعد كأنه بيجدف في فلوكة فقام بكر قاله جدف جدف براحتك ما انت بقالك سنتين ما جدفتش قبل كده و برضه بيكون عسل قوي لما بيحكي عن مشاكله اثناء التعليق يعني مثلا كان مرة بيقول فوجئت امبارح و الله و انا نازل في محطة سيدي جابر انهم نقلوا المحطة و الرصيف و كل حاجة
فهو بصراحة راجل طلته حلوة و ما تزهقش منه ابدا