يا جماعة انا بطاقتى تبع البساتين حد عارف اروح مرور ايه لاستخراج الرخصة

**damdam41** · 03-05-2010 12:16 AM

[overline]سلام عليكم
يا جماعة انا عند بطاقتين الاولى تبع اكتوبر و للاسف سقطت فى الامتحان فبفكر امتحن تبع بطاقتى القديمة اللى هى تبع البساتين هل ده ينفع ولا ممكن الكمبيوتر يكشفها و لو ينفع حد يعرف اروح مرور
سؤال اخر و اسف على الاطالة هل ممكن اروح امتحن من الاول و جديد فى اكتوبر تانى ولا لازم استنى الشهر اللى قالى عليه الظابط
[/overline]

**Terrible_DaRsH** · 03-05-2010 12:22 AM

اصبر شهر ليه تعمل الكلام دا كله !

**simo4ever** · 03-05-2010 12:27 AM

المشاركة الأصلية كتبت بواسطة damdam41

[overline]سلام عليكم
يا جماعة انا عند بطاقتين الاولى تبع اكتوبر و للاسف سقطت فى الامتحان فبفكر امتحن تبع بطاقتى القديمة اللى هى تبع البساتين هل ده ينفع ولا ممكن الكمبيوتر يكشفها و لو ينفع حد يعرف اروح مرور
سؤال اخر و اسف على الاطالة هل ممكن اروح امتحن من الاول و جديد فى اكتوبر تانى ولا لازم استنى الشهر اللى قالى عليه الظابط
[/overline]

لا حضرتك ممكن تمتحن عادى فى مرور التابع لقسم البساتين .. اللى هو مرور ( الخليفة ) هتلاقيه تحت المطلع بتاع كوبرى الدائرى على الأوتوستراد فى الطريق المؤدى الى صقر قريش وحلــوان

وبالنسبة لسؤال حضرتك التانى ... فأنت لازم تستنـى شهـر زى ما الظابط قالك ... بس أنا أعرف انها مدة 3 شهــور .. معرفش هما غيروها ولا لا

ولو مش عاوز تستنـى شهر وحاسس انه كتير عليك ،، ممكن حضرتك تجيب أى حد من الناس اللى ليها يد فى الكلام دا ويخلصلك الموضوع فى 10 دقايق ( واسطة يعنــى )

من غير امتحان ولا حاجه ...

**damdam41** · 03-05-2010 12:41 AM

المشاركة الأصلية كتبت بواسطة terrible_darsh

اصبر شهر ليه تعمل الكلام دا كله !

الحقيقة انا عندى شغلى و شركتى و متزوج و موضوع المواصلات مقرف جدا سواء فى الشغل او التنقل بالعائلة انا عارف ان شهر مش كتير لكن خايف استنى شهر اروح امتحن يحصل زى اللى حصل المرة دى و استنى كمان شهر وهكذا (الظابط اتخانق مع واحد و سقطت كل الناس عشان مزاجه اضايق)

**damdam41** · 03-05-2010 12:43 AM

المشاركة الأصلية كتبت بواسطة terrible_darsh

اصبر شهر ليه تعمل الكلام دا كله !

المشاركة الأصلية كتبت بواسطة simo4ever

لا حضرتك ممكن تمتحن عادى فى مرور التابع لقسم البساتين .. اللى هو مرور ( الخليفة ) هتلاقيه تحت المطلع بتاع كوبرى الدائرى على الأوتوستراد فى الطريق المؤدى الى صقر قريش وحلــوان

وبالنسبة لسؤال حضرتك التانى ... فأنت لازم تستنـى شهـر زى ما الظابط قالك ... بس أنا أعرف انها مدة 3 شهــور .. معرفش هما غيروها ولا لا

ولو مش عاوز تستنـى شهر وحاسس انه كتير عليك ،، ممكن حضرتك تجيب أى حد من الناس اللى ليها يد فى الكلام دا ويخلصلك الموضوع فى 10 دقايق ( واسطة يعنــى )

من غير امتحان ولا حاجه ...

شكرا جدا على رد حضرتك و ان شاء الله اروح المرور و ربنا يستر هناك و لو حضرتك تعرف ايه النظام هناك ياريت تقولى

موضوع الواسطة او الفلوس انا بحاول فيه برضه

**bassem.naguib** · 03-05-2010 10:39 AM

المشاركة الأصلية كتبت بواسطة simo4ever

لا حضرتك ممكن تمتحن عادى فى مرور التابع لقسم البساتين .. اللى هو مرور ( الخليفة ) هتلاقيه تحت المطلع بتاع كوبرى الدائرى على الأوتوستراد فى الطريق المؤدى الى صقر قريش وحلــوان

وبالنسبة لسؤال حضرتك التانى ... فأنت لازم تستنـى شهـر زى ما الظابط قالك ... بس أنا أعرف انها مدة 3 شهــور .. معرفش هما غيروها ولا لا

ولو مش عاوز تستنـى شهر وحاسس انه كتير عليك ،، ممكن حضرتك تجيب أى حد من الناس اللى ليها يد فى الكلام دا ويخلصلك الموضوع فى 10 دقايق ( واسطة يعنــى )

من غير امتحان ولا حاجه ...

توضيح صغير لكلام حضرتك .. قسم الخليفة بقى تبع مرور المقطم .. وده مرور لسه جديد .. كان الأول تبع مرور البساتين .. أيام الله لا يرجعها .. وما أدراك ما مرور البساتين .. انا رحته مرتين .. مش عاوز أقولك العذاب اللي شوفته هناك ..

**bassem.naguib** · 03-05-2010 11:09 AM

المشاركة الأصلية كتبت بواسطة damdam41

طيب انا دلوقتى تبع مرور ايه البساتين ولا المقطم

طالما بطاقة سيادتك تبع البساتين .. تبقى مرور البساتين (المعادي والبساتين) .. إنما لو تبع الخليفة تبقى تبع مرور المقطم .

يعني أنا بطاقتي تبع قسم الخليفة (ساكن في الحلمية الجديدة) .. وكنت في الأول خالص تبع مرور عين الصيرة .. ثم تم النقل لمرور البساتين (ربنا يجعل كلامنا خفيف عليهم) .. وفي التجديد القادم حبقى تبع مرور المقطم .

بس يمكن بعد ما عملوا عدة وحدات للمرور يكون الضغط خف على وحدات المرور بصفة عامة .. أو أتمنى ذلك .

**bassem.naguib** · 03-05-2010 11:32 AM

المشاركة الأصلية كتبت بواسطة damdam41

طب هو مرور البساتين ده فين انا من اكتوبر و معرفش هناك غير قسم البساتين هل المرور جنبه

بص يا سيد مرور البساتين على الأتوستراد .. لو أنت جاي من السيدة عائشة ودخلت على الأتوستراد .. حتعدي المجزر الألي بتاع البساتين .. حتلاقي المطلع بتاع الدائري على اليمين (المطلع اللي بيوديك على كارفور والقاهرة الجديدة) .. حتلاقي المرور تحت المطلع ده بالظبط .. وتمنياتي ليك بالاستمتاع هناك